Deoteronomia 31:16 - Baiboly Katolika

¹⁶ Dia hoy i Iaveh tamin’i Môizy: «Indro efa ho tafandriana any amin’ny razanao ianao, ary ity vahoaka ity hitsangana hitolo-tena amin’ny andriamani-kafa any amin’ny tany efa hidirany. Handao Ahy izy ary hivadika ny fanekena nataoko taminy.

Baiboly Protestanta Malagasy 2011

¹⁶ Ary hoy NY TOMPO tamin’i Mosesy: Indro, hodimandry any amin’ny razanao ianao; ary hitsangana ity firenena ity ka hijangajanga hanaraka ny andriamanitra hafa any amin’ny tany izay efa hidirany honenana, dia hahafoy Ahy izy ka hivadika ny fanekena nataoko taminy.

DIEM PROTESTANTA

¹⁶ Dia hoy ny TOMPO tamin’i Mosesy: –Indro hodimandry any amin’ny razanao ianao; ary ity vahoaka ity kosa hiainga hanompo sampy ka hanaraka andriamani-kafa tompoina any amin’ny tany izay efa hidirany honenana. Hilaozany Aho ary hivadihany ny fanekempihavanana izay nataoko taminy.

Dikateny Iombonana Eto Madagasikara

¹⁶ Dia hoy ny TOMPO tamin’i Mosesy: –Indro hodimandry any amin’ny razanao ianao; ary ity vahoaka ity kosa hiainga hanompo sampy ka hanaraka andriamani-kafa tompoina any amin’ny tany izay efa hidirany honenana. Hilaozany Aho ary hivadihany ny fanekempihavanana izay nataoko taminy.

Baiboly Protestanta Malagasy

¹⁶ Ary hoy Jehovah tamin’i Mosesy: Indro fa hodi-mandry any amin’ny razanao hianao; ary hitsangana ity firenena ity ka hijangajanga hanaraka ny andriamani-kafa any amin’ny tany izay efa hidirany honenana, dia hahafoy Ahy izy ka hivadika ny fanekeko izay nataoko taminy.

Malagasy Bible

¹⁶ Ary hoy Jehovah tamin'i Mosesy: Indro fa hodi-mandry any amin'ny razanao ianao; ary hitsangana ity firenena ity ka hijangajanga hanaraka ny andriamani-kafa any amin'ny tany izay efa hidirany honenana, dia hahafoy Ahy izy ka hivadika ny fanekeko izay nataoko taminy.

La Bible en Malgache

¹⁶ Ary hoy NY TOMPO tamin’i Mosesy: Indro, hodimandry any amin’ny razanao ianao; ary hitsangana ity firenena ity ka hijangajanga hanaraka ny andriamanitra hafa any amin’ny tany izay efa hidirany honenana, dia hahafoy Ahy izy ka hivadika ny fanekena nataoko taminy.

Deoteronomia 31:16 Rohy Ifampitohizana

Genesisy 15:15

Ianao dia handeha ho any amin’ny razanao amim-piadanana; ho tratra antitra tsara ianao vao halevina.

Genesisy 25:8

ka efa tratra antitra tsara, ary efa ela sy lava andro niainana i Abrahama vao niala aina, ka maty, dia nakambana tamin’ny razany.

Genesisy 47:29

Nony efa akaiky ny fara andron’i Israely dia nampaka an’i Josefa zanany izy, nanao taminy hoe: «Raha mba nahita fitia teo imasonao koa aho masìna ianao, ataovy ato ambany feko ny tananao, ataovy amiko amin-kazavam-po sy fahamarinana izao: aza alevina aty Ejipta aho,

Genesisy 47:30

fa raha avy izay hodiako mandry any amin’ny razako, ento miala aty Ejipta aho, ka aleveno any amin’ny fasan’izy ireo.» Dia hoy ny navalin’i Josefa: «Eny, hotanterahiko ny teninao.»

2Samoela 7:12

Rehefa tapitra ny andronao, ka mandry amin’ny razanao ianao; dia hatsangako ny taranakao manaraka anao, izay haloaky ny kibonao, ary hamafisiko ny fanjakany.

1Mpanjaka 1:21

Fa raha tsy izany, rehefa mody amin’ny razany ny mpanjaka tompoko, dia hatao olo-meloka izaho sy i Salômôna zanako.»

1Mpanjaka 18:18

Namaly i Elia nanao hoe: «Tsy izaho no mpanakorontana an’i Israely, fa ianao indrindra sy ny fianakavian-drainao, amin’ny nandaozanareo ny didin’i Iaveh sy nandehananareo manaraka an’i Baala.

1Mpanjaka 19:10

Ka hoy ny navaliny: «Feno hafanam-po ho an’i Iaveh Andriamanitry ny tafika aho, fa ny fanekenao nafoin’ny zanak’i Israely, ny ôtelinao nazerany, ny mpaminaninao novonoiny tamin’ny sabatra, izaho irery no sisa, ary tadiaviny halàna aina aho.»

2Mpanjaka 18:12

satria tsy nihaino ny feon’i Iaveh Andriamaniny izy, fa nivadika ny fanekeny, ary tsy misy nohenoiny na narahiny izay rehetra nodidian’i Môizy mpanompon’i Iaveh.

2Mpanjaka 20:1

Tamin’izany andro izany, narary efa ho faty i Ezekiasa. Ka tonga tao aminy i Izaia zanak’i Amôsa nilaza taminy hoe: «Izao no lazain’i Iaveh: Ataovy izay hafatrao amin’ny ankohonanao, fa efa ho faty ianao, fa tsy ho velona intsony.»

2Tantara 21:11

Nanao fitoerana avo tamin’ny tendrombohitr’i Jodà aza i Jôrama ary nitaona ny mponina tao Jerosalema hitolo-tena hanaraka andriamani-kafa ary nanambosy an’i Jodà.

Joba 20:11

Ny taolany feno ny otany miafina, izay hiara-mandry aminy eo amin’ny vovoka.

Salamo 106:39

Izy ireo nandoto tena tamin’ny asany, ary nitolo-tena tamin’andriamani-kafa.

Salamo 73:27

Indro very kosa izay manalavitra Anao; aringanao avokoa izay mivadika aminao.

Eksodosy 32:6

Nifoha vao maraina koa izy ireo nony ampitso, ka nanolotra sorona dorana sy nanatitra sorona fisaorana. Dia nipetraka hihinana sy hisotro ny vahoaka, ary nitsangana hilalao.

Eksodosy 34:15

Koa aza manao fanekena amin’ny mponina amin’ny tany, fandrao, rehefa mitolo-tena amin’ny andriamaniny ireny sy manolo-tsorona aminy, dia asainy koa ianao sy hihinana amin’ny sorony;

Isaia 48:8

Tsy mbola nandre izany ianao, tsy nahalala izany ianao; tsy mbola nandre izany velively ny fonao. Satria fantatro ianao fa mpivadika loatra, ary ny anaranao hatrany an-kibon-dreninao dia hoe mpivadika.

Jeremia 31:32

ka tsy fanekena toy ny nataoko tamin’ny razany, tamin’ny andro nitantanako azy, nitondrako azy nivoaka avy any amin’ny tany Ejipta, fanekena nivadihan’izy ireo, na dia vadiny aza Aho.

Jeremia 36:7

Angamba ho tonga eo anatrehan’i Iaveh ny fifonany, ary hiova hiala amin’ny lalan-dratsiny avy izy; fa lehibe ny hatezerana amam-pahavinirana nolazain’i Iaveh hahatra amin’ity vahoaka ity.»

Ezekiela 16:15

Kanjo natoky ny hatsaran-tarehinao ianao, ka nitolo-tena ho an’ny olon-kafa noho ny lazanao, nanarana ny fitiavanao tamin’ny mpandalo rehetra, nanolo-tena taminy.

Hosea 1:2

Tamin’ny niandohan’ny nitenenan’i Iaveh tamin’i Osea, izao no nolazain’i Iaveh tamin’i Osea: «Mandehana ianao, makà vady tena janga, aman-janaky ny fijangajangana, satria tsy misy ataon’ny tany afa-tsy ny misaraka amam-bady amin’ny fandaozana an’i Iaveh.»

Hosea 10:4

Hanonona teny izy ireo, manao fianianana tsy misy antony, sy mandraikitra fanekena; ary ny fitsarana kosa hiposaka toy ny fivelatry ny pavôty eny amin’ny saha voasoritsoritra.

Levitikosy 26:15

raha manamavo ny lalàko ianareo ka boboky ny fitsipiko ny fanahinareo, ka tsy hankatoavinareo ny didiko rehetra sy hivadihanareo ny fanekena amiko,

Nomery 27:13

Hahita izany ianao, dia hangonina any amin’ny razanao tahaka ny nanangonana an’i Aarôna rahalahinao koa,

Asan’ny Apostoly 13:36

Raha i Davida aloha, dia nody mandry izy rehefa nahatanteraka ny sitrapon’Andriamanitra tamin’ny androny, ka nakambana tamin’ny razany, sy tratry ny lo;

Deoteronomia 31:18

Izaho anefa amin’izany andro izany dia hanakona ny tavako noho ny ratsy rehetra nataony, tamin’ny niviliany hanaraka andriamani-kafa.»

Deoteronomia 32:15

Kanjo nihanatavy i Jesoròna ka nibohy; - eny efa tonga matavy sy botrefona ary dongadonga ianao, ka dia nahafoy ny Andriamanitra izay nanao azy sy naniratsira ny Vatolampy famonjena azy.

Deoteronomia 32:50

Ho faty eo amin’ny tendrombohitra hiakaranao ianao, dia hangonina any amin’ny razanao, tahaka ny nahafatesan’i Aarôna rahalahinao tany an-tendrombohitra Hôra, sy nanangonana azy tany amin’ny razany;

Deoteronomia 34:5

Teo no nahafatesan’i Môizy, mpanompon’i Iaveh, dia teo amin’ny tanin’i Moaba, araka ny didin’i Iaveh.

Deoteronomia 4:25

Rehefa avy izay hiterahanareo sy hahaloa-jafy anareo ka efa ela no nonenanareo tamin’ny tany, raha miharatsy ianareo, ka manao sarin-javatra voasikotra ho anareo, na sarin’inona izany na sarin’inona, ka manao izay ratsy eo imason’i Iaveh Andriamanitrareo, mba hampahatezitra Azy,

Apokalipsy 19:2

fa marina sy mahitsy ny fitsaràny, satria Izy nanameloka ilay Vehivavy janga malaza izay nandoto ny tany tamin’ny fijangajangany, sy namely an’io noho ny ran’ny mpanompony izay nalatsaky ny tanany.»

Mpitsara 10:13

Nefa ianareo kosa dia nandao Ahy ary nanompo andriamani-kafa, koa tsy hamonjy anareo intsony Aho.

Mpitsara 10:6

Ary nanao izay ratsy eo imason’i Iaveh ny zanak’i Israely. Izy ireo nanompo ny Baala sy ny Astarte, ny andriamanitr’i Siria, ny andriamanitr’i Sidona, ny andriamanitr’i Moaba, ny andriamanitry ny taranak’i Amôna, ary ny andriamanitry ny Filistinina, ary nandao an’i Iaveh sy tsy nanompo Azy intsony.

Mpitsara 2:11

Nanao izay ratsy eo imason’i Iaveh ny zanak’i Israely, fa nanompo ireo Baala.

Mpitsara 2:12

Nafoiny i Iaveh Andriamanitry ny razany, izay nitondra azy nivoaka avy tany amin’ny tany Ejipta; fa andriamani-kafa, tamin’ireo andriamanitry ny firenena manodidina azy no narahiny, sy niankohofany teo anatrehany, ka nampahatezitra an’i Iaveh izy ireo.