Apokalipsy 6:17 - Baiboly Katolika

¹⁷ fa tonga ny Androm-pahatezerany lehibe, ka iza no mahajanona?»

Baiboly Protestanta Malagasy 2011

¹⁷ fa tonga ny andro lehiben’ny fahatezeran’ireo, koa iza no hahajanona?

DIEM PROTESTANTA

¹⁷ fa tonga ny andro lehibe isehoan’ny hatezeran’Andriamanitra mbamin’ny an’ny Zanakondry, ka iza no mahatanty izany?»

Dikateny Iombonana Eto Madagasikara

¹⁷ fa tonga ny andro lehibe isehoan’ny hatezeran’Andriamanitra mbamin’ny an’ny Zanakondry, ka iza no mahatanty izany?»

Baiboly Protestanta Malagasy

¹⁷ fa tonga ny andro lehiben’ny fahatezeran’ireo, ka iza no mahajanona?

Malagasy Bible

¹⁷ fa tonga ny andro lehiben'ny fahatezeran'ireo, ka iza no mahajanona?

La Bible en Malgache

¹⁷ fa tonga ny andro lehiben’ny fahatezeran’ireo, koa iza no hahajanona?

Apokalipsy 6:17 Rohy Ifampitohizana

Salamo 110:5

Eo ankavananao ny Tompo, handripaka ny mpanjaka Izy amin’ny andron’ny fahatezerany.

Salamo 2:12

Orohy ny Zanaka fandrao tezitra izy; ka ho very any amin’ny lalanareo ianareo; fa vetivety dia hirehitra ny hatezerany. Sambatra izay rehetra matoky Azy.

Salamo 76:7

Vao nanambana Ianao, ry Andriamanitr’i Jakôba, dia nitsatoka tsy nahahetsika ny kalesy aman-tsoavaly.

Isaia 63:4

Satria andro famaliana no tato am-poko; ary efa tonga ny taom-panavotana.

Jeremia 30:7

Loza! fa lehibe izany andro izany, ka tsy misy toa azy! Andro fahoriana ho an’i Jakôba izany, kanefa hoafahana amin’izany izy.

Joela 1:15

ka mitaraina amin’i Iaveh hoe: «Indrisy, ity andro ity! Fa efa antomotra ny andron’i Iaveh! Tamy toy ny fandravana avy amin’ny Tsitoha!»

Joela 2:1

Tsofy ao Siôna ny anjomara; ary ampanenoy ao an-tendrombohitra masina ny trômpetra. Ary aoka hangovitra ny mponina rehetra amin’ny tany, fa tonga ny andron’i Iaveh, fa efa antomotra!

Joela 2:11

Ampandrenesin’i Iaveh ny feony eo amin’ny loha tafiny; fa tsy erany ny haben’ny tobiny, ary mahery fo ny mpanatanteraka ny teniny. Fa lehibe sy mahatahotra indrindra ny andron’i Iaveh, ka zovy no hahatanty an’izany?

Nahoma 1:6

Iza no mahatoetra eo anoloan’ny fahavinirany? Zovy no mahatanty ny firehitry ny fahatezerany? Mitatra toy ny afo ny fahatezerany, ary mitresaka eo anoloany ny vatolampy.

Malakia 3:2

Iza no hahatanty ny andro hiaviany, ary zovy no hahajoro raha miseho Izy? Fa ho tahaka ny afon’ny mpandrendrika Izy sy ho sahala amin’ny pôtasin’ny mpanery lopòtra.

Lioka 21:36

Koa miambena àry, ary mivavaha mandrakariva mba ho mendrika ho afaka amin’izany loza rehetra tsy maintsy tonga izany ianareo, ka hitsangana hiseho eo anatrehan’ny Zanak’olona.»

Romana 2:5

Fahatezeran’Andriamanitra anie no angonin’ny ditranao sy ny fonao tsy mibebaka ho anao, amin’ny andron’ny fahatezerana sy fampisehoana ny fitsarana marin’Andriamanitra e!

Joda 1:6

Ary ny Anjely tsy nahatana ny fiamboniany fa nitsoa-ponenana, dia tanany am-patorana mandrakizay ao anatin’ny haizina, sy tahiriziny ho amin’ny andro fitsarana lehibe.

Apokalipsy 11:18

Nisarongatra ny firenena, fa tonga ny fahatezeranao, sy ny fotoana hitsarana ny maty, mba hanomezana valisoa ny mpanomponao, dia ny mpaminany, sy ny olo-masina mbamin’izay natahotra ny Anaranao, na kely na lehibe, ary mba hamerezana izay nanimba ny tany.»

Apokalipsy 16:14

Fanahin-devoly ireo, ary manao fahagagana sy mankany amin’ny mpanjakan’ny tany rehetra, mba hamory azy ho amin’ilay andro lehiben’Andriamanitra tsitoha. -

1Samoela 6:20

Ary hoy ny olona tao Bety-Samesy: «Iza no ho velona eo anoloan’i Iaveh, dia izany Andriamanitra masina izany? Ary ho any amin’iza no hiakarany, avy eto amintsika?»