Biblia Todo Logo
Baiboly an-tserasera
- dokam-barotra -




Deoteronomia 14:29 - Baiboly Katolika

29 Ka aoka ho avy amin’izay ny Levita izay tsy mba manana anjara na lova eo aminao, mbamin’ny vahiny sy ny kamboty ama-mpitondratena izay ao anatin’ny vavahadinao, dia hihinana izy, ka hivoky, mba hanambinan’i Iaveh Andriamanitrao anao amin’ny asa rehetra ataon’ny tananao.

Jereo ny toko dika mitovy

Baiboly Protestanta Malagasy 2011

29 dia aoka ho avy ny levita, satria tsy mba manana anjara na lova eo aminao izy sy ny vahiny ary ny kamboty sy ny mpitondratena izay ao an-tanànanao, dia hihinana ireo ka ho voky, mba hotahìn’NY TOMPO Andriamanitrao amin’ny asan’ny tananao rehetra ianao.

Jereo ny toko dika mitovy

DIEM PROTESTANTA

29 Ary ho avy hizaràna an’izany ny Levita (izay tsy manana zaratany na anjara miaraka aminareo) sy ny vahiny ary ny kamboty mbamin’ny mpitondratena izay eo an-tanànanareo; dia hihinana ireo ka ho voky, mba hitahian’ny TOMPO Andriamanitrareo anareo amin’ny asa rehetra izay ataonareo.

Jereo ny toko dika mitovy

Dikateny Iombonana Eto Madagasikara

29 Ary ho avy hizaràna an’izany ny Levita (izay tsy manana zaratany na anjara miaraka aminareo) sy ny vahiny ary ny kamboty mbamin’ny mpitondratena izay eo an-tanànanareo; dia hihinana ireo ka ho voky, mba hitahian’ny TOMPO Andriamanitrareo anareo amin’ny asa rehetra izay ataonareo.

Jereo ny toko dika mitovy

Baiboly Protestanta Malagasy

29 ary dia aoka ho avy ny Levita (satria tsy mba manana anjara na lova eo aminao izy) sy ny vahiny sy ny kamboty ary ny mpitondratena izay ao an-tanànanao, dia hihinana izy ka ho voky, mba hotahin’i Jehovah Andriamanitrao hianao amin’ny asan-tànanao rehetra izay ataonao.

Jereo ny toko dika mitovy

Malagasy Bible

29 ary dia aoka ho avy ny Levita (satria tsy mba manana anjara na lova eo aminao izy) sy ny vahiny sy ny kamboty ary ny mpitondratena izay ao an-tanànanao, dia hihinana izy ka ho voky, mba hotahin'i Jehovah Andriamanitrao ianao amin'ny asan-tananao rehetra izay ataonao.

Jereo ny toko dika mitovy

La Bible en Malgache

29 dia aoka ho avy ny levita, satria tsy mba manana anjara na lova eo aminao izy sy ny vahiny ary ny kamboty sy ny mpitondratena izay ao an-tanànanao, dia hihinana ireo ka ho voky, mba hotahìn’NY TOMPO Andriamanitrao amin’ny asan’ny tananao rehetra ianao.

Jereo ny toko dika mitovy




Deoteronomia 14:29
30 Rohy Ifampitohizana  

Ho an’ny mpampianatra hira. Salamon’i Davida.


Sambatra ny miahy ny mahantra, fa hovonjen’i Iaveh amin’ny andro fahoriana izy.


mamono ny mpitondratena sy ny vahiny, mahafaty ny kamboty,


ity mahafoy an-kazavam-po moa, mitombo harena; fa itsy fatra-pitsitsy, vao mainka mahantra.


Izay miantra ny mahantra, mampisambotra an’i Iaveh, ka Izy no hamaly ny soa nataony.


mianara hanao soa; katsaho ny rariny, anaro ny mpampahory, omeo rariny ny kamboty, arovy ny mpitondratena.


Fa ataovy toy ny tompon-tany ihany no fitondra ny vahiny mitoetra eo afovoanareo, tiavo toy ny tenanareo izy; fa efa mba vahiny tany amin’ny tany Ejipta koa ianareo. Izaho no Iaveh Andriamanitrareo.


Ary hoy i Iaveh tamin’i Aarôna: «Tsy mba hanan-dova eo amin’ny taniny ianao, ary tsy mba hisy izay ho anjaranao eo afovoan’izy ireo; fa Izaho no anjaranao sy lovanao eo afovoan’ny zanak’i Israely.


Izao ihany e: manaova fiantrana araka izay anananareo, dia hadio ho anareo ny zavatra rehetra.


Fa ianareo kosa, tiavo ny fahavalonareo, manaova soa ary mampisambora tsy manantena valiny: dia ho lehibe ny valisoanareo, ary ianareo ho zanaky ny Avo indrindra, dia Ilay tsara fo amin’ny tsy mpankasitraka sy ny ratsy fanahy.


Izany no tsy mba hananan’i Levỳ zaratany na lova eo amin’ny rahalahiny, fa i Iaveh no lovany, araka ny voalazan’i Iaveh Andriamanitrao taminy.


Dia hifaly eo anatrehan’i Iaveh Andriamanitrareo ianareo sy ny zanakareo lahy mbamin’ny zanakareo vavy, ary ny ankizy lahy aman’ankizy vavinareo, mbamin’ny Levita izay anatin’ny vavahadinareo, satria tsy mba niara-nandray anjara na lova taminareo izy.


Aza manary ny Levita izay ao anatin’ny vavahadinao, fa tsy mba manana anjara na lova eo aminao izy.


Tsy maintsy manome azy ianao, ary aza misy alahelo ny fonao, raha manome azy ianao, fa izany no hanambinan’i Iaveh anao amin’ny asanao rehetra sy amin’ny raharaha rehetra hataonao.


Any amin’ny fitoerana izay hofidin’i Iaveh Andriamanitrao hamponenany ny Anarany no hifalianao eo anatrehan’i Iaveh Andriamanitrao, ianao, ny zanakao lahy sy ny zanakao vavy, ny ankizilahinao sy ny ankizivavinao, ny Levita ao anatin’ny vavahadinao ary ny vahiny sy ny kamboty sy ny mpitondratena mitoetra eo afovoanao.


Mifalia amin’izany fety izany ianao, mbamin’ny zanakao lahy sy ny zanakao vavy, ny ankizilahinao sy ny ankizivavinao, ary ny Levita sy ny vahiny mbamin’ny kamboty sy ny mpitondratena ao anatin’ny vavahadinao.


«Raha mivoady amin’i Iaveh Andriamanitrao ianao, dia aza ela fanefa izany, fa raha tsy izany dia hampamoahin’i Iaveh Andriamanitrao mihitsy ianao ny amin’izany, ka hivesatra fahotana.


Handidy ny fitahîny homba anao i Iaveh, amin’ny sompitrao sy amin’ny asan-tananao rehetra. Hotahîny ianao any amin’ny tany homen’i Iaveh Andriamanitrao anao.


trano feno zava-tsoa isan-karazany tsy nofenoinao, dobo famorian-drano tsy nolavahanao, voaloboka amam-pototr’ôliva tsy nambolenao, dia hihinana sy hivoky ianao;


Ary aza manadino ny fandraisam-bahiny, fa ny sasany nanaraka izany dia efa nisy nampiantrano Anjely, nefa tsy nahalala azy.


Izao no fivavahana madio sy tsy misy tsiny eo anatrehan’Andriamanitra Ray: ny manampy ny kamboty sy ny mpitondratena amin’ny fahoriany; ary ny miaro tena tsy ho voaloton’izao tontolo izao.


Araho izahay:

dokam-barotra


dokam-barotra