Apokalipsy 21:12 - Baiboly Katolika

¹² Sady avo no lehibe ny mandany, ary roa ambin’ny folo ny vavahadiny; nisy Anjely roa ambin’ny folo tamin’ireo vavahady ireo, ary nisy anarana voasoratra koa, dia ny anaran’ny foko roa ambin’ny folon’ny zanak’i Israely.

Baiboly Protestanta Malagasy 2011

¹² Manana manda lehibe sady avo sy vavahady roa amby folo izy, ary eo amin’ny vavahady dia misy anjely roa amby folo, ary misy anarana voasoratra eo, dia ny an’ny foko roa amby folo amin’ny Zanak’Israely:

DIEM PROTESTANTA

¹² Nanana manda matevina sady avo izy, ary koa nanana vavahady 12; ka tamin’ireo vavahady ireo dia nisy anjely 12 sady nisy anarana voasoratra, dia ny anaran’ny foko 12 amin’ny Israelita:

Dikateny Iombonana Eto Madagasikara

¹² Nanana manda matevina sady avo izy, ary koa nanana vavahady 12; ka tamin’ireo vavahady ireo dia nisy anjely 12 sady nisy anarana voasoratra, dia ny anaran’ny foko 12 amin’ny Israelita:

Baiboly Protestanta Malagasy

¹² ary manana mànda lehibe sady avo sy vavahady roa ambin’ny folo izy, ary eo amin’ny vavahady dia misy anjely roa ambin’ny folo, ary misy anarana voasoratra eo, dia ny an’ny firenena roa ambin’ny folo amin’ny Zanak’Isiraely;

Malagasy Bible

¹² ary manana mànda lehibe sady avo sy vavahady roa ambin'ny folo izy, ary eo amin'ny vavahady dia misy anjely roa ambin'ny folo, ary misy anarana voasoratra eo, dia ny an'ny firenena roa ambin'ny folo amin'ny Zanak'isiraely;

La Bible en Malgache

¹² Manana manda lehibe sady avo sy vavahady roa amby folo izy, ary eo amin’ny vavahady dia misy anjely roa amby folo, ary misy anarana voasoratra eo, dia ny an’ny foko roa amby folo amin’ny Zanak’Israely:

Apokalipsy 21:12 Rohy Ifampitohizana

2Tantara 9:19

ary liona 12 teo amin’ny ambaratonga enina, dia enina an-daniny avy. Tsy mbola nisy zavatra vita toy izany, tany amin’ny fanjakana hafa rehetra.

Ezra 9:9

Fa andevo izahay, nefa tsy nahafoy anay tao anatin’ny fahandevozanay ny Andriamanitray. Nitarika ireo mpanjakan’i Persa hanisy soa anay Izy hamelombelona ny ainay, mba hanaovanay ny tranon’Andriamanitray sy hamboaranay ny rava eo, dia hanomezany anay fonenana voafefy amin’i Jodà sy i Jerosalema.

Nehemia 12:27

Nony nitokanana ny mandan’i Jerosalema dia nantsoina tany amin’izay fitoerana nonenany rehetra tany, ny Levita, nasaina tonga any Jerosalema hanao ny fitokanana amin-kafaliana, amin’ny hira amam-piderana, amin’ny feon-kipantsona sy valiha ary harpa.

Salamo 122:7

Hanjaka ao anatin’ny mandanao anie ny fiadanana, ary ao an-dapanao ny fanambinana.

Salamo 51:18

Tsy sitrakao ny sorona, - fa homeko raha tianao izany; tsy mahafaly Anao ny sorona dorana.

Eksodosy 28:21

Hifanisa amin’ny anaran’ny zanak’i Israely ny vatosoa, dia roa ambin’ny folo araka ny anaran’izy ireo; ho voasikotra toy ny fanombohan-kase, samy misy ny anarany avy araka ny foko roa ambin’ny folo.

Isaia 54:12

hataoko vato tsy leon-doza ny nongonongo-mandanao, eskarbokla ny vavahadinao, ary vatosoa avokoa ny manda manodidina anao.

Isaia 60:18

Tsy ho re eo amin’ny taninao intsony izay hoe fampahoriana; na izay hoe fandravana amam-pandringanana, eo amin’ny faritaninao; ny mandanao antsoina hoe: i Famonjena, ary ny vavahadinao: i Fiderana.

Matio 18:10

Tandremo sao ataonareo tsinontsinona na dia ny anankiray amin’ireny madinika ireny aza; fa lazaiko aminareo fa ny Anjelin’izy ireny any an-danitra dia mahita lalandava ny tarehin’ny Raiko izay any an-danitra.

Lioka 15:10

Toy izany koa lazaiko aminareo, fa hisy hafaliana lehibe eo anatrehan’ny Anjelin’Andriamanitra raha misy mpanota iray mibebaka.»

Lioka 16:22

Ary maty ilay mahantra ka nentin’ny Anjely tany an-tratran’i Abrahama; dia maty koa ilay mpanan-karena ka nalevina.

Asan’ny Apostoly 26:7

dia ny fanantenana andrandrain’ny fokonay roa ambin’ny folo manompo an’Andriamanitra andro aman’alina. Izany fanantenana izany no itsarana ahy, ry mpanjaka.

Hebreo 1:14

Moa tsy fanahy manompo va izy rehetra, nirahina hanao fanompoana ho an’izay handova ny famonjena?

Apokalipsy 21:13

Vavahady telo no eo atsinanana, vavahady telo no eo avaratra, vavahady telo no eo atsimo, vavahady telo no eo andrefana.

Apokalipsy 21:15

Nitondra volotara volamena fandrefesana ilay niteny tamiko, mba handrefesany ny tanàna sy ny vavahadiny ary ny mandany.

Apokalipsy 21:25

Tsy hihidy ny vavahadiny isan’andro, fa ny alina tsy mba hisy ao aminy.

Apokalipsy 22:14

Sambatra izay manasa ny akanjony amin’ny Ran’ny Zanak’ondry, mba hananany fahefana amin’ny hazon’aina, sy hidirany amin’ny vavahady ho ao an-tanàna.