Eksodosy 13:10 - Baiboly Katolika

¹⁰ Hotandremanao amin’ny fotoany, isan-taona isan-taona izany didy izany.»

Baiboly Protestanta Malagasy 2011

¹⁰ Dia tandremo izao lalàna izao amin’ny fotoanany isan-taona.

DIEM PROTESTANTA

¹⁰ Isan-taona isan-taona, amin’ny fotoana voatondro, no hitandremanareo io fepetra io.

Dikateny Iombonana Eto Madagasikara

¹⁰ Isan-taona isan-taona, amin’ny fotoana voatondro, no hitandremanareo io fepetra io.

Baiboly Protestanta Malagasy

¹⁰ Dia tandremo amin’ny fotoany isan-taona izao lalàna izao.

Malagasy Bible

¹⁰ Dia tandremo amin'ny fotoany isan-taona izao lalàna izao.

La Bible en Malgache

¹⁰ Dia tandremo izao lalàna izao amin’ny fotoanany isan-taona.

Eksodosy 13:10 Rohy Ifampitohizana

Eksodosy 12:14

Hataonareo tsy very tadidy izany andro izany, fa hankalazainareo amin’ny fety hiderana an’i Iaveh, hankalazainareo amin’ny taranakareo mifandimby, ho zavatra nalahatra haharitra mandrakizay.»

Eksodosy 12:17

Hotandremanareo ny azima, fa izany no andro namoahako ny ankohonanareo, tamin’ny tany Ejipta. Ka hotandremanareo hatrany amin’ny taranaka mifandimby izany andro izany, ho zavatra nalahatra haharitra mandrakizay.

Eksodosy 12:42

Alina niaretan-tory ho an’i Iaveh ilay alina namoahany azy avy tany Ejipta, ka izany alina izany dia ho alina fiaretan-tory hankalazana an’i Iaveh, ho an’ny zanak’i Israely rehetra isan-taranany.»

Eksodosy 13:5

Ary raha avy izay hahatafidiran’i Iaveh anao any amin’ny tanin’ny Kananeanina, ny Heteanina, ny Amôreana, ny Heveanina ary ny Jeboseanina, izay nianianany tamin’ny razanao homeny anao, tany tondra-dronono aman-tantely, dia hataonao izany fomba masina izany, amin’ny volana toy izao.

Eksodosy 23:15

Hitandrina ny fetin’ny Azima ianao; mandritra ny hafitoana dia hihinana mofo tsy misy lalivay ianao araka ny nandidiako anao, amin’ny fotoam-boafetra amin’ny volana abiba, fa tamin’io volana io no nivoahanao tany Ejipta; ka aza miseho eo anatrehako tsy mitondra fanatitra.

Levitikosy 23:6

Ary ny andro fahadimy ambin’ny folon’io volana io, dia fetin’ny mofo tsy misy lalivay, fankalazana an’i Iaveh; hafitoana no hihinananareo mofo tsy misy lalivay.