Ezekiela 21:29 - Baiboly Katolika

²⁹ Koa izao no lazain’ny Tompo Iaveh: Noho ianareo nampahatsiaro ny helokareo, tamin’ny nampihariharinareo ny hadisoanareo sy nanehoanareo ny fahotanareo tamin’izay rehetra nataonareo, ka nanao izay hahatsiarovanareo anareo, dia nosamborin-tanana ianareo.

Baiboly Protestanta Malagasy 2011

²⁹ Koa izao no lazain’NY TOMPO Andriamanitra: Satria ianareo nampahatsiaro ny helokareo tamin’ny nampiharihariana ny fahadisoanareo ka nampiseho ny fahotanareo tamin’izay rehetra nataonareo, noho izany fahatsiarovana ny momba anareo izany dia hosamborina ianareo.

DIEM PROTESTANTA

²⁹ Koa izao no lazain’ny Tompo ANDRIANANAHARY: ‹Mampahatsiaro Ahy tsy tapaka ny helokareo ianareo amin’ireo fikomianareo an-karihary; ary ny asa rehetra nataonareo no mampiseho ny fahotanareo. Noho ianareo nanao izay hahatsiarovana anareo toy izany, dia hosamborin’ny fahavalo tokoa ianareo!›

Dikateny Iombonana Eto Madagasikara

²⁹ Koa izao no lazain’ny Tompo ANDRIANANAHARY: ‹Mampahatsiaro Ahy tsy tapaka ny helokareo ianareo amin’ireo fikomianareo an-karihary; ary ny asa rehetra nataonareo no mampiseho ny fahotanareo. Noho ianareo nanao izay hahatsiarovana anareo toy izany, dia hosamborin’ny fahavalo tokoa ianareo!›

Baiboly Protestanta Malagasy

²⁹ Koa izao no lazain’i Jehovah Tompo: Noho ny nampahatsiarovanareo ny helokareo tamin’ny nampiharihariana ny fahadisoanareo mba hampisehoana ny fahotanareo tamin’izay rehetra nataonareo,–noho ny nahatsiarovana anareo dia hosamborin-tànana hianareo.

Malagasy Bible

²⁹ Koa izao no lazain'i Jehovah Tompo: Noho ny nampahatsiarovanareo ny helokareo tamin'ny nampiharihariana ny fahadisoanareo mba hampisehoana ny fahotanareo tamin'izay rehetra nataonareo, noho ny nahatsiarovana anareo dia hosamborin-tanana ianareo.

La Bible en Malgache

²⁹ Koa izao no lazain’NY TOMPO Andriamanitra: Satria ianareo nampahatsiaro ny helokareo tamin’ny nampiharihariana ny fahadisoanareo ka nampiseho ny fahotanareo tamin’izay rehetra nataonareo, noho izany fahatsiarovana ny momba anareo izany dia hosamborina ianareo.

Ezekiela 21:29 Rohy Ifampitohizana

Joba 18:20

Ny firenena andrefana, talanjona amin’ny faharavàny; ny Tatsinanana koa raiki-tahotra amin’izany.

Salamo 37:13

Fa ny Tompo kosa mihomehy ny ratsy fanahy, satria hitany fa tonga ny androny.

Isaia 44:25

Izaho no mahafoana ny fanambaràn’ny mpaminany mpandainga, mahabedibedy foana ny mpimasy, mampikoy ny olon-kendry, ary manova ny fahaizany ho fahadalana.

Isaia 47:13

Efa nisasatra tamin’ny fanontaniana betsaka ianao; ka aoka handroso hamonjy anao ireo izy ireo, izay mpandrefy ny lanitra, sy mpandinika ny kintana, izay manambara, isaky ny tsinam-bolana, ny zavatra tsy maintsy ho tonga aminao.

Jeremia 27:9

Ary ianareo, aza mihaino ireo mpaminaninareo, na mpimasinareo, na ny nofinareo, na ny fambarànareo, na ny mpanao fankatoavanareo, izay milaza aminareo hoe: Tsy hampanekena ny mpanjakan’i Babilôna ianareo.

Jeremia 6:7

Toy ny fantsakana mampiboiboika ny ranony izy, mampiboiboika ny faharatsiany. An-keriny amam-pandravana no hàny re ao; fery aman-dratra no eo anatrehako eo mandrakariva.

Fitomaniana 2:14

Ny hitan’ny mpaminaninao ho anao, dia fahitana mpamitaka sy foana: Tsy naneho ny helokao taminao izy, mba hamily tsy hihatra aminao ny fahababoana, fa ny nolazainy taminao ho fahitana, dia teny mandainga sy mandrebireby.

Ezekiela 12:24

Fa tsy hisy intsony ny fahitana fitaka, na ny faminaniana sandoka, eo amin’ny taranak’i Israely.

Ezekiela 13:10

noho izy ireo nandrebireby ny vahoakako, nanao hoe: «Fiadanana!» nefa tsy nisy fiadanana tsinona. Manao manda ny vahoakako, dia indreny izy mandalotra sokay an’izany!

Ezekiela 13:23

noho izany, tsy hahazo fahitana foana intsony ianareo, na hahazo hitsak’andro intsony; hotsoahiko eo amin’ny tananareo ny vahoakako, dia ho fantatrareo fa Iaveh Aho.

Ezekiela 13:6

Fahitana tsy misy fotony ny azy, ary faminaniana mamitaka no an’ireo manao hoe: «Teny marin’i Iaveh»; nefa izy ireo tsy nirahin’i Iaveh, ary tsy mahazo manantena ny hahatanteraka ny teniny.

Ezekiela 21:25

Manorita lalana halehan’ny sabatra ho any Rabata, renivohitry ny taranak’i Amôna, na ho any amin’i Jodà, hamely an’i Jerosalema, tanàna mimanda.

Ezekiela 22:28

Ny mpaminany manarontsarona izany heloka rehetra izany, mahita fahitana zava-poana amam-paminaniana lainga, milaza hoe: Izao no lazain’ny Tompo Iaveh, nefa i Iaveh tsy niteny tsinona.

Ezekiela 35:5

Noho ianao manao lolom-po tsy misy farany, sy nanolotra ny zanak’i Israely ho an’ny sabatra, tamin’ny andro nahitany loza, tamin’ny andron’ny faharatsiana farany,

Hosea 7:2

Ary izy ireo tsy misaintsaina akory ao am-pony fa tsarovako avokoa ny faharatsiany. Ankehitriny manodidina azy ny heloka be vava nataony, dia indreo izy eo anatrehako.