Eksodosy 29:41 - Baiboly Katolika

⁴¹ Ny zanak’ondry faharoa hatolotrao amin’ny aty takariva dia hampombainao fanatitra sy divay hatao fanatitra araraka toraky ny tamin’ny maraina, ankasitrahina ny fofony, sorona atao amin’ny afo ho an’i Iaveh.

Baiboly Protestanta Malagasy 2011

⁴¹ Ary ny zanak’ondry faharoa kosa dia hatolotrao amin’ny hariva. Fanatitra avy amin’ny zavamaniry sy fanatitra aidina tahaka ny natao tamin’ny fanatitra maraina no hampiarahinao aminy, ho hanitra ankasitrahana, dia fanatitra levonina amin’ny afo ho an’NY TOMPO.

Baiboly Protestanta Malagasy

⁴¹ Ary ny zanak’ondry iray koa haterinao nony hariva: ary fanatitra hohanina sy fanatitra aidina tahaka ny natao tamin’ny fanatitra maraina no hampombainao azy, ho hanitra ankasitrahana, dia fanatitra atao amin’ny afo ho an’i Jehovah.

Malagasy Bible

⁴¹ Ary ny zanak'ondry iray koa haterinao nony hariva; ary fanatitra hohanina sy fanatitra aidina tahaka ny natao tamin'ny fanatitra maraina no hampombainao azy, ho hanitra ankasitrahana, dia fanatitra atao amin'ny afo ho an'i Jehovah.

La Bible en Malgache

⁴¹ Ary ny zanak’ondry faharoa kosa dia hatolotrao amin’ny hariva. Fanatitra avy amin’ny zavamaniry sy fanatitra aidina tahaka ny natao tamin’ny fanatitra maraina no hampiarahinao aminy, ho hanitra ankasitrahana, dia fanatitra levonina amin’ny afo ho an’NY TOMPO.

Eksodosy 29:41 Rohy Ifampitohizana

1Mpanjaka 18:29

Ary nony efa nitsidika ny andro, dia naminany izy mandra-pahatongan’ny fotoana fanolorana ny fanatitra. Nefa tsy nisy nanoina na namaly na nihontsina kely akory.

1Mpanjaka 18:36

Nony tamin’ny fotoana fanolorana ny fanatitra, dia nandroso i Elia mpaminany, ka nanao hoe: «Ry Iaveh Andriamanitr’i Abrahama sy i Isaaka ary i Jakôba ô! aoka ho fantatra anio fa Andriamanitra amin’i Israely Ianao, ary izaho no mpanomponao ka teninao no nanaovako izao zavatra rehetra izao.

2Mpanjaka 16:15

Ary izao koa no didy nomen’i Akaza mpanjaka an’i Oriasa mpisorona: «Doroy eo ambonin’ny ôtely lehibe ny sorona dorana ny maraina, ny fanatitra hariva, ny sorona dorana amam-panatitry ny mpanjaka, ny sorona dorana amam-panatitry ny vahoaka rehetra; araraho eo ny fanatiny araraka ary aidino eo ny ra rehetra avy amin’ny sorona dorana sy ny ra rehetra avy amin’ny sorona. Fa ny amin’ny ôtely varahina, dia raharahako ny manapaka ny aminy.»

2Tantara 2:3

Fa indro aho manangana trano ho an’ny Anaran’i Iaveh Andriamanitrao, izay hohamasiniko ho Azy, mba handoroana zava-manitra tsara fofona eo anatrehany, hasiana ny mofo apetraka tsy tapaka, hanolorana ny sorona dorana ny maraina sy ny hariva, sy amin’ny sabata, ny voalohan’ny volana, ny fetin’i Iaveh Andriamanitray, araka ny lalàna voadidy harahin’i Israely mandrakizay.

Salamo 141:2

Aoka ho eo anatrehanao toy ny emboka anie ny fivavahako.

Eksodosy 12:6

Dia hotananareo izy hatramin’ny andro fahefatra ambin’ny folon’io volana io, vao samy hamono azy ny fiangonan’i Israely rehetra, amin’ilay àty takariva iny.

Eksodosy 29:40

Miaraka amin’ny ondry voalohany, hatolotrao koa ny lafarina tsara indrindra, ampahafolon’ny efah voadity tamin’ny diloilon’ny ôliva, voatoto, ampahefatry ny hina, ary divay ampahefatry ny hina ho fanatitra hararaka.

Eksodosy 29:42

Sorona dorana tsy tapaka izay tsy maintsy hatolotrareo amin’ny taona mifandimby ao amin’ny fidirana ny trano lay fihaonana, eo anatrehan’i Iaveh, dia eo amin’izay hihaonako aminareo mba hitenenako aminao.