Eksodosy 38:9 - Baiboly Katolika

⁹ Dia nanao ny kianja izy. Ny fefy lamba tamin’ny lafiny atsimo, ao ankavanana, dia zato hakiho ny halavany; rongony madio mihasina no nanaovana azy;

Baiboly Protestanta Malagasy 2011

⁹ Dia nanao ny kianja izy: Tamin’ny lafiny atsimo dia nisy fefy lamba zato hakiho natao tamin’ny lamba rongony fotsy madinika voatenona

DIEM PROTESTANTA

⁹ Ny fonena-masina dia nohodidinina kianja izay nofefena temitra vita amin’ny kiran-drongony mafy. Tamin’ny lafiny atsimo, dia nivelatra dimampolo metatra ny halavan’ny temitra;

Dikateny Iombonana Eto Madagasikara

⁹ Ny fonena-masina dia nohodidinina kianja izay nofefena temitra vita amin’ny kiran-drongony mafy. Tamin’ny lafiny atsimo, dia nivelatra dimampolo metatra ny halavan’ny temitra;

Baiboly Protestanta Malagasy

⁹ Ary nanao ny kianja izy: tamin’ny lafiny atsimo nisy fefy lamba zato hakiho ho amin’ny kianja natao tamin’ny rongony fotsy madinika voahasina;

Malagasy Bible

⁹ Ary nanao ny kianja izy: tamin'ny lafiny atsimo nisy fefy lamba zato hakiho ho amin'ny kianja natao tamin'ny rongony fotsy madinika voahasina;

La Bible en Malgache

⁹ Dia nanao ny kianja izy: Tamin’ny lafiny atsimo dia nisy fefy lamba zato hakiho* natao tamin’ny lamba rongony fotsy madinika voatenona

Eksodosy 38:9 Rohy Ifampitohizana

1Mpanjaka 6:36

Vato voapaika telo andalana, sy sakamandimby sedera iray andalana no nataony kianja anatiny.

Salamo 100:4

Avia ho eo am-bavahadiny amim-piderana, sy eo an-kianjany amim-pihirana; ankalazao Izy, isaory ny Anarany.

Salamo 84:10

Ianao izay ampinganay, ry Andriamanitra, mba jereo, ka tsinjovy ny tavan’ilay Voahosotrao!

Salamo 84:2

Mahatehotia loatra ny fonenanao, Ry Iavehn’ny tafika!

Salamo 89:7

Fa iza any an-danitra no hitaha amin’i Iaveh? Iza amin’ireo zanak’Andriamanitra no manahaka an’i Iaveh?

Salamo 92:13

Ny marina hitombo tahaka ny rofia; hisondrotra tahaka ny sedera any Libàna izy.

Eksodosy 26:1

«Ny hanaovana ny Fonenana dia ambainy folo; ny hanaovana azy ireo dia amin’ny rongony madinika voahasina, sy amin’ny jaky volomparasy, amin’ny kajy mangatrakatraka, ary amin’ny lamba mena antitra, asiana kerobima, asan-tanan’ny mpanenona mahay.

Eksodosy 38:10

roapolo ny andriny, roapolo ny faladiany varahina; volafotsy ny faraingo amin’ny andriny sy ny anjaka hitohizany.

Eksodosy 40:33

Ary nanangana ny kianja manodidina ny Fonenana sy ny ôtely izy, sy nanantona ny lamba amin’ny vavahadin’ny kianja. Toy izany no nahavitan’i Môizy izany raharaha izany.

Eksodosy 40:8

Hatsanganao ny kianja manodidina dia hataonao amin’ny kianja ny vavahady lamba.

Nomery 3:26

ny fefy lamban’ny kianja, sy ny vavahady lamba amin’ny kianja izay manodidina ny Fonenana sy ny ôtely, ary ny kofehy rehetra ilaina aminy.

Nomery 4:26

ny fefy lamban’ny kianja manodidina ny Fonenana sy ny ôtely, ary ny kofehy amam-panaka rehetra momba azy; dia izy ireo no hanao ny fanompoana rehetra momba izany.