Amosa 1:2 - Baiboly Katolika

² Hierona avy ao Siôna i Iaveh; ary hampandre ny feony avy ao Jerosalema Izy; ny tany fiandrasan’ny mpiandry ondry, hisaona; ary ny tampon’i Karmela, ho maina.

Baiboly Protestanta Malagasy 2011

² Hoy izy: Avy ao Ziona NY TOMPO no mierona, ary avy ao Jerosalema Izy no mampikotroka ny feony. Misaona ny saha fiandrasana ondry ary maina ny tampon’i Karmela.

DIEM PROTESTANTA

² Hoy i Hamôsa hoe: Avy ao Tsiôna ny TOMPO no manerona ary avy ao Jerosalema Izy no manandra-peo. Dia malahelo ny saha fiandrasana biby fiompy ary maina ny tampon’i Karmela.

Dikateny Iombonana Eto Madagasikara

² Hoy i Hamôsa hoe: Avy ao Tsiôna ny TOMPO no manerona ary avy ao Jerosalema Izy no manandra-peo. Dia malahelo ny saha fiandrasana biby fiompy ary maina ny tampon’i Karmela.

Baiboly Protestanta Malagasy

² ARY hoy izy: Jehovah mierona ao Ziona Ary mampikotroka any Jerosalema; Ny saha fiandrasana ondry dia mitomany Ary maina ny tampon’i Karmela.

Malagasy Bible

² Ary hoy izy: Jehovah mierona ao Ziona ary mampikotroka any Jerosalema; Ny saha fiandrasana ondry dia mitomany ary maina ny tampon'i Karmela.

La Bible en Malgache

² Hoy izy: Avy ao Ziona NY TOMPO no mierona, ary avy ao Jerosalema Izy no mampikotroka ny feony. Misaona ny saha fiandrasana ondry ary maina ny tampon’i Karmela.

Amosa 1:2 Rohy Ifampitohizana

Salamo 29:4

Mafy ny feon’i Iaveh; be voninahitra ny feon’i Iaveh.

Salamo 46:6

Andriamanitra no ao afovoany, ka tsy azo hozongozonina Izy; vao mazava atsinanana ny andro dia tonga hamonjy azy Andriamanitra.

Ohabolana 20:2

Sahala amin’ny fieron’ny liona ny fampitahorana avy amin’ny mpanjaka; ka manota amin’ny tenany izay mampahatezitra azy.

Isaia 33:9

Misaona sy milofika ny tany; menatra sy malazo i Libàna, zary sahala amin’i Arabah i Sarôna, manintsan-dravina i Basàna sy i Karmely.

Isaia 35:2

ary hamony tahaka ny narsisa; hirakotra voninkazo sy hientan-kafaliana ary hanao hoby firavoravoana izy. Homena azy ny voninahitr’i Libàna mbamin’ny hakanton’i Karmely sy i Sarôna. Izy ireo hahita ny voninahitr’i Iaveh, sy ny famirapiratan’ny Andriamanitsika.

Isaia 42:13

Fa mivoaka i Iaveh toy ny lehilahy mahery; mamoha ny firehetam-pony, toy ny mpiady, mandefa akoran’ady, akora mikotrokotroka; manampatra ny heriny, handresy ny fahavalony.

Jeremia 12:4

Mandra-pahoviana no hisaonan’ny tany, sy hahalazo ny ahitra eo amin’ny saha rehetra? Noho ny haratsian’izay monina eo dia maty avokoa ny biby amam-borona, fa hoy izy ireo: «Tsy hahita ny hiafarantsika izy!»

Jeremia 14:2

«Misaona i Jodà, miferinaina ny vavahadiny, mandry amin’ny tany izy efa rera-po, ary miakatra ny fitarainan’i Jerosalema.

Jeremia 25:30

Ary ianao haminany izany zavatra rehetra izany amin’izy ireo, ka hilaza aminy hoe: «Mitrena any ambony i Iaveh nampikotrokotroka ny feony izy any amin’ny fonenany masina, mitrena mafy mamely ny taniny; akoran’ny mpioty voaloboka no alefany, manohitra ny mponina rehetra amin’ny tany.

Jeremia 28:8

Ireo mpaminany teo alohanao sy talohako, hatramin’ny andro ela, dia efa naminany ady sy loza ary pesta, ho amin’ny tany maro amam-panjakana lehibe

Jeremia 50:19

Dia hampodiko ho any amin’ny fonenany indray i Israely ka hiraotra eny Karmela sy eny Basàna izy; ary eny an-tendrombohitr’i Efraima sy i Galaada, izy no handeha hivoky.

Hosea 11:10

Hanaraka an’i Iaveh izy ireo; hierona toy ny liona Izy, ka rehefa mierona Izy dia hidodododo avy any Andrefana amin-kovitra ireo zanany.

Hosea 13:8

Hiantoraka aminy toy ny orsa very anaka Aho, handriatra ny sarom-pony Aho ary handrapaka azy eo, toy ny liom-bavy; ny biby any an-tsaha hamotipotika azy.

Joela 1:19

Mitaraina aminao aho, Iaveh ô, fa levon’ny afo ny kijana an’efitra, voadoron’ny lelafo ny hazo rehetra any an-tsaha.

Joela 2:11

Ampandrenesin’i Iaveh ny feony eo amin’ny loha tafiny; fa tsy erany ny haben’ny tobiny, ary mahery fo ny mpanatanteraka ny teniny. Fa lehibe sy mahatahotra indrindra ny andron’i Iaveh, ka zovy no hahatanty an’izany?

Amosa 9:3

Raha miery any an-tampon’i Karmela izy, hotadiaviko any, sy halaiko ihany; ary raha miafina ny masoko any anaty ranomasina izy, hodidiako hanaikitra azy any ny bibilava.

Nahoma 1:4

Mandrahona ny ranomasina izy dia ataony maina; ary ataony ritra ny ony rehetra. Malazo i Basàna sy i Karmely, malazo koa ny zava-manirin’i Libàna.

1Samoela 25:2

Tany Maona nisy lehilahy anankiray, ary tany Karmela ny fananany. Mpanan-karem-be izy: telo arivo ny ondriny ary arivo ny osiny, ary tao Karmela izy tamin’izay noho ny fanetezana ny ondriny.