Apokalipsy 6:1 - Baiboly Katolika

¹ Ary hitako fa nosokafan’ny Zanak’ondry ny iray tamin’ny tombokase fito; ka reko niteny toy ny kotro-baratra ny iray amin’ny Zava-manana aina efatra, nanao hoe: «Avia hijery.»

Baiboly Protestanta Malagasy 2011

¹ Ary nijery aho, rehefa novahan’ny Zanak’ondry ny iray tamin’ny tombo-kase fito, ary reko ny iray tamin’ny zavamananaina efatra niteny tahaka ny fikotrokotroky ny kotrokorana hoe: Avia!

DIEM PROTESTANTA

¹ Ary izao no hitako. Rehefa novahan’ny Zanakondry ny voalohany tamin’ireo tombokase fito, dia reko niteny mafy toy ny kotro-baratra ny anankiray tamin’ny zava-miaina efatra, nanao hoe: Avia!

Dikateny Iombonana Eto Madagasikara

¹ Ary izao no hitako. Rehefa novahan’ny Zanakondry ny voalohany tamin’ireo tombokase fito, dia reko niteny mafy toy ny kotro-baratra ny anankiray tamin’ny zava-miaina efatra, nanao hoe: Avia!

Baiboly Protestanta Malagasy

¹ ARY nahita aho, rehefa novahan’ny Zanak’ondry ny anankiray tamin’ny tombo-kase fito, ary reko ny anankiray tamin’ny zava-manan-aina efatra, tahaka ny fikotrokotroky ny kotrokorana, nanao hoe: Avia.

Malagasy Bible

¹ Ary nahita aho, rehefa novahan'ny Zanak'ondry ny anankiray tamin'ny tombo-kase fito, ary reko ny anankiray tamin'ny zava-manan'aina efatra, tahaka ny fikotrokotroky ny kotrokorana, nanao hoe: Avia.

La Bible en Malgache

¹ Ary nijery aho, rehefa novahan’ny Zanak’ondry ny iray tamin’ny tombo-kase fito, ary reko ny iray tamin’ny zavamananaina efatra niteny tahaka ny fikotrokotroky ny kotrokorana hoe: Avia!

Apokalipsy 6:1 Rohy Ifampitohizana

Jaona 1:29

Nony ampitso, nahita an’i Jesoa nanatona azy i Joany, ka hoy izy: «Indro ny Zanak’ondrin’Andriamanitra; indro Ilay manala ny fahotan’ny olona.

Asan’ny Apostoly 4:20

fa raha izahay, dia tsy azonay atao akory ny tsy hilaza izay efa hitanay sy renay.»

Apokalipsy 11:19

Dia novohaina ny Tempolin’Andriamanitra any an-danitra, ka niseho teo anatin’ny Tempoliny ny fiaran’ny fanekena; ary nisy tselatra sy tabataba ary kotro-baratra sy horohoron-tany mbamin’ny havandra vaventy.

Apokalipsy 13:8

Dia hitsaoka azy ny mponina eto an-tany rehetra, izay tsy mba voasoratra anarana teo amin’ny bokin’ny fiainan’ny Zanak’ondry, Ilay voavono hatramin’ny nanorenana izao tontolo izao.

Apokalipsy 14:2

Dia nandre feo avy any an-danitra aho, tahaka ny firohondrohon’ny ranobe sy ny feon-kotro-baratra mafy; ary ny feony izay reko dia toy ny kônsertry ny mpitendry harpa mitendry harpa.

Apokalipsy 19:6

Ary nisy hoatra ny feon’olona marobe, sy tahaka ny firohondrohon’ny ranobe, ary sahala amin’ny fikotrokotroky ny kotro-baratra mafy, reko nanao hoe: «Aleloia! fa ny Tompo Andriamanitsika tsitoha no manjaka.

Apokalipsy 4:8

Samy nanana elatra enina avy ireo Zava-manana aina efatra ireo, feno maso ny manodidina ny tenany sy ny tao anatiny, ary tsy nitsahatra izy ireo, fa nilaza andro aman’alina hoe: Masina, masina, masina ny Tompo Andriamanitra, mahefa ny zavatra rehetra, izay taloha sy ankehitriny ary ho avy.

Apokalipsy 5:1

Ary indro, hitako teny an-tanana ankavanan’Ilay mipetraka eo amin’ny seza fiandrianana boky voasoratra tao anatiny sy teo ivelany, voaisy tombokase fito.

Apokalipsy 5:12

nanao tamim-peo mahery hoe: «Ny Zanak’ondry izay voavono no mendrika handray ny fahefana, ny harena, ny fahendrena, ny hery, ny haja, ny voninahitra, ary ny saotra.»

Apokalipsy 5:8

Nony nandray ny boky Izy; dia niankohoka teo anoloan’ny Zanak’ondry ny Zava-manana aina efatra sy ny Anti-dahy efatra amby roapolo, izay samy nanana lokanga sy lovia volamena feno zava-manitra, dia ny fivavahan’ny olo-masina izany.

Apokalipsy 6:3

Nony nosokafany ny tombokase faharoa, dia reko ny zava-manana aina faharoa nanao hoe: «Avia hijery.»

Apokalipsy 6:5

Nony nosokafany ny tombokase fahatelo, dia reko ny Zava-manana aina fahatelo nanao hoe: «Avia hijery.» Dia nijery aho, ka indro nisy soavaly mainty, ary ilay nitaingina azy dia nitana mizàna teny an-tanany.

Apokalipsy 6:7

Nony nosokafany ny tombokase fahefatra, dia reko ny feon’ny Zava-manana aina fahefatra, nanao hoe: «Avia hijery.»

Apokalipsy 8:1

Nony nosokafan’ny Zanak’ondry ny tombokase fahafito, dia nisy fanginana sahabo ho antsasak’adiny tany an-danitra.