Apokalipsy 14:3 - Baiboly Katolika

³ Nihira toa hira vaovao izy ireo, teo anoloan’ny seza fiandrianana sy ny Zava-manana aina efatra ary teo anatrehan’ireo Anti-dahy; ka tsy nisy nahazo nanao izany hira izany, afa-tsy izy 144.000 ireo, izay navotana ho afaka amin’ny tany.

Baiboly Protestanta Malagasy 2011

³ Ary mihira toa tononkira vaovao eo anoloan’ny sezafiandrianana sy eo anatrehan’ny zavamananaina efatra sy ny loholona izy. Tsy nisy afaka nianatra izany tononkira izany, afa-tsy ny efatra arivo sy efatra alina sy iray hetsy izay navotana niala tamin’ny tany.

DIEM PROTESTANTA

³ Ireo olona 144 000 ireo dia niventy toa hira vaovao teo anoloan’ny sezafiandrianana sy teo anatrehan’ireo zava-miaina efatra ary teo anatrehan’ireo loholona; ka tsy nisy nahay nianatra izany hira izany, afa-tsy ireo olona 144 000 izay efa navotana niala tamin’ny tany.

Dikateny Iombonana Eto Madagasikara

³ Ireo olona 144 000 ireo dia niventy toa hira vaovao teo anoloan’ny sezafiandrianana sy teo anatrehan’ireo zava-miaina efatra ary teo anatrehan’ireo loholona; ka tsy nisy nahay nianatra izany hira izany, afa-tsy ireo olona 144 000 izay efa navotana niala tamin’ny tany.

Baiboly Protestanta Malagasy

³ Ary mihira toa tonon-kira vaovao eo anoloan’ny seza fiandrianana sy eo anatrehan’ny zava-manan-aina efatra sy ny loholona izy; ary tsy nisy nahay nianatra izany fihirana izany, afa-tsy ny efatra arivo amby efatra alina sy iray hetsy izay navotana niala tamin’ny tany.

Malagasy Bible

³ Ary mihira toa tonon-kira vaovao eo anoloan'ny seza fiandrianana sy eo anatrehan'ny zava-manan'aina efatra sy ny loholona izy; ary tsy nisy nahay nianatra izany fihirana izany, afa-tsy ny efatra arivo amby efatra alina sy iray hetsy izay navotana niala tamin'ny tany.

La Bible en Malgache

³ Ary mihira toa tononkira vaovao eo anoloan’ny sezafiandrianana sy eo anatrehan’ny zavamananaina efatra sy ny loholona izy. Tsy nisy afaka nianatra izany tononkira izany, afa-tsy ny efatra arivo sy efatra alina sy iray hetsy izay navotana niala tamin’ny tany.

Apokalipsy 14:3 Rohy Ifampitohizana

Salamo 144:9

Andriamanitra, hihira fihiram-baovao ho Anao aho, hankalaza Anao amin’ny valiha tory folo aho.

Salamo 149:1

Mihirà fihiram-baovao ho an’i Iaveh: hanakoako eo amin’ny fiangonan’ny olo-masina anie ny fiderana Azy!

Salamo 25:14

Ny fifankazarana amin’i Iaveh dia anjaran’ny matahotra Azy. Hampahafantariny azy ny fanambinana avy amin’ny fanekem-pihavanany.

Salamo 33:3

Mihirà fihiram-baovao ho voninahiny; ampiaraho amim-pahaizana amin’ny zava-maneno ny feonareo.

Salamo 40:3

Notsoahany tamin’ny lavaka fahaverezana aho, sy tamin’ny fotaka mandrevo; najorony tamin’ny vatolampy ny tongotro, nataony matotra ny diako.

Salamo 96:1

Mihirà fihiram-baovao ho an’i Iaveh! Mihirà ho an’i Iaveh ianareo monina amin’ny tany rehetra.

Salamo 98:1

Salamo. Mihirà fihiram-baovao ho an’i Iaveh, fa nanao fahagagana Izy. Ny tanany ankavanana sy ny sandriny masina no nahazoany ny fandresena.

Isaia 42:10

Mihirà fihiram-baovao ho an’i Iaveh; sy fiderana Azy, hatramin’ny faran’ny tany, ianareo miantsambo amin’ny ranomasina sy monina ao aminy, ianareo, nosy, mbamin’ireo mponina aminareo!

1Korintiana 1:18

Fa hadalana ny fampianarana ny amin’ny Hazofijaliana ho an’izay very, ary herin’Andriamanitra kosa izany amintsika voavonjy,

1Korintiana 2:14

Tsy azon’ny olona ara-batana anefa ny zavatra avy amin’ny Fanahin’Andriamanitra; ataony ho fahadalana izany, fa tsy hainy fantarina velively, satria amin’ny Fanahy no hany amantarana izany.

Apokalipsy 14:1

Nijery indray aho, ka indro nitsangana teo an-tendrombohitr’i Siôna ny Zanak’ondry; olona 144.000 no nanaraka Azy, ary voasoratra teo an-kandrin’ireo ny Anarany sy ny Anaran-dRainy.

Apokalipsy 15:3

Ny hiran’i Môizy mpanompon’Andriamanitra sy ny hiran’ny Zanak’ondry no nohirain’izy ireo, ka hoy izy: «Lehibe sy mahagaga ny asanao, ry Tompo, Andriamanitra tsitoha! Marina sy mahitsy ny lalànao, ry Mpanjakan’ny taona mandrakizay!

Apokalipsy 2:17

Izay manan-tsofina aoka hihaino ny lazain’ny Fanahy amin’ny Eglizy. Izay mandresy dia homeko mana miafina, sady homeko vato fotsy misy anaram-baovao voasoratra tsy misy mahalala afa-tsy izay mandray azy ihany.

Apokalipsy 5:9

Ary nanao hira vaovao izy ireo nanao hoe: «Ianao no mendrika handray ny boky sy hamaha ny tombokaseny. Fa voavono Ianao, ka ny Ranao no nanavotanao ho an’Andriamanitra ny fokom-pirenena rehetra sy ny samy hafa fiteny, mbamin’ny fanjakana sy ny firenena rehetra.

Apokalipsy 7:4

Ary reko ny isan’izay voaisy fitomboka tamin’ny fokon’i Israely rehetra, ka 144.000 izy: