Filipiana 3:5 - Baiboly Katolika

⁵ fa izaho dia isan’ny voafora tamin’ny andro fahavalo, taranak’i Israely avy amin’ny fokon’i Benjamina, Hebrio teraky ny Hebrio; Farisianina aho, raha ny amin’ny Lalàna;

Baiboly Protestanta Malagasy 2011

⁵ Voafora tamin’ny andro fahavalo aho; ary avy amin’ny fototr’Israely, dia avy amin’ny fokon’i Benjamina; Hebreo sady avy amin’ny Hebreo aho; araka ny lalàna dia Fariseo;

DIEM PROTESTANTA

⁵ Voafora fony teraka herinandro aho; taranak’i Israely; avy amin’ny fokon’i Benjamîna; hebreo ray, hebreo reny; ny amin’ny fitandroana ny lalàna jiosy, dia Farisianina aho;

Dikateny Iombonana Eto Madagasikara

⁵ Voafora fony teraka herinandro aho; taranak’i Israely; avy amin’ny fokon’i Benjamîna; hebreo ray, hebreo reny; ny amin’ny fitandroana ny lalàna jiosy, dia Farisianina aho;

Baiboly Protestanta Malagasy

⁵ fa voafora tamin’ny andro fahavalo aho, avy amin’ny fototr’Isiraely, dia avy amin’ny firenen’i Benjamina; Hebreo sady avy amin’ny Hebreo aho; araka ny lalàna, dia Fariseo;

Malagasy Bible

⁵ fa voafora tamin'ny andro fahavalo aho, avy amin'ny fototr'isiraely, dia avy amin'ny firenen'i Benjamina; Hebreo sady avy amin'ny Hebreo aho; araka ny lalàna, dia Fariseo;

La Bible en Malgache

⁵ Voafora tamin’ny andro fahavalo aho; ary avy amin’ny fototr’Israely, dia avy amin’ny fokon’i Benjamina; Hebreo sady avy amin’ny Hebreo aho; araka ny lalàna dia Fariseo*;

Filipiana 3:5 Rohy Ifampitohizana

Genesisy 14:13

Dia tonga ny anankiray tamin’ireo mpandositra nilaza izany tamin’i Abrama, Hebrio, izay nonina tao amin’ireo terebintan’i Mambre, dia ilay Amôreana rahalahin’i Eskôla sy Anera, fa olona vita fanekem-pihavanana tamin’i Abrama ireo.

Genesisy 17:12

Vao teraka havaloana ny zazalahy eo aminareo amin’ny taona mifandimby, dia hoforàna izy; na ny teraka ao an-trano, na izay novidim-bola tamin’ny olon-kafa na iza na iza, izay hafa firenena aminao.

Genesisy 40:15

Fa an-keriny no nangalana ahy tany amin’ny Hebrio; ary eto aho tsy nanao na inona na inona tokony handatsahana ahy amin’ity tranomaizina ity.»

Genesisy 41:12

Niaraka taminay kosa, dia nisy tao zatovo Hebrio, mpanompon’ny lehiben’ny mpiambina, nitantarànay ny nofinay, ka nambarany taminay ny heviny, samy nilazany ny hevitry ny azy avy izahay,

Jona 1:9

Ka izao no navaliny azy ireo: «Hebrio aho, ary i Iaveh, Andriamanitry ny lanitra, izay nanao ny tany aman-dranomasina, no ivavahako».

Lioka 1:59

Nony afaka havaloana, dia tonga izy hamora ny zaza, ary Zakaria, araka ny anaran-drainy no ndeha hataony anarany.

Lioka 2:21

Ary rehefa afaka ny havaloan’andro ka hoforàna ny Zaza, dia natao hoe Jesoa no Anarany, araka ilay nataon’ny Anjely fony tsy mbola torontoronina tao an-kibo izy.

Lioka 5:38

fa siny hoditra vaovao no tokony hasiana ny divay vaovao, dia samy haharitra izy roroa.

Asan’ny Apostoly 22:3

Ary hoy izy: Izaho dia lehilahy Jody teraka tany Tarsa tany Silisia, fa teto amin’ity tanàna ity no nahabe ahy, teo ambanin’ny saokan’i Gamaliely, nampianatra tsara ny Lalàn’ny razantsika aho, ary nazoto erỳ ho an’Andriamanitra tahaka anareo rehetra izao.

Asan’ny Apostoly 23:6

Nony fantatr’i Paoly fa Sadoseanina ny sasany tamin’izay teo ary Farisianina ny sasany, dia niantso teo amin’ny Sanedrìna izy nanao hoe: «Ry rahalahy, izaho dia Farisianina, zanaky ny Farisianina, ary ny amin’ny fanantenàntsika ny hitsanganan’ny maty no itsarana ahy.»

Asan’ny Apostoly 6:1

Tamin’izany andro izany, rehefa nitombo ny isan’ny mpianatra, dia nimonjomonjo tamin’ny Hebrio ny Helenista, satria tsy mba nahîna loatra tamin’ny fizaràna ny fiantrana isan’andro ny mpitondratena tao aminy.

Romana 11:1

Koa hoy izaho: Moa dia narian’Andriamanitra va ny olony? Sanatria izany! Fa izaho koa dia Israelita, taranak’i Abrahama, sy fokon’i Benjamina,

2Korintiana 11:22

Hebrio va izy ireo? izaho koa; Israelita va izy? izaho koa; taranak’i Abrahama va izy? izaho koa;

1Samoela 4:6

Ren’ny Filistinina ny fikotrokotrok’izany hoby izany, ka hoy izy: «Inona no anton’izany hobin-kafaliana mikotrokotroka any an-tobin’ny Hebrio izany?» Dia reny fa ny Fiaran’ny Faneken’i Iaveh no tonga tao an-toby.