Genesisy 37:33 - Baiboly Katolika

³³ Fantatr’i Jakôba fa izy io, ka hoy izy: «Ny akanjon-janako tokoa. Lanin’ny biby masiaka izy! Voaviravira tokoa i Josefa.»

Baiboly Protestanta Malagasy 2011

³³ Dia fantany ilay akanjo ka hoy izy: Akanjon’ny zanako io! Lanin’ny biby masiaka izy! Voaviravira tokoa i Josefa!

DIEM PROTESTANTA

³³ Fantatr’i Jakôba fa an’i Jôsefa io, koa niantsoantso izy hoe: –Akanjon-janako tokoa ity! Noviravirain’ny biby masiaka i Jôsefa ary laniny.

Dikateny Iombonana Eto Madagasikara

³³ Fantatr’i Jakôba fa an’i Jôsefa io, koa niantsoantso izy hoe: –Akanjon-janako tokoa ity! Noviravirain’ny biby masiaka i Jôsefa ary laniny.

Baiboly Protestanta Malagasy

³³ Dia fantany, ka hoy izy: Akanjon’ny zanako io: efa lànin’ny biby masiaka izy; voaviravira tokoa Josefa.

Malagasy Bible

³³ Dia fantany, ka hoy izy: Akanjon'ny zanako io: efa lanin'ny biby masiaka izy; voaviravira tokoa Josefa.

Genesisy 37:33 Rohy Ifampitohizana

Genesisy 37:20

Andeha hovonointsika izy, ka hatsipintsika ao anatin’ny iray amin’ireto lavaka fantsakana ireto, sy holazaintsika hoe: nohanin’ny biby masiaka, ary ho hitantsika amin’izany izay hiafaran’ny nofiny.»

Genesisy 37:32

Dia nampanateriny tany amin-drainy ny akanjo lava, nasainy nolazaina taminy hoe: «Ity no hitanay, ka jereo na ny akanjon’ny zanakao ity na tsia.»

Genesisy 42:38

Fa hoy izy: «Tsy hiara-midina aminareo ny zanako. Ny rahalahiny efa maty, izy irery no sisa. Ka raha hidiran-doza any amin’izay lalan-kalehanareo any izy, dia hampidininareo any amin’ny fonenan’ny maty amin’alahelo, ny voloko fotsy.»

Genesisy 44:20

Ary izao no navalinay ny tompoko: ‹Manan-dray efa antitra izahay sy zandry faralahy, zanaky ny fahanterany; nanan-drahalahy io zaza io fa efa maty, dia izy irery no sisa tamin’izy iray reny, ka tian-drainy izy.›

Genesisy 44:28

ny iray efa lasa tafasaraka tamiko, ka hoy aho hoe: Tsy maintsy ho voaviraviram-biby izy, satria tsy hitako intsony mandrak’androany.

Genesisy 48:11

Ary hoy i Israely tamin’i Josefa hoe: «Tsy nanampò hahita tava anao intsony aho, kanjo indro ataon’Andriamanitra mahita ny taranakao aza.»

1Mpanjaka 13:24

Rehefa lasa ilay olon’Andriamanitra dia nifanehatra tamin’ity liona anankiray, izay namono nahafaty azy. Raha mbola niampatra teo an-dalana teo ny fatiny, dia nijanona teo anilany ilay ampondra, ary nipetraka teo akaikin’ny faty koa ilay liona.

2Mpanjaka 2:24

dia niherika nijery an’ireo izy, ka nanozona azy tamin’ny Anaran’i Iaveh. Ary nisy orsa roa nivoaka avy tao anaty ala, ka namiravira ny 42 tamin’ireo ankizy ireo.

Ohabolana 14:15

Ny kely saina mino izay teny rehetra ambara aminy; ny olo-malina kosa, mitandrina ny diany.

Jaona 13:7

Dia namaly i Jesoa ka nanao taminy hoe: «Tsy fantatrao izao izay ataoko, fa ho fantatrao aoriana.»