Genesisy 2:4 - Baiboly Katolika

⁴ Izao no tantaran’ny lanitra sy ny tany, rehefa voaary izy, rehefa vitan’i Iaveh Andriamanitra ny tany sy ny lanitra.

Baiboly Protestanta Malagasy 2011

⁴ Toy izao no tantaran’ny lanitra sy ny tany tamin’ny nahariana azy, dia tamin’ny andro nanaovan’NY TOMPO Andriamanitra ny tany sy ny lanitra:

DIEM PROTESTANTA

⁴ Izany no tantaran’ny lanitra sy ny tany tamin’ny naharian’Andriamanitra azy. Fony nanao ny tany sy ny lanitra ny TOMPO Andriamanitra,

Dikateny Iombonana Eto Madagasikara

⁴ Izany no tantaran’ny lanitra sy ny tany tamin’ny naharian’Andriamanitra azy. Fony nanao ny tany sy ny lanitra ny TOMPO Andriamanitra,

Baiboly Protestanta Malagasy

⁴ ARY izao no tantaran’ny lanitra sy ny tany tamin’ny namoronana azy, dia tamin’ny andro nanaovan’i Jehovah Andriamanitra ny tany sy ny lanitra:

Malagasy Bible

⁴ Ary izao no tantaran'ny lanitra sy ny tany tamin'ny namoronana azy, dia tamin'ny nanaovan'i Jehovah Andriamanitra ny tany sy ny lanitra:

La Bible en Malgache

⁴ Toy izao no tantaran’ny lanitra sy ny tany tamin’ny nahariana azy, dia tamin’ny andro nanaovan’NY TOMPO Andriamanitra ny tany sy ny lanitra:

Genesisy 2:4 Rohy Ifampitohizana

Genesisy 1:1

Tamin’ny voalohany Andriamanitra nahary ny lanitra sy ny tany.

Genesisy 1:28

Dia nitso-drano azy ireo Andriamanitra ka nanao taminy hoe: «Miteraha maro, mitomboa, mamenoa ny tany, ka mizakà azy, ary anjakao ny hazandrano ao amin’ny ranomasina, ny voromanidina mbamin’ny biby rehetra mihetsiketsika ambonin’ny tany.»

Genesisy 1:3

Hoy Andriamanitra: «Misia ny mazava.» Dia nisy ny mazava.

Genesisy 1:31

Ary hitan’Andriamanitra izay rehetra nataony, ka tsara indrindra izany. Ary nisy hariva sy nisy maraina: izay no andro fahenina.

Genesisy 1:4

Ary hitan’Andriamanitra fa tsara ny mazava. Nosarahin’Andriamanitra ny mazava sy ny haizina.

Genesisy 10:1

Izao no taranak’i Sema sy i Kama ary i Jafeta, zanak’i Nôe. Nitera-dahy izy ireo taorian’ny safodrano.

Genesisy 11:10

Izao no taranak’i Sema: Efa zato taona i Sema, vao niteraka an’i Arfaksada, roa taona taorian’ny safodrano.

Genesisy 2:3

Ary Andriamanitra nitso-drano ny andro fahafito sy nanamasina azy, satria tamin’izany andro izany no nitsaharany tamin’ny zavatra rehetra noarîny tamin’ny nanaovany azy.

Genesisy 25:12

Izao no tantaran’i Ismaely zanak’i Abrahama izay naterak’i Agara Ejiptianina mpanompo vavin’i Sarà tamin’i Abrahama.

Genesisy 25:19

Izao no tantaran’i Isaaka zanak’i Abrahama:

Genesisy 36:1

Izao no taranak’i Esao, izay Edôma ihany: Naka vady tamin’ny zanaka vavin’i Kanaana i Esao.

Genesisy 36:9

Izao no taranak’i Esao, rain’i Edôma tany an-tendrombohitra Seirà.

Genesisy 5:1

Ity no boky misy ny tantaran’i Adama. Tamin’ny naharian’Andriamanitra ny olombelona dia nataony manahaka an’Andriamanitra izy.

1Mpanjaka 18:39

Nony nahita izany ny vahoaka rehetra, dia niankohoka tamin’ny tany nanao hoe: «I Iaveh ihany no Andriamanitra, i Iaveh ihany no Andriamanitra!»

2Tantara 20:6

«Ry Iaveh Andriamanitry ny razanay ô, moa tsy Andriamanitra any an-danitra va Ianao? Ary moa tsy manapaka ny fanjakana rehetra amin’ny firenena, ary moa tsy eo an-tananao va ny hery amam-pahefana, ka tsy misy hahatohitra Anao?

Joba 38:28

Manan-dray va ny ranonorana? Zovy no niteraka ny ranonando mitete?

Joba 38:4

Mba taiza moa ianao fony Aho nandatsaka ny fanorenan’ny tany? Lazao raha manam-pahalalana ianao.

Salamo 18:31

Andriamanitra... lavorary ny lalany; azo antoka ny tenin’i Iaveh, ampinga Izy ho an’izay rehetra mifefy aminy.

Salamo 86:10

Fa lehibe sy mahavita fahagagana Ianao, Ianao irery no Andriamanitra.

Eksodosy 15:3

Mpiady mahery i Iaveh, Ary i Iaveh no anarany.

Eksodosy 6:16

Izao no anaran’ny zanaka lahin’i Levỳ, mbamin’ny taranany avy: Jersôna, Kaata ary Merarỳ. Fito amby telopolo amby zato taona no andro niainan’i Levỳ.

Isaia 44:6

Izao no lazain’i Iaveh, mpanjakan’i Israely sy mpanavotra azy, dia i Iavehn’ny tafika: «Izaho no voalohany, ary Izaho no farany, ary tsy misy Andriamanitra afa-tsy Izaho.

Apokalipsy 1:4

Mamangy ny Eglizy fito any Azia aho, Joany: ho ao aminareo anie ny fahasoavana sy ny fiadanana, avy amin’Ilay ankehitriny sy taloha ary ho avy; avy amin’ny Fanahy fito eo anoloan’ny seza fiandrianany;

Apokalipsy 1:8

Izaho no Alfà sy Omegà, fiandohana sy fiafarana, hoy ny Tompo Andriamanitra, dia Ilay ankehitriny sy taloha ary ho avy, mahefa ny zavatra rehetra.

Apokalipsy 11:17

nanao hoe: «Misaotra Anao izahay, Tompo ô, Andriamanitra Tsitoha izay ankehitriny sy taloha, fa naneho ny herinao lehibe Ianao, ka manjaka izao.

Apokalipsy 16:5

Ary reko ny Anjelin’ny rano nanao hoe: «Marina Ianao izay ankehitriny sy taloha, ary masina Ianao izay nitsara toy izao.