Genesisy 33:18 - Baiboly Katolika

¹⁸ Dia tafaverina avy any Padan-Arama i Jakôba, ka tonga soa aman-tsara tao Sikema, amin’ny tany Kanaana, ary nitoby teo anoloan’ny tanàna.

Baiboly Protestanta Malagasy 2011

¹⁸ Tonga soa amantsara tao an-tanànan’i Sekema, izay eo amin’ny tany Kanana, i Jakoba, rehefa avy tany Padana-Arama. Dia nitoby tandrifin’ny tanàna izy.

DIEM PROTESTANTA

¹⁸ Rehefa niverina avy tany Mezôpôtamia ambony i Jakôba, dia tonga soa aman-tsara tao an-tanàna Sekema izay eo amin’ny tany Kanahàna; dia nitoby teo akaikin’ny tanàna izy.

Dikateny Iombonana Eto Madagasikara

¹⁸ Rehefa niverina avy tany Mezôpôtamia ambony i Jakôba, dia tonga soa aman-tsara tao an-tanàna Sekema izay eo amin’ny tany Kanahàna; dia nitoby teo akaikin’ny tanàna izy.

Baiboly Protestanta Malagasy

¹⁸ Ary Jakoba tonga soa aman-tsara tao an-tanàna Sekema, izay eo amin’ny tany Kanana, rehefa avy tany Mesopotamia izy; dia nitoby tandrifin’ny tanàna.

Malagasy Bible

¹⁸ Ary Jakoba tonga soa aman-tsara tao an-tanàna Sekema, izay eo amin'ny tany Kanana, rehefa avy tany Mesopotamia izy; dia nitoby tandrifin'ny tanàna.

La Bible en Malgache

¹⁸ Tonga soa amantsara tao an-tanànan’i Sekema, izay eo amin’ny tany Kanana, i Jakoba, rehefa avy tany Padana-Arama. Dia nitoby tandrifin’ny tanàna izy.

Genesisy 33:18 Rohy Ifampitohizana

Genesisy 12:6

Dia namaky ny tany i Abrama, hatrany amin’ny fitoerana atao hoe Sikema, hatrany amin’ny terebintan’i Môre.

Genesisy 25:20

i Abrahama niteraka an’i Isaaka. Ary efa efapolo taona i Isaaka vao nampakatra an-dRebekà, zanak’i Batoela Arameanina any Padan-Arama, sy anabavin’i Labàna Arameanina.

Genesisy 28:2

Fa miaingà ianao, mankanesa any Padan-Arama, any amin’i Batoela, rain-dreninao, ka any maka vady, amin’ireo zanaka vavin’i Labàna, anadahin-dreninao.

Genesisy 31:25

Dia tratran’i Labàna i Jakôba. Ka i Jakôba moa efa niorin-day teo an- tendrombohitra, i Labàna koa nanorina ny azy mbamin’ny rahalahiny teo an-tendrombohitra Galaada.

Genesisy 35:9

Niseho tamin’i Jakôba indray koa Andriamanitra nony tafaverina avy any Padan-Arama izy, sady nitso-drano azy.

Genesisy 37:13

Ka hoy i Israely tamin’i Josefa: «Moa tsy miandry ny biby fiompy any Sikema va ny rahalahinao? Ka avia ianao hirahiko ho any amin’izy ireo.» Dia hoy ny navaliny: «Inty aho»

Genesisy 46:15

Ireo no zanakalahin’i Lià, naterany tamin’i Jakôba tany Padan-Arama, ary i Dinà no zanany vavy. Telo amby telopolo no isan’ny zanany lahy rehetra mbamin’ny zanany vavy.

Genesisy 48:7

Ary izaho fony niverina avy any Padàna dia maty teo anatrehako teny an-dalana i Rasela tany amin’ny tany Kanaana, efa mby lavitra akaiky an’i Efratà, ka dia naleviko teo, amin’ny lalana mankany Efratà, dia Betlehema izany.»

Salamo 60:6

Kanefa nomenao faneva ireo matahotra Anao, hitsanganan’io noho ny fahamarinanao. - - Selà

Jeremia 41:5

nisy olona valopolo lahy tonga avy any Sikema sy Silô ary Samaria, samy voaharatra ny volombavany, voatriatra ny fitafiany, voatetika ny tenany, nitondra fanatitra aman’emboka manitra, haterina ao an-tranon’i Iaveh.

Jaona 3:23

I Joany koa nanao batemy tany Enòna akaikin’i Salima, fa be rano tao, ka nanatona ny olona sy nataony batemy;

Jaona 4:5

ka tonga tany amin’ny tanànan’i Samaria anankiray atao hoe Sikara, akaikin’ny saha nomen’i Jakôba an’i Josefa zanany;

Asan’ny Apostoly 7:16

Ary nentina nankany Sikema izy ireo, ka nalevina tao amin’ny fasana izay novidin’i Abrahama vola tamin’ny zanak’i Hemora tany Sikema.»

Josoa 24:1

Novorin’i Jôsoe, tao Sikema, ny fokon’i Israely rehetra; nantsoiny avokoa ny loholon’i Israely, ny lehibeny, ny mpitsarany ary ny manamboninahiny; ka niseho teo anatrehan’i Iaveh izy ireo:

Mpitsara 9:1

Niainga i Abimeleka zanak’i Jerobaala, ka nankany Sikema amin’ireo anadahin-dreniny, ary nilaza izao teny izao tamin’ireo sy tamin’ny fokon’ny rain-dreniny rehetra: