Eksodosy 12:35 - Baiboly Katolika

³⁵ «Nanao araka ny voalazan’i Môizy taminy ny zanak’i Israely, fa nangataka firavaka volafotsy sy firavaka volamena ary fitafiana tamin’ny Ejiptianina izy ireo.

Baiboly Protestanta Malagasy 2011

³⁵ Ary nanaraka ny tenin’i Mosesy ny Zanak’Israely ka nangataka firavaka volafotsy sy firavaka volamena ary fitafiana tamin’ny Ejiptiana.

DIEM PROTESTANTA

³⁵ Dia nanao araka izay nolazain’i Mosesy ny Israelita ka nangataka firavaka volafotsy sy volamena ary fitafiana tamin’ny Ejiptianina.

Dikateny Iombonana Eto Madagasikara

³⁵ Dia nanao araka izay nolazain’i Mosesy ny Israelita ka nangataka firavaka volafotsy sy volamena ary fitafiana tamin’ny Ejiptianina.

Baiboly Protestanta Malagasy

³⁵ Ary ny Zanak’Isiraely nanao araka ny tenin’i Mosesy ka nangataka firavaka volafotsy sy firavaka volamena ary fitafiana tamin’ny Egyptiana.

Malagasy Bible

³⁵ Ary ny Zanak'Isiraely nanao araka ny tenin'i Mosesy ka nangataka firavaka volafotsy sy firavaka volamena ary fitafiana tamin'ny Egyptiana.

La Bible en Malgache

³⁵ Ary nanaraka ny tenin’i Mosesy ny Zanak’Israely ka nangataka firavaka volafotsy sy firavaka volamena ary fitafiana tamin’ny Ejiptiana.

Eksodosy 12:35 Rohy Ifampitohizana

Genesisy 15:14

Fa hotsaraiko ny firenena izay hanandevo azy, ka rehefa afaka izy ireo dia hivoaka avy any mitondra harem-be.

Genesisy 24:53

Ary navoakany ny firavaka volafotsy sy firavaka volamena, mbamin’ny fitafiana, ka nomeny an-dRebekà; sady notolorany fanomezana sarobidy koa ity anadahiny sy ny reniny.

Ezra 1:6

Samy nanampy azy ireo avokoa ny olona nifanakaiky taminy, tamin’ny fanaka volafotsy, volamena, fanaka hafa, biby fiompy ary zavatra sarobidy, mbamin’ny fanomezana an-tsitrapo rehetra.

Salamo 105:37

Dia nentiny nivoaka ny vahoakany nitondra volafotsy sy volamena, ary tsy nisy nangozohozo tamin’ireo fokony, na dia iray aza.

Eksodosy 12:28

Ary lasa nandeha ny zanak’i Israely ary nanantanteraka izay nandidian’i Iaveh an’i Môizy sy i Aarôna; izany no nataony.»

Mpitoriteny 3:6

Fotoana hitadiavana, ary fotoana hamerezana, fotoana hitahirizana, ary fotoana hanariana.