Eksodosy 13:12 - Baiboly Katolika

¹² dia hatokanao ho an’i Iaveh ny lahy matoa rehetra, ary koa ny lahy voalohan-teraky ny biby izay hanananao, fa an’i Iaveh ny lahy.

Baiboly Protestanta Malagasy 2011

¹² dia hatokanao ho an’NY TOMPO izay voalohan-teraka rehetra: Ny voalohan-teraky ny biby fiompy rehetra anananao dia ho an’NY TOMPO ny lahy rehetra.

DIEM PROTESTANTA

¹² dia atolory ho an’ny TOMPO ny voalohan-teraka rehetra; fa an’ny TOMPO ny lahy rehetra voalohan-teraky ny biby fiompinareo.

Dikateny Iombonana Eto Madagasikara

¹² dia atolory ho an’ny TOMPO ny voalohan-teraka rehetra; fa an’ny TOMPO ny lahy rehetra voalohan-teraky ny biby fiompinareo.

Baiboly Protestanta Malagasy

¹² dia hatokanao ho an’i Jehovah izay voalohan-teraka rehetra: ny voalohan-teraky ny biby fiompy rehetra izay anananao, dia ho an’i Jehovah ny lahy rehetra;

Malagasy Bible

¹² dia hatokanao ho an'i Jehovah izay voalohan-teraka rehetra: ny voalohan-teraky ny biby fiompy rehetra izay anananao, dia ho an'i Jehovah ny lahy rehetra;

La Bible en Malgache

¹² dia hatokanao ho an’NY TOMPO izay voalohan-teraka rehetra: Ny voalohan-teraky ny biby fiompy rehetra anananao dia ho an’NY TOMPO ny lahy rehetra.

Eksodosy 13:12 Rohy Ifampitohizana

Nehemia 10:36

Nametra-teny izahay fa hanatitra ao an-tranon’i Iaveh isan-taona ny voaloham-bokatry ny taninay sy ny santatry ny voankazo rehetra avy amin’ny hazo mamoa rehetra,

Nehemia 10:37

hitondra ho ao an-tranon’ny Andriamanitsika, amin’ny mpisorona manao ny fanompoana ao an-tranon’ny Andriamanitsika, ny lahy matoanay sy ny voalohan-teraky ny biby fiompinay, araka ny voasoratra ao amin’ny lalàna, ary ny voalohan-teraky ny omby aman’ondrinay.

Eksodosy 13:1

Ary i Iaveh niteny tamin’i Môizy ka nanao hoe:

Eksodosy 13:2

«Atokàny ho Ahy ny lahy matoa rehetra, izay lahy matoa rehetra amin’ny zanak’i Israely, na olona na biby fa Ahy izany.»

Eksodosy 22:28

«Aza miteny ratsy an’Andriamanitra, na manozona ny filohany amin’ny firenena».

Eksodosy 22:29

«Aza milasilasy amin’ny fanaterana amiko ny voaloham-bokatry ny varinao sy ny voalobokao. Atolory ahy ny lahy matoa amin’ny zanakao lahy.

Eksodosy 34:19

«Ahy ny lahy voalohan-teraka rehetra; toy izany koa, ny lahy voalohan-teraky ny biby ompiana rehetra, na omby na ondry.

Eksodosy 34:20

Zanak’ondry ny hanavotanao ny voalohan-teraky ny ampondra; na hofolahinao ny hatony raha tsy havotanao izy. Havotanao ny lahy matoa rehetra amin’ny zanakao; ary aza miseho eo anatrehako tsy mitondra fanatitra ianao.»

Ezekiela 16:20

Ny zanakao lahy aman-janakao vavy naterakao ho Ahy, natolotrao ho sorona tamin’ireny handevonany azy.

Ezekiela 44:30

Ny santatry ny voaloham-bokatra rehetra isan-karazany, mbamin’ny fanatitra rehetra isan-karazany haterinareo, dia ho an’ny mpisorona; omeo ny mpisorona koa ny santatry ny fitotoam-barinareo, mba hitoeran’ny tso-drano ao amin’ny tranonareo.

Levitikosy 27:26

«Tsy misy anefa mahazo manokana voalohan-teraky ny biby fiompiny, fa efa an’i Iaveh rahateo izany noho ny mahavoalohan-teraka azy, ka na omby na ondry dia efa an’i Iaveh izany.

Nomery 18:15

Ny voalohan-teraky ny nofo rehetra ateriny ho an’i Iaveh, na olona na biby, dia ho anao avokoa. Kanefa asaovy avotana ny voalohan-teraky ny olona, sy ny voalohan-teraky ny biby maloto.

Nomery 3:12

«Indro efa nalaiko ho Ahy eo afovoan’ny zanak’i Israely ny Levita, ho solon’ny lahy matoa izay voalohan-teraky ny reniny ao amin’ny taranak’i Israely, ka dia Ahy ny Levita;

Nomery 3:13

satria Ahy ny lahy matoa rehetra. Tamin’ilay andro namelezako ny lahy matoa rehetra tany amin’ny tany Ejipta no nanokanako ho Ahy ny voalohan-teraka rehetra amin’i Israely, na olona na biby fiompy; ka dia Ahy ireo, fa Izaho no Iaveh.»

Nomery 8:17

dia ny lahy matoan’ny zanak’i Israely rehetra, na amin’ny olona na amin’ny biby; tamin’ilay andro namelezako ny lahy voalohan-teraka rehetra tany amin’ny tany Ejipta, no nanokanako azy ho Ahy.

Lioka 2:23

araka ny voasoratra ao amin’ny Lalàn’ny Tompo hoe: «Ny lahy voalohan-teraka rehetra dia hatao hoe masina ho an’ny Tompo,

Deoteronomia 15:19

Atokàny ho an’i Iaveh Andriamanitrao ny lahy rehetra voalohan-teraky ny biby fiompinao, na vaventy na madinika; aza mampiasa ny voalohan-teraky ny ombinao, na manety ny voalohan-teraky ny ondrinao,