Ezra 7:1 - Baiboly Katolika

¹ Tatỳ aorian’ireo zava-niseho ireo, tamin’ny andro nanjakan’i Artakserksesa mpanjakan’i Persa kosa indray, i Esdrasa zanak’i Saraisa zanak’i Helkiasa

Baiboly Protestanta Malagasy 2011

¹ Rehefa afaka izany, tamin’ny nanjakan’i Artaksersesy, mpanjakan’i Persia, dia niakatra i Ezra, zanak’i Seraia, zanak’i Azaria, zanak’i Hilkia,

DIEM PROTESTANTA

¹ Tatỳ aoriana, tamin’ny andro nanjakàn’i Artakserksesa amperôran’i Persia, no nipoiran’i Hezrà. Io Hezrà io dia zanakalahin’i Seraià sy zafin’i Hazarià sy zafiafin’i Hilkià

Dikateny Iombonana Eto Madagasikara

¹ Tatỳ aoriana, tamin’ny andro nanjakàn’i Artakserksesa amperôran’i Persia, no nipoiran’i Hezrà. Io Hezrà io dia zanakalahin’i Seraià sy zafin’i Hazarià sy zafiafin’i Hilkià

Baiboly Protestanta Malagasy

¹ ARY rehefa afaka izany, tamin’ny nanjakan’i Artaksersery, mpanjakan’i Persia, dia niakatra Ezra, zanak’i Seraia, zanak’i Azaria, zanak’i Hilkia,

Malagasy Bible

¹ Ary rehefa afaka izany, tamin'ny nanjakan'i Artaksersesy, mpanjakan'i Persia, dia niakatra Ezra, zanak'i Seraia, zanak'i Azaria, zanak'i Hilklay

La Bible en Malgache

¹ Rehefa afaka izany, tamin’ny nanjakan’i Artaksersesy, mpanjakan’i Persia, dia niakatra i Ezra, zanak’i Seraia, zanak’i Azaria, zanak’i Hilkia,

Ezra 7:1 Rohy Ifampitohizana

2Mpanjaka 22:4

«Miakara any amin’i Helkiasa mpisorona lehibe, asaovy ataony an-tanana ny vola naterin’ny olona ao an-tranon’i Iaveh, noraisin’ny mpiandry varavarana avy tamin’ny vahoaka.

2Mpanjaka 22:8

Tamin’izay i Helkiasa mpisorona lehibe nilaza tamin’i Safàna mpanoratra hoe: «Hitako tao an-tranon’i Iaveh ny bokin’ny lalàna.» Ary natolotr’i Helkiasa an’i Safàna ny boky ka novakiny.

2Mpanjaka 25:18

Nentin’ny kapitenin’ny mpiambina i Saraiasa mpisorona lehibe, sy i Sôfônia mpisorona ambaratonga faharoa, ary mpiandry varavarana telo lahy.

1Tantara 9:11

i Azariasa zanak’i Helkiasa zanak’i Mosalama zanak’i Sadaoka zanak’i Maraiôta zanak’i Akitoba, mpanapaka ny tranon’Andriamanitra;

2Tantara 34:15

Ka hoy i Helkiasa niteny tamin’i Safàna mpanoratra: «Hitako tao an-tranon’i Iaveh ny bokin’ny lalàna», ary natolotr’i Helkiasa an’i Safàna ny boky.

2Tantara 34:9

Nankao amin’i Helkiasa mpisorona lehibe ireo, nanolotra ny vola naterina tao an-tranon’Andriamanitra, nangonin’ireo Levita mpiandry varavarana avy tamin’i Manase sy i Efraima, mbamin’i Israely rehetra sy i Jodà rehetra ary i Benjamina sy ny mponina ao Jerosalema.

Ezra 4:7

Ary tamin’ny andron’i Artakserksesa, i Beselama, i Mitridata, i Tabeela, mbamin’ireo namany sisa, dia nanoratra ho any amin’i Artakserksesa mpanjakan’i Persa; tarehin-tsoratra arameanina no nanoratany ny taratasy, ary nadikany ho fiteny arameanina.

Ezra 6:14

Ka dia rafitra nanao ny trano ireo loholon’i Israely, ka nandroso tsara ny asa, noho ny faminanian’i Akzea mpaminany, sy i Zakaria zanak’i Adô. Nanao izy dia nahavita araka didin’ny Andriamanitr’i Israely sy araka ny didin’i Sirosa, i Dariosa, i Artakserksesa, mpanjakan’i Persa.

Ezra 7:10

Nandraikitra ny fony amin’ny fianaran’ny lalàn’i Iaveh i Esdrasa, ary nanaraka azy, ary nampianatra an’i Israely ny lalàna amam-pitsipika.

Ezra 7:12

I Artakserksesa mpanjakan’ny mpanjaka, ho an’i Esdrasa mpisorona sy mpampiana-dalàna, mahay ny lalàn’ny Andriamanitry ny lanitra, sns.

Ezra 7:2

zanak’i Seloma zanak’i Sadaoka zanak’i Akitoba

Ezra 7:21

Izaho Artakserksesa mpanjaka manome didy ho an’ireo mpitahiry vola rehetra any an-dafin’ny ony, mba hanatanteraka tsy misy tomika izay rehetra hilain’i Esdrasa mpisorona sy mpanora-dalàna, mahay ny lalàn’ny Andriamanitry ny lanitra, aminareo,

Nehemia 11:11

i Jashina, i Saraiasa zanak’i Helkiasa zanak’i Mosolama zanak’i Sadôka zanak’i Meraiota zanak’i Akitoba, andriandahy amin’ny tranon’Andriamanitra,

Nehemia 2:1

Tamin’ny volana Nisàna, taona faharoapolo nanjakan’i Artakserksesa mpanjaka, raha ilay efa mby teo anoloany iny ny divay, dia noraisiko ny divay ka natolotro ny mpanjaka, ary nitandrina aho mba tsy halahelo eo anatrehany.

Nehemia 8:1

Nony tonga ny volana fahafito, ka efa tafapetraka amin’ny tanànany avy ny zanak’i Israely, dia nivory toy ny olona iray ihany ny vahoaka rehetra, teo amin’ny kianja anoloan’ny vavahadin’ny Rano. Ary efa nilazan’izy ireo i Esdrasa mpanora-dalàna, mba hitondra ny bokin’ny lalàn’i Môizy, izay nandidian’i Iaveh an’i Israely.