Efesiana 3:12 - Baiboly Katolika

¹² izay ananantsika fahasahiana hanatona an’Andriamanitra amam-pahatokiana noho ny finoana Azy.

Baiboly Protestanta Malagasy 2011

¹² Ao Aminy no ananantsika fahasahiana hanatona Azy amin’ny fahatokiana, noho ny finoana Azy.

DIEM PROTESTANTA

¹² Ary isika efa tafaray amin’i Kristy dia manana ny fahasahiana manatona an’Andriamanitra amim-pahatokiana, noho ny finoana niainan’i Kristy.

Dikateny Iombonana Eto Madagasikara

¹² Ary isika efa tafaray amin’i Kristy dia manana ny fahasahiana manatona an’Andriamanitra amim-pahatokiana, noho ny finoana niainan’i Kristy.

Baiboly Protestanta Malagasy

¹² Izay ananantsika fahasahiana sy fanatonana amin’ny fahatokiana noho ny finoana Azy.

Malagasy Bible

¹² Izay ananantsika fahasahiana sy fanatonana amin'ny fahatokiana noho ny finoana Azy.

La Bible en Malgache

¹² Ao Aminy no ananantsika fahasahiana hanatona Azy amin’ny fahatokiana, noho ny finoana Azy.

Efesiana 3:12 Rohy Ifampitohizana

Jaona 14:6

Ary hoy i Jesoa taminy: Izaho no lalana sy fahamarinana ary fiainana; tsy misy olona mankany amin’ny Ray afa-tsy amin’ny alalako.

Romana 3:22

dia fahamarinana avy amin’Andriamanitra, noho ny finoana an’i Jesoa Kristy, ho an’ny mpino rehetra; satria tsy misy avaka,

Romana 5:2

izay ahazoantsika manatona amim-pinoana izao fahasoavana itoerantsika tsara izao, sy mifaly amim-panantenana ny voninahitr’Andriamanitra.

2Korintiana 3:4

Ary Andriamanitra ihany no anananay izao fahasahianay izao, amin’ny alalan’i Kristy.

Efesiana 2:18

Satria aminy no fahazoantsika roa tonta manatona ny Ray ao amin’ny Fanahy iray ihany.

Hebreo 10:35

Koa aza miala amin’ny fahasahianareo, fa misy valiny lehibe izany.

Hebreo 3:6

fa i Kristy kosa dia toy ny Zanaka manapaka ny tranon’ny tenany, ary isika no tranony, raha tanantsika mafy hatramin’ny farany ny fahasahiana sy ny hafaliana masina vokatry ny fanantenana.

1Petera 3:18

Na i Kristy koa aza, niaritra fahafatesana indray mandeha noho ny otantsika, dia Izy marina ho an’ny tsy marina, mba hanolorany antsika amin’Andriamanitra, ka novonoina tamin’ny nofo Izy, fa novelomina tamin’ny fanahy.

1Jaona 2:28

Ary ankehitriny, anaka, mitoera ao aminy, mba hanan-toky isika rehefa miseho izy, fa tsy horoahina hiala aminy amin-kenatra amin’ny andro hahatongavany.

1Jaona 3:21

Ry malala, raha tsy manameloka antsika ny fontsika, dia mahazo manatona an’Andriamanitra amin-toky isika.