Ezekiela 16:63 - Baiboly Katolika

⁶³ mba hahatsiaro sy ho menatra ary tsy hiloa-bava intsony noho ny henatra ianao, rehefa avy izay hanaovako fanonerana ho anao, noho ny nataonao rehetra, - teny marin’ny Tompo Iaveh.

Baiboly Protestanta Malagasy 2011

⁶³ mba hahatsiarovanao sy hangaihaizanao ary tsy hiloa-bava intsony ianao noho ny henatrao, raha mamela ny helokao ny amin’ny nataonao rehetra Aho, hoy NY TOMPO Andriamanitra.

DIEM PROTESTANTA

⁶³ Amin’izay dia hahatsiaro ny lasa ianao ka ho menatra tsy hahateny, fa Izaho kosa hamela anao amin’izay ratsy rehetra nataonao. Teny hentitra avy amiko Tompo ANDRIANANAHARY izany.»

Dikateny Iombonana Eto Madagasikara

⁶³ Amin’izay dia hahatsiaro ny lasa ianao ka ho menatra tsy hahateny, fa Izaho kosa hamela anao amin’izay ratsy rehetra nataonao. Teny hentitra avy amiko Tompo ANDRIANANAHARY izany.»

Baiboly Protestanta Malagasy

⁶³ mba hahatsiarovanao sy hangaihaizanao ary tsy hiloahanao vava intsony noho ny henatrao, raha mamela ny helokao ny amin’ny nataonao rehetra Aho, hoy Jehovah Tompo.

Malagasy Bible

⁶³ mba hahatsiarovanao sy hangaihainao ary tsy hiloahanao vava intsony noho ny henatrao, raha mamela ny helokao ny amin'ny nataonao rehetra Aho, hoy Jehovah Tompo.

La Bible en Malgache

⁶³ mba hahatsiarovanao sy hangaihaizanao ary tsy hiloa-bava intsony ianao noho ny henatrao, raha mamela ny helokao ny amin’ny nataonao rehetra Aho, hoy NY TOMPO Andriamanitra.

Ezekiela 16:63 Rohy Ifampitohizana

Ezra 9:6

«Andriamanitra ô, safo-kenatra sy mangaihay loatra aho, tsy sahy miandrandra mankany aminao Andriamanitro, fa nitombo nihoatra ny lohanay ny helokay, ary niakatra nanakatra ny lanitra ny fahotanay.

Salamo 39:9

Afaho amin’ny fahadisoako rehetra aho; aza atao ho fandàtsan’ny adala aho.

Salamo 65:3

Ianao, izay mihaino ny fivavahana, dia mankaminao ny olona rehetra.

Salamo 78:38

Mamindra fo anefa Izy; mamela ny fahotana ary tsy mandringana; nanindry ny hatezerany matetika, ary tsy nanarana ny fahavinirany rehetra.

Salamo 79:9

Vonjeo izahay, ry Andriamanitry ny famonjena anay, noho ny voninahitry ny Anaranao.

Salamo 85:3

namela ny heloky ny vahoakanao, nanarona ny fahotany rehetra; - Selà

Isaia 33:24

Tsy misy mponina manao hoe: «Marary aho!» Nahazo ny famelana ny helony, ny vahoaka monina ao Siôna.

Isaia 44:22

Efa nolevoniko toy ny zavona ny fahadisoanao; ary toy ny rahona ny fahotanao; ka miverena amiko, fa efa nanavotra anao Aho.

Fitomaniana 3:39

Ka ahoana no itarainan’ny olombelona raha mbola velona izy? Aoka ny fahotany avy no sampy hitarainany!

Ezekiela 16:61

Hahatsiaro ny fitondran-tenanao ianao ka ho menatra, raha avy izay handraisanao ireo rahavavinao, na ny lehibe noho ianao na ny kely noho ianao, sy hanomezako an’ireo ho zanakao vavy, fa tsy noho ny fanekena taminao akory anefa.

Ezekiela 17:1

Tonga tamiko ny tenin’i Iaveh nanao hoe:

Ezekiela 20:43

Ho tsaroanareo, rehefa mby any, ny lalanareo mbamin’ny heloka rehetra nandotoanareo tena, ka haharikoriko anareo ny tenanareo, noho ny ratsy rehetra vitanareo.

Ezekiela 39:26

Hitondra ny fahafaham-barakany izy, mbamin’ny fivadihany rehetra nataony tamiko, raha avy izay handriany feizay eo amin’ny taniny, ka tsy hisy mpanaitaitra intsony.

Ezekiela 43:10

Ianao, ry zanak’olona, aoka hampahalala ny taranak’i Israely an’ity trano ity, mba hahamenatra azy noho ny fahotany; ary aoka handrefy azy araka ny marika izy.

Ezekiela 44:13

Tsy hanatona Ahy hanao ny raharahan’ny fisoronana izy ireo na hanakaiky ny zavatro masina rehetra, eo amin’ny fitoerana masina indrindra, fa hivesatra ny fahafaham-barakany aman-tsazin’ny fahavetavetana nataony.

Romana 2:1

Toy izany koa ianao, ry olona, na zovy na zovy ianao no mitsara, dia tsy manan-kalahatra ianao; fa amin’ny fitsarànao ny hafa, dia manameloka ny tenanao koa ianao, satria toy ny ataon’ny hafa ihany koa no ataonao mitsara.

Romana 3:19

Fantatsika anefa fa izay fehezin’ny Lalàna no ilazan’ny Lalàna ny zavatra rehetra lazainy, mba ho tampina ny vava rehetra, ary mba hiharan’ny fitsaràn’Andriamanitra avokoa izao tontolo izao,

Romana 3:27

Koa aiza àry no hireharehana? Efa nofoanana izany; fa tamin’ny lalàna inona? Tamin’ny lalàn’ny asa va? Tsia, fa tamin’ny lalàn’ny finoana;

Romana 6:21

Inona àry no vokatra azonareo tamin’izay? Vokatra mahamenatra anareo fe ankehitriny, fa fahafatesana no iafarany.

1Korintiana 4:7

Fa zovy moa no manambony anao noho ny hafa? Ary inona no anananao ka tsy noraisinao? Ary raha nandray ianao, nahoana no dia mirehareha toy ny tsy nandray iny?

Deoteronomia 32:43

Ry firenena, aoka hanao horakora-pifaliana ianareo, ho voninahitry ny vahoakany. Fa valian’i Iaveh ny ran’ny mpanompony asiany valim-bonoana izay mandrafy Azy. Dia manao fanonerana ho an’ny taniny, ho an’ny vahoakany Izy.