Eksodosy 2:11 - Baiboly Katolika

¹¹ Tamin’izany andro izany efa lehibe i Môizy, ka nivoaka nankany amin’ny rahalahiny; nahita ny asa mafy nataony izy, ary nisy Ejiptianina anankiray hitany nikapoka Hebrio anankiray tamin’ireo rahalahiny.

Baiboly Protestanta Malagasy 2011

¹¹ Tamin’izany andro izany, rehefa lehibe i Mosesy, dia nandeha nankany amin’ireo rahalahiny izy ka nijery ny fanompoany mafy ary nahita lehilahy ejiptiana nikapoka ny iray tamin’ny Hebreo rahalahiny.

DIEM PROTESTANTA

¹¹ Indray andro, nony efa lehibe i Mosesy, dia niainga nankany amin’ireo mpiray firenena aminy ka nahita azy tao anatin’ny fanompoana mafy. Hitany fa nisy lehilahy ejiptianina iray nikapoka Hebreo iray isan’ny mpiray firenena aminy.

Dikateny Iombonana Eto Madagasikara

¹¹ Indray andro, nony efa lehibe i Mosesy, dia niainga nankany amin’ireo mpiray firenena aminy ka nahita azy tao anatin’ny fanompoana mafy. Hitany fa nisy lehilahy ejiptianina iray nikapoka Hebreo iray isan’ny mpiray firenena aminy.

Baiboly Protestanta Malagasy

¹¹ ARY tamin’izany andro izany, rehefa lehibe Mosesy, dia nivoaka nankany amin’ny rahalahiny izy ka nijery ny fanompoany mafy, ary nahita lehilahy Egyptiana nanavokavoka ny anankiray tamin’ny Hebreo rahalahiny.

Malagasy Bible

¹¹ Ary tamin'izany andro izany, rehefa lehibe Mosesy, dia nivoaka nankany amin'ny rahalahiny izy ka nijery ny fanompoany mafy, ary nahita lehilahy Egyptiana nanavokavoka ny anankiray tamin'ny Hebreo rahalahiny.

La Bible en Malgache

¹¹ Tamin’izany andro izany, rehefa lehibe i Mosesy, dia nandeha nankany amin’ireo rahalahiny izy ka nijery ny fanompoany mafy ary nahita lehilahy ejiptiana nikapoka ny iray tamin’ny Hebreo rahalahiny.

Eksodosy 2:11 Rohy Ifampitohizana

Eksodosy 1:11

Ka dia nanendry mpifehy hampanao fanompoana an’i Israely izy, mba hamoritra azy amin’ny asa mafy; izany no nahavitana tanàna, natao fitahirizan-javatra ho an’i Faraôna dia Pitaoma sy Ramsesa.

Eksodosy 3:7

Ary hoy i Iaveh hoe: «Efa hitako ny fahorian’ny vahoakako izay any Ejipta ary henoko ny fitarainany noho ny afitsok’ireo mpamoritra azy: fa fantatro ny fijaliany.

Eksodosy 5:14

Ary voakapoka ny mpanoratry ny zanak’i Israely, izay notendren’ny mpampiasan’i Faraôna hifehy azy ireo, fa hoy ny mpampiasa: «Nahoana ianareo omaly sy androany, no tsy nahavita ny biriky fanaonareo toraky ny taloha?»

Eksodosy 5:4

Fa hoy ny mpanjakan’i Ejipta tamin’izy ireo: «Nahoana ianareo, ry Môizy sy Aarôna, no mandrebireby ny vahoaka tsy hanao ny asany? Mandehana mankany amin’ny fanompoanareo.»

Eksodosy 5:5

Dia hoy i Faraôna: «Indro efa be izao ny vahoaka eto amin’ny tany, ka hotadiavinareo hatsahatra ve ny fanompoany?»

Eksodosy 5:9

Ka ataovy matin-draharaha izany olona izany, ataovy mikikitra amin’ny asa, ary aoka izy tsy hihaino intsony izao antsanga tsy aman’orana rehetra izao.»

Eksodosy 6:6

Koa lazao amin’ny zanak’i Israely hoe: Izaho no Iaveh; hanafaka anareo amin’ny fanompoana ny Ejiptianina Aho; hamonjy anareo amin’ny fanandevozan’izy ireo; ary sandry mihenjana sy fitsarana lehibe no hamonjeko anareo.

Eksodosy 6:7

Halaiko ho vahoakako ianareo, ka ho Andriamanitrareo Aho, izay manafaka anareo amin’ny fanompoan’ny Ejiptianina.

Isaia 58:6

Tsy izao va no fifadiana tiako kokoa: dia ny manapaka ny famatorana tsy an-drariny, ny mamaha ny fehezan’ny jioga, ny mandefa ny ampahoriana ho afaka; ny manapatapaka ny jioga rehetra isan-karazany?

Matio 11:28

Mankanesa atỳ amiko ianareo rehetra izay mitondra fahoriana sy mitondra ny mavesatra entana, fa hanamaivana anareo Aho.

Lioka 4:18

«Ato amiko ny Fanahin’ny Tompo, fa nanosotra ahy hitory teny soa mahafaly amin’ny malahelo Izy sy naniraka ahy hankahery ny torotoro fo,