Deoteronomia 12:18 - Baiboly Katolika

¹⁸ fa eo anatrehan’i Iaveh Andriamanitrao, amin’ny fitoerana voafidin’i Iaveh Andriamanitrao no hihinananao azy, dia ianao sy ny zanakao lahy mbamin’ny zanakao vavy, ary ny ankizy lahy aman’ankizy vavinao, mbamin’ny Levita ao anatin’ny vavahadinao, dia hifaly eo anatrehan’i Iaveh Andriamanitrao ianao amin’ny fizakana ny harena rehetra harin-tananao.

Baiboly Protestanta Malagasy 2011

¹⁸ Fa eo anatrehan’NY TOMPO Andriamanitrao no hihinananao azy, dia eo amin’ny tany izay hofidin’NY TOMPO Andriamanitrao, dia ianao, ny zanakao lahy, ny zanakao vavy, ny mpanompolahinao, ny mpanompovavinao, ary ny levita izay ao an-tanànanao; hifaly eo anatrehan’NY TOMPO Andriamanitrao ianao amin’izay rehetra noharìn’ny tananao.

DIEM PROTESTANTA

¹⁸ Fa eo anoloan’ny Toeramasina, ao amin’ny faritra nofidian’ilay TOMPO Andriamanitrareo, no hihinana izany ianareo mbamin’ny zanakareo sy ny mpanomponareo ary koa ny Levita izay ao an-tanànanareo; eny, hifaly eo anoloan’ny Toeramasin’ilay TOMPO Andriamanitrareo ianareo amin’izay fiharian-karena rehetra nataonareo.

Dikateny Iombonana Eto Madagasikara

¹⁸ Fa eo anoloan’ny Toeramasina, ao amin’ny faritra nofidian’ilay TOMPO Andriamanitrareo, no hihinana izany ianareo mbamin’ny zanakareo sy ny mpanomponareo ary koa ny Levita izay ao an-tanànanareo; eny, hifaly eo anoloan’ny Toeramasin’ilay TOMPO Andriamanitrareo ianareo amin’izay fiharian-karena rehetra nataonareo.

Baiboly Protestanta Malagasy

¹⁸ Fa eo anatrehan’i Jehovah Andriamanitrao no hihinananao azy, dia eo amin’ny tany izay hofidin’i Jehovah Andriamanitrao,– dia hianao sy ny zanakao-lahy sy ny zanakao-vavy sy ny ankizilahinao sy ny ankizivavinao ary ny Levita izay ao an-tànananao; ary hifaly eo anatrehan’i Jehovah Andriamanitrao hianao amin’izay rehetra harin’ny tànanao.

Malagasy Bible

¹⁸ Fa eo anatrehan'i Jehovah Andriamanitrao no hihinananao azy, dia eo amin'ny tany izay hofidin'i Jehovah Andriamanitrao, dia ianao sy ny zanakao-lahy sy ny zanakao-vavy sy ny ankizilahinao sy ny ankizivavinao ary ny Levita izay ao an-tanànanao; ary hifaly eo anatrehan'i Jehovah Andriamanitrao ianao amin'izay rehetra hanin'ny tananao.

La Bible en Malgache

¹⁸ Fa eo anatrehan’NY TOMPO Andriamanitrao no hihinananao azy, dia eo amin’ny tany izay hofidin’NY TOMPO Andriamanitrao, dia ianao, ny zanakao lahy, ny zanakao vavy, ny mpanompolahinao, ny mpanompovavinao, ary ny levita izay ao an-tanànanao; hifaly eo anatrehan’NY TOMPO Andriamanitrao ianao amin’izay rehetra noharìn’ny tananao.

Deoteronomia 12:18 Rohy Ifampitohizana

Salamo 32:11

Mifalia sy miravoravoa amin’i Iaveh ianareo olo-marina, Manaova hobin-kafaliana ianareo mahitsy fo rehetra!

Salamo 68:3

Tahaka ny fisàvan’ny setroka, no andringano an’ireny; tahaka ny fiempon’ny savoka eo amin’ny afo no aoka hahalevona ny ratsy fanahy eo anatrehan’Andriamanitra.

Ohabolana 3:17

Lala-mahafinaritra ny lalany, fiadanana avokoa ny sakeli-dalany rehetra.

Mpitoriteny 3:12

Ary hitako fa tsy misy soa ho azy ireo, mihoatra ny mifaly sy manao izay hiadanany amin’ny andro iainany:

Mpitoriteny 5:18

Fanampin’izany koa, ny olona rehetra mandray vola aman-karena tamin’Andriamanitra hahazoany mihinana sy maka izay anjarany amin’izany ary mifaly amin’ny asany: dia fanomezan’Andriamanitra izany.

Isaia 12:3

Hanovo rano an-kafaliana ianareo amin’ny loharanom-pamonjena, ary izao no holazainareo amin’izany andro izany:

Asan’ny Apostoly 16:34

Dia nentiny nankao an-tranony izy roa lahy, ka norosoany hanina, ary nifaly izy mianakavy rehetra, satria efa nino an’Andriamanitra.

Asan’ny Apostoly 2:46

Nazoto niara-nankao amin’ny Tempoly isan’andro izy rehetra, sy namaky mofo tany an-tranony ary nihinan-kanina tamin-kafaliana sy fahatsoram-po,

1Korintiana 10:31

Koa na mihinana na misotro ianareo, na inona na inona ataonareo, dia ataovy ho voninahitr’Andriamanitra izany rehetra izany.

Galatiana 5:22

Ny vokatry ny Fanahy kosa dia izao: fitiavana, fifaliana, fiadanam-po, fahari-po, hamoram-panahy, hazavam-po, fahalemem-panahy, hatsaram-po, finoana, tsy fivadihana,

Deoteronomia 12:14

fa izay fitoerana izay hofidin’i Iaveh amin’ny fokonao anankiray ihany no hanateranao azy, sy hanaovanao izay rehetra andidiako anao.

Deoteronomia 12:19

Mitandrema tsy hanary ny Levita mandritra ny andro rehetra hahavelomanao ao amin’ny taninao.

Deoteronomia 12:5

fa tadiavo Izy, amin’ny fitoerana izay hofidin’i Iaveh Andriamanitrareo eo amin’ny fokonareo rehetra, mba hametrahany ny Anarany sy hataony fonenany, ka ao amin’io no halehanao.

Deoteronomia 12:7

Ao no hanaovanareo sakafo eo anatrehan’i Iaveh Andriamanitrareo, sy hifalianareo, ianareo sy ny fianakavianareo, noho ny harena rehetra harin-tananareo sy izay nitahian’i Iaveh Andriamanitrareo anareo.

Deoteronomia 14:23

Ary hohaninao eo anatrehan’i Iaveh Andriamanitrao, amin’izay fitoerana hofidiny hamponenany ny Anarany, ny fahafolon’ny varinao, sy ny divainao vaovao sy ny diloilonao, mbamin’ny voalohan-teraky ny omby aman’ondrinao, mba hianaranao hatahotra an’i Iaveh Andriamanitrao mandrakariva.

Deoteronomia 15:20

fa aoka hohaninao sy ny ankohonanao izany isan-taona eo anatrehan’i Iaveh Andriamanitrao any amin’ny fitoerana izay hofidiny,

1Samoela 1:4

Tamin’ny andro nanateran’i Elkanà sorona, dia samy nomeny anjara avy i Finenà vadiny, sy ny zanany lahy aman-janany vavy,