Eksodosy 32:9 - Baiboly Katolika

⁹ Hoy i Iaveh tamin’i Môizy: «Hitako fa vahoaka mafy hatoka io vahoaka io.

Baiboly Protestanta Malagasy 2011

⁹ Hoy koa NY TOMPO tamin’i Mosesy: Efa hitako io firenena io fa indro, firenena mafy hatoka izy.

DIEM PROTESTANTA

⁹ Ary hoy Izaho TOMPO taminao: «Hitako tsara io vahoaka io fa mafy hatoka.

Dikateny Iombonana Eto Madagasikara

⁹ Ary hoy Izaho TOMPO taminao: «Hitako tsara io vahoaka io fa mafy hatoka.

Baiboly Protestanta Malagasy

⁹ Ary hoy Jehovah tamin’i Mosesy: Efa hitako io firenena io, fa, indro, firenena mafy hatoka izy.

Malagasy Bible

⁹ Ary hoy Jehovah tamin'i Mosesy: Efa hitako io firenena io, fa, indro, firenena mafy hatoka izy.

La Bible en Malgache

⁹ Hoy koa NY TOMPO tamin’i Mosesy: Efa hitako io firenena io fa indro, firenena mafy hatoka izy.

Eksodosy 32:9 Rohy Ifampitohizana

2Mpanjaka 17:14

Fa tsy nihaino izany izy ireo, fa nanamafy ny hatony, toy ny razany izay tsy nino an’i Iaveh Andriamaniny.

2Tantara 30:8

Koa aza manamafy ny hatokareo, toy ny nataon’ny razanareo, fa atolory an’i Iaveh ny tananareo, tongava ao amin’ny fitoerany masina, izay nohamasininy ho mandrakizay, ary manompoa an’i Iaveh Andriamanitrareo, mba hialan’ny afon’ny fahatezerany aminareo.

Nehemia 9:16

«Kanjo ny razanay, latsaka am-piavonavonana izy ireo ka nanamafy ny hatony ka tsy nihaino ny didinao.

Nehemia 9:17

Nandà tsy hihaino izy, ary tsy nahatsiaro ny fahagagana nataonao ho fanasoavana azy. Nanamafy ny hatony ary nentin’ny di-dohany dia nanendry mpitarika ho azy izy, mba hiverenany amin’ny fahandevozany. Saingy dia Andriamanitra vonon-kamela heloka Ianao, miantra sy mamindra fo, ary malain-kitezitra, sy tsara fo indrindra, ka tsy nafoinao izy.

Salamo 78:8

dia tsy hanahaka ny razany izay taranaka maditra sy miodina, taranaka manana fo mivadibadika, sy fanahy tsy miraikitra amin’Andriamanitra.

Eksodosy 33:3

Dia ho any amin’ny tany tondra-dronono aman-tantely, fa tsy hiakatra Aho eo afovoanao, satria vahoaka mafy hatoka ianao, ka sao dia haringako eny an-dalana eny.»

Eksodosy 33:5

Ka hoy i Iaveh tamin’i Môizy: «Lazao amin’ny zanak’i Israely hoe: Vahoaka mafy hatoka ianareo, ka raha miakatra Aho eo afovoanareo, na dia indray mipi-maso aza, dia holevoniko ianareo, koa apetraho amin’izao ny fihaingoanareo, dia ho fantatro izay hataoko.»

Eksodosy 34:9

nanao hoe: «Raha nahita fitia teo imasonao aho, ry Tompo, aoka re mba hiaraka aminay ny Tompo, fa vahoaka mafy hatoka ity. Avelao ny heloka amam-pahotanay, ary raiso ho lovanao izahay.»

Ohabolana 29:1

Ny olona tandrifin’ny hanarina, ka mihamafy hatoka, dia ho torotoro tampoka tsy hisy fanafody hahasitrana.

Isaia 48:4

Noho ny fahalalako fa ianao dia mafy hatoka, ary anjam-by ny vozonao, sy varahina ny handrinao,

Jeremia 13:27

Ny fijangajanganao, ny fanenonao, ny fanoloranao vatana ho amin’ny asa vetaveta, eny amin’ny havoana, eny an-tsaha eny, ny fahavetavetanao rehetra dia hitako avokoa. Loza ho anao, ry Jerosalema! Maloto ianao, ka mbola haharitra mandra-pahoviana izany?

Hosea 6:10

Zava-mahatsiravina no hitako teo amin’ny taranak’i Israely; fa ao no ijangajangan’i Efraima, sy andotoan’i Israely tena.

Nomery 14:11

Ary hoy i Iaveh tamin’i Môizy: «Mandra-pahoviana no haniratsiràn’ity vahoaka ity Ahy? Ary mandra-pahoviana no tsy hinoany Ahy, na dia eo aza ny fahagagana rehetra nataoko teo afovoany?

Asan’ny Apostoly 7:51

Ry olona mafy hatoka sady tsy voafora fo aman-tsofina, manohitra ny Fanahy Masina mandrakariva ianareo; tahaka ny nataon’ny razanareo ihany no ataonareo koa.

Deoteronomia 10:16

Koa forao ny fonareo, ary aza henjanina intsony ny hatokareo.

Deoteronomia 31:27

Fa fantatro ny ditran’ny fonao sy ny hamafy hatokao; amin’izao aho mbola velona eo aminareo izao aza, efa niodina tamin’i Iaveh ianareo, ka mainka izany fa rehefa maty aho.»

Deoteronomia 9:13

Ary hoy i Iaveh tamiko: Hitako fa vahoaka mafy hatoka ity vahoaka ity.

Deoteronomia 9:6

Koa aoka ho fantatrao, fa tsy ny fahamarinanao no anomezan’i Iaveh Andriamanitrao izany tany soa izany ho fanananao, fa vahoaka mafy hatoka ianao.