Eksodosy 5:5 - Baiboly Katolika

⁵ Dia hoy i Faraôna: «Indro efa be izao ny vahoaka eto amin’ny tany, ka hotadiavinareo hatsahatra ve ny fanompoany?»

Baiboly Protestanta Malagasy 2011

⁵ Ary hoy koa i Farao: Indro, efa maro ankehitriny ny olona eto amin’ny tany ka hampitsahatra azy amin’ny fanompoany va ianareo?

DIEM PROTESTANTA

⁵ Ankehitriny efa tonga marobe eto amin’ity tany ity ireo olona ireo, ka tianareo hitsahatra amin’ny asa fanompoany ve?

Dikateny Iombonana Eto Madagasikara

⁵ Ankehitriny efa tonga marobe eto amin’ity tany ity ireo olona ireo, ka tianareo hitsahatra amin’ny asa fanompoany ve?

Baiboly Protestanta Malagasy

⁵ Ary hoy koa Farao: Indro, efa maro ankehitriny ny olona eto amin’ny tany, ka hianareo mampitsahatra azy amin’ny fanompoany mafy.

Malagasy Bible

⁵ Ary hoy koa Farao: Indro, efa maro ankehitriny ny olona eto amin'ny tany, ka ianareo mampitsahatra azy amin'ny fanompoany mafy.

La Bible en Malgache

⁵ Ary hoy koa i Farao: Indro, efa maro ankehitriny ny olona eto amin’ny tany ka hampitsahatra azy amin’ny fanompoany va ianareo?

Eksodosy 5:5 Rohy Ifampitohizana

1Mpanjaka 12:14

«Ikaky nampahavesatra ny jioganareo, fa izaho kosa vao mainka hanavesatra ny jioganareo; kotopia no namaizan’ikaky anareo, fa maingoka kosa no hamaizako anareo.»

2Tantara 10:11

Koa izao àry, jioga mavesatra no nampitondrain’idada anareo: hataoko mavesabesatra kokoa ny jioganareo. Kotopia no namaizan’idada anareo, fa maingoka kosa no hamaizako anareo.»

Eksodosy 2:11

Tamin’izany andro izany efa lehibe i Môizy, ka nivoaka nankany amin’ny rahalahiny; nahita ny asa mafy nataony izy, ary nisy Ejiptianina anankiray hitany nikapoka Hebrio anankiray tamin’ireo rahalahiny.

Ohabolana 14:28

Ny hamaroan’ny vahoaka no voninahitry ny mpanjaka; ny fahavitsian’ny olony kosa dia fahafongoran’ny mpanapaka.