Eksodosy 9:15 - Baiboly Katolika

¹⁵ Raha izay Aho no efa naninjitra ny tanako namely anao tamin’ny pesta, ianao sy ny vahoakanao, dia efa fongotra amin’ny tany ianao toy izay.

Baiboly Protestanta Malagasy 2011

¹⁵ Fa ankehitriny, raha izay Aho no nanatsotra ny tanako hamely anao sy ny vahoakanao amin’ny areti-mandringana, dia efa fongotra tamin’ny tany ianao.

DIEM PROTESTANTA

¹⁵ Ankehitriny, raha naninji-tanana namely anao sy ny vahoakanao tamin’ny areti-mandringana Aho, dia efa levona teto ambonin’ny tany ianareo.

Dikateny Iombonana Eto Madagasikara

¹⁵ Ankehitriny, raha naninji-tanana namely anao sy ny vahoakanao tamin’ny areti-mandringana Aho, dia efa levona teto ambonin’ny tany ianareo.

Baiboly Protestanta Malagasy

¹⁵ Fa ankehitriny, raha izay Aho no naninjitra ny tànako hamely anao sy ny vahoakanao amin’ny areti-mandringana, dia efa fongotra tamin’ny tany hianao.

Malagasy Bible

¹⁵ Fa ankehitriny, raha izay Aho no naninjitra ny tanako hamely anao sy ny vahoakanao amin'ny areti-mandringana, dia efa fongotra tamin'ny tany ianao.

La Bible en Malgache

¹⁵ Fa ankehitriny, raha izay Aho no nanatsotra ny tanako hamely anao sy ny vahoakanao amin’ny areti-mandringana, dia efa fongotra tamin’ny tany ianao.

Eksodosy 9:15 Rohy Ifampitohizana

2Samoela 7:23

Aiza izay firenena eto ambonin’ny tany tahaka ny vahoakanao, tahaka an’i Israely, fa Andriamanitra no tonga hanavotra azy, mba ho vahoakany, hahalaza ny Anarany, hanao zava-dehibe ho Anao, ary hanao famantarana ho an’ny taninao, tamin’ny nandroahanao ireo firenena mbamin’ny andriamaniny teo anoloan’ny vahoakanao izay navotanao tamin’i Ejipta.

1Mpanjaka 13:34

Nampisy fahotana momba ny tranon’i Jerôbôama izany ka io no antony nandringanana sy namongorana azy teto ambonin’ny tany.

2Mpanjaka 17:36

Fa i Iaveh Andriamanitrareo izay nitondra anareo niakatra avy any amin’ny tany Ejipta, tamim-pahefana lehibe sy tamin-tsandry nahinjitra, Izy no atahory, eo anatrehany no iankohofy, ary Izy no anatero sorona.

2Mpanjaka 19:35

Ny alin’izay ihany, dia nivoaka ilay Anjelin’Andriamanitra namono lehilahy 185.000 tao amin’ny tobin’ny Asirianina, ka nony nifoha ny olona ny ampitso maraina, indreo fa faty avokoa ireo.

Eksodosy 14:28

Nony nikatona ny rano dia nanafotra ny kalesy ama-mpitaingin-tsoavaly mbamin’ny tafik’i Faraôna rehetra izay niditra ny ranomasina nanaraka ny zanak’i Israely: tsy nisy afa-nandositra na dia singany iray aza.

Eksodosy 3:20

nefa haninjitra ny tanako Aho hamely an’i Ejipta, amin’ny fahagagana isan-karazany hataoko eo aminy, ka havelany handeha ianareo rehefa afaka izany.»

Eksodosy 9:14

Fa amin’izao Aho vao handefa ny loza rehetra hampahory ny fonao sy ny mpanomponao mbamin’ny vahoakanao, mba hahafantaranao fa tsy misy toa Ahy amin’ny tany rehetra.

Eksodosy 9:16

Fa ny antony namelako anao haharitra toy izay, dia ny mba hahitanao ny fahefako, ary mba hanehoehoan’ny Anarako amin’ny tany rehetra.

Eksodosy 9:3

dia indro ny tanan’i Iaveh hamely ny biby fiompinao izay any an-tsaha, na soavaly, na ampondra, na rameva, na omby aman’ondry, dia areti-mifindra mandripaka tokoa.

Eksodosy 9:6

Dia nataon’i Iaveh tokoa izany, nony ampitso; ka ny bibin’ny Ejiptianina maty avokoa; fa ny bibin’ny zanak’i Israely tsy nisy maty, na dia iray aza.

Ohabolana 2:22

Fa ny ratsy fanahy kosa hofongorana amin’ny tany, ary ny mpivadika hongotana hiala eo.