Genesisy 15:9 - Baiboly Katolika

⁹ Dia hoy i Iaveh taminy: «Mandehana maka omby vavy kely efa telo taona iray, osy vavy efa telo taona iray, ondrilahy efa telo taona iray, domohina iray, ary vanto-boromahailala iray.»

Baiboly Protestanta Malagasy 2011

⁹ Fa hoy Izy taminy: Itondray ombivavy kely izay telo taona Aho, osivavy izay telo taona, ondrilahy izay telo taona ary domohina sy zana-boromailala.

DIEM PROTESTANTA

⁹ Dia novaliany hoe: –Itondray vantotr’ombivavy iray sy osivavy iray sy ondrilahy iray samy telo taona Aho ary koa domohina sy voromahailala iray avy.

Dikateny Iombonana Eto Madagasikara

⁹ Dia novaliany hoe: –Itondray vantotr’ombivavy iray sy osivavy iray sy ondrilahy iray samy telo taona Aho ary koa domohina sy voromahailala iray avy.

Baiboly Protestanta Malagasy

⁹ Ary hoy Izy taminy: Itondray ombivavy kely efa telo taona Aho sy osivavy efa telo taona sy ondrilahy efa telo taona ary domohina sy zana-boromailala.

Malagasy Bible

⁹ Ary hoy Izy taminy: Itondray ombivavy kely efa telo taona Aho sy osivavy efa telo taona sy ondrilahy efa telo taona ary domohina sy zana-boromailala.

La Bible en Malgache

⁹ Fa hoy Izy taminy: Itondray ombivavy kely izay telo taona Aho, osivavy izay telo taona, ondrilahy izay telo taona ary domohina sy zana-boromailala.

Genesisy 15:9 Rohy Ifampitohizana

Genesisy 15:10

Dia nentin’i Abrama nankeo aminy ireo biby rehetra ireo, ka nosasahiny roa mitovy avy izy ireo dia nampifanandrifiany avy ny vakiny; fa ny vorona tsy mba nosasahiny.

Genesisy 15:8

Hoy ny navalin’i Abrahama: «Iaveh Tompo ô, inona no hahafantarako fa hanana izany aho?»

Genesisy 22:13

Ary nanopy maso i Abrahama, ka nahita ondralahy anankiray teo ivohony, voasingazotry ny kirihitr’ala tamin’ny tandrony; dia lasa i Abrahama naka ilay ondralahy, ka io no nateriny ho sorona dorana ho solon’ny zanany.

Salamo 50:5

Anangony izay miraiki-po amiko aho, dia ireo nanao fanekena amiko, amin’ny sorona.

Tononkiran’i Solomona 2:12

Ny voninkazo efa miposaka amin’ny tany; ny fotoana fihirana efa tonga. Ny feon-domohina efa re eny an-tsahantsika;

Isaia 15:5

Ory an’i Moaba ny foko; efa mby ao Segôra sahady ny mpiaro azy, efa ao Eglata-Selisiah. eny, mitomany izy no miakatra ny fiakarana Lohita; eny amin’ny lalan’i Hôrônaima, manao antsom-pahoriana ny olona.

Levitikosy 1:10

Raha biby madinika no ataony fanatitra, zanak’ondry na osy hatao sorona dorana, dia izay lahy tsy misy kilema no hateriny,

Levitikosy 1:14

Raha vorona hatao sorona dorana no ateriny amin’i Iaveh, dia domohina na vanto-boromahailala no hateriny.

Levitikosy 1:3

Raha biby vaventy no aterina ho sorona dorana, dia lahy tsy misy kilema no hateriny; ka eo anoloan’ny trano lay fihaonana no hanaterany azy, mba hankasitrahina eo anatrehan’i Iaveh.

Levitikosy 12:6

Rehefa tapitra ny andro fidiovany, araka izay zaza naterany, na lahy na vavy, dia izao no hateriny amin’ny mpisorona ao anoloan’ny trano lay fihaonana, zanak’ondry iray efa iray taona, hatao sorona dorana; ary vanto-boromahailala iray, na domohina iray, atao sorona noho ny ota.

Levitikosy 12:8

Raha tsy manan-kamidy ny zanak’ondry izy, dia domohina roa na vanto-boromahailala roa no hoentiny: ny iray hatao sorona dorana, ny iray hatao sorona noho ny ota, hanaovan’ny mpisorona fanonerana ho azy, dia hadio izy.»

Levitikosy 14:22

mbamin’ny domohina roa, na vantom-boromahailala roa, araka izay azony atao, ny iray ho sorona noho ny ota, ny iray ho sorona dorana.

Levitikosy 14:30

Raha efa izany, dia hatolony ny iray amin’ny domohina na iray amin’ny vanto-boromahailala, izay azony novonoina,

Levitikosy 3:1

«Raha misy olona manatitra sorom-pihavanana ka biby vaventy, lahy na vavy, no ateriny, dia izay tsy misy kilema no hateriny eo anatrehan’i Iaveh.

Levitikosy 3:6

«Raha biby madinika, lahy na vavy, no aterina ho sorom-pihavanana amin’i Iaveh, dia izay tsy misy kilema no aterina.»

Levitikosy 9:2

ka hoy izy tamin’i Aarôna: «Makà ianao zanak’omby tanora hatao sorona noho ny ota, sy ondralahy iray hatao sorona dorana izay samy tsy manan-kilema, ka atolory eo anatrehan’i Iaveh.

Levitikosy 9:4

omby iray sy ondralahy iray hatao sorom-pihavanana, hovonoina eo anatrehan’i Iaveh, ary fanatitra voaharo diloilo. Fa hiseho aminareo anio i Iaveh.»

Lioka 2:24

ary mba hanatitra fanatitra domohina roa, na zana-boromahailala roa, araka ny voalaza ao amin’ny Lalàn’ny Tompo.»