Galatiana 2:2 - Baiboly Katolika

² Fanambaràna azoko no niakarako tany; ka nasehoko tamin’izy ireo, indrindra fa tamin’ireo nanan-kaja kokoa, ny Evanjely toriko any amin’ny Jentily, hahitany na efa nihazakazaka tokoa aho, na efa nihazakazaka foana.

Baiboly Protestanta Malagasy 2011

² Niakatra araka ny fanambaràna aho ka novelabelariko taminy ny Filazantsara izay toriko any amin’ny Jentilisa, fa tamin’ny mangingina ihany teo amin’izay manan-daza, fandrao ho mihazakazaka foana aho, na efa nihazakazaka foana.

DIEM PROTESTANTA

² Niakatra aho satria nasehon’Andriamanitra tamiko fa tsy maintsy ataoko izany. Nihaonako manokana ireo tompon’andraikitra ka namelabelarako ny Vaovao Mahafaly izay torîko any amin’ny hafa firenena, fandrao herim-po very maina ny asa efa notontosaiko sy ny mbola tontosaiko.

Dikateny Iombonana Eto Madagasikara

² Niakatra aho satria nasehon’Andriamanitra tamiko fa tsy maintsy ataoko izany. Nihaonako manokana ireo tompon’andraikitra ka namelabelarako ny Vaovao Mahafaly izay torîko any amin’ny hafa firenena, fandrao herim-po very maina ny asa efa notontosaiko sy ny mbola tontosaiko.

Baiboly Protestanta Malagasy

² Ary niakatra araka ny fanambarana aho, ka nambarako taminy ny filazantsara izay toriko any amin’ny jentilisa, nefa nangingina ihany tamin’izay manan-daza, fandrao ho mihazakazaka foana aho, na efa nihazakazaka foana.

Malagasy Bible

² Ary niakatra araka ny fanambarana aho, ka nambarako taminy ny filazantsara izay toriko any amin'ny jentilisa, nefa nangingina ihany tamin'izay manan-daza, fandrao ho mihazakazaka foana aho, na efa nihazakazaka foana.

La Bible en Malgache

² Niakatra araka ny fanambaràna aho ka novelabelariko taminy ny Filazantsara izay toriko any amin’ny Jentilisa*, fa tamin’ny mangingina ihany teo amin’izay manan-daza, fandrao ho mihazakazaka foana aho, na efa nihazakazaka foana.

Galatiana 2:2 Rohy Ifampitohizana

Mpitoriteny 10:1

Fatin-dalitra mahamaimbo sy manimba ny diloilon’ny mpanao zava-manitra; tahaka izany koa ny fahadalana kely mahaleo ny fahendrena amam-boninahitra.

Matio 10:16

Indro Izaho maniraka anareo tahaka ny ondry eo afovoan’ny amboadia, ka mbà malina tahaka ny bibilava ianareo, ary mbà tsotra toy ny voromahailala.

Asan’ny Apostoly 15:12

Dia nangina ny olona rehetra, ka nihaino an’i Barnabe sy i Paoly nitantara ny famantarana amam-pahagagana betsaka nampanaovin’Andriamanitra azy tany amin’ny Jentily.

Asan’ny Apostoly 15:2

Ka nony efa nifanditra sy niady hevitra mafy tamin’ireo i Paoly sy i Barnabe, dia izao no hevitra nifanarahana: hiara-miakatra any Jerosalema i Paoly sy i Barnabe, ary ny sasany amin’izy an-daniny, handinika amin’ny Apôstôly sy ny Pretra ilay zavatra niadiany hevitra.

Asan’ny Apostoly 15:4

Nony tonga tany Jerosalema izy ireo, dia noraisin’ny Eglizy sy ny Apôstôly mbamin’ny Pretra, ary nilaza ny zava-dehibe nataon’Andriamanitra taminy.

Asan’ny Apostoly 18:9

Indray alina, dia hoy ny Tompo tamin’i Paoly tamin’ny tsindrimandry: «Aza matahotra, fa mampianara, ka aza mangina.

Asan’ny Apostoly 23:11

Nony alina dia niseho tamin’i Paoly ny Tompo ka nanao taminy hoe: «Matokia, fa tahaka ny nanambarànao ahy tatỳ Jerosalema no tsy maintsy anambarànao ahy any Rôma koa.»

Asan’ny Apostoly 5:34

Fa nitsangana teo amin’ny Sanedrìna kosa ity Farisianina anankiray atao hoe Gamaliely, mpampiana-dalàna malaza tamin’ny vahoaka rehetra, ka nasainy navoaka kely ny Apôstôly.

Romana 9:16

Koa tsy izay maniry na mihazakazaka, fa Andriamanitra mamindra fo no antony.

1Korintiana 1:23

ary izahay kosa mitory an’i Kristy voafantsika tamin’ny Hazofijaliana. Fanafintohinana amin’ny Jody izany, ary fahadalana amin’ny Jentily;

1Korintiana 2:2

Fa ninia tsy nahalala zavatra hafa afa-tsy i Jesoa Kristy aho tany aminareo, indrindra fa Izy voafantsika tamin’ny Hazofijaliana.

1Korintiana 9:24

Tsy fantatrareo va fa maro no indray mihazakazaka ao amin’ny tany fifanalana hazakazaka, nefa iray monja no mahazo loka? Mihazakazaha toy izany mba hahazoanareo.

1Korintiana 9:26

Raha izaho àry, dia mihazakazaka aho, nefa tsy manao mosalahy; mikapoka koa, nefa tsy toy ny mikapo-drivotra;

2Korintiana 12:1

Mety ve ny mirehareha e? Tsy mahasoa izany, nefa aoka holazaiko ihany ny tsindrimandry sy ny fanambaràna avy amin’ny Tompo.

Galatiana 1:12

fa tsy tamin’olombelona no nandraisako na nianarako azy, fa tamin’ny fanambaràn’i Jesoa Kristy.

Galatiana 1:16

ny hanambara ny Zanany tato anatiko, mba hitoriako Azy any amin’ny Jentily, niaraka tamin’izay, dia tsy naka hevitra tamin’ny nofo aman-dra aho,

Galatiana 1:6

Gaga aho raha dia mivadika faingana toy izao ianareo, ka Ilay niantso anareo ho amin’ny fahasoavan’i Jesoa Kristy dia ialanareo hanatona Evanjely hafa indray.

Galatiana 2:6

Ny amin’ireo nanan-kaja kosa, na ahoana na ahoana halehibeny, dia tsy mampaninona ahy izany, fa Andriamanitra tsy mizaha tavan’olona, ka tsy nandidy na inona na inona tamiko ireo olona nanan-kaja ireo.

Galatiana 2:9

sady fantany koa ny fahasoavana nomena ahy, dia ny nandray tanana anay sy i Barnabe no nataon’i Jakôba sy i Sefasy ary i Joany, izay natao andry fiankinana, ary izany no mariky ny firaisana, na izahay aza ho any amin’ny Jentily, fa izy ireo kosa ho any amin’ny voafora.

Galatiana 5:7

Efa nihazakazaka tsara ianareo, ka iza indray no dia nisakana anareo tsy hanaiky ny marina?

Filipiana 2:16

mitana ny tenin’ny fiainana; dia hisy ho reharehako amin’ny andron’i Kristy, fa tsy ho nihazakazaka foana aho, na ho nisasatra foana.

Filipiana 2:29

Raiso an-kafaliana ao amin’ny Tompo àry izy; ary hajao ny olona toy izany;

1Tesaloniana 3:5

Hany ka tsy naharitra terỳ aho, fa naniraka mpampitsapa ny finoanareo, sao dia nasian’ny mpaka fanahy ianareo ka ho very foana ny fisasaranay.

2Timoty 4:7

Niady ny ady tsara aho, nahatanteraka ny fihazakazahana aho, nitahiry ny finoana aho;

Hebreo 12:1

Koa amin’izany, noho isika voahodidin’ny vavolombelona zavon-tany toy izany, dia aoka koa isika hanesotra ny zavatra rehetra mitambesatra amintsika, sy ny fahotana izay manarona antsika, ary hihazakazaka amim-paharetana amin’izao fifanalana hazakazaka naroso hataontsika izao,