2Mpanjaka 22:2 - Baiboly Katolika

² Nanao izay mahitsy teo imason’i Iaveh izy, ary nandeha tamin’izay rehetra nalehan’i Davida rainy, sady tsy nivily na ho amin’ny ankavanana na ho amin’ny ankavia.

Baiboly Protestanta Malagasy 2011

² Nanao izay mahitsy teo imason’NY TOMPO izy ka nandeha tamin’izay rehetra nalehan’i Davida rainy fa tsy mba nivily na ho amin’ny ankavanana na ho amin’ny ankavia.

DIEM PROTESTANTA

² Nanao izay mahitsy eo imason’ny TOMPO i Jôsià; ka narahiny avokoa ny toetran’i Davida razambeny fa tsy mba nivily hiala tamin’izany izy.

Dikateny Iombonana Eto Madagasikara

² Nanao izay mahitsy eo imason’ny TOMPO i Jôsià; ka narahiny avokoa ny toetran’i Davida razambeny fa tsy mba nivily hiala tamin’izany izy.

Baiboly Protestanta Malagasy

² Ary nanao izay mahitsy eo imason’i Jehovah kosa izy ka nandeha tamin’izay rehetra nalehan’i Davida rainy, fa tsy mba nivily, na ho amin’ny ankavanana, na ho amin’ny ankavia.

Malagasy Bible

² Ary nanao izay mahitsy eo imason'i Jehovah kosa izy ka nandeha tamin'izay rehetra nalehan'i Davida rainy, fa tsy mba nivily, na ho amin'ny ankavanana, na ho amin'ny ankavia.

La Bible en Malgache

² Nanao izay mahitsy teo imason’NY TOMPO izy ka nandeha tamin’izay rehetra nalehan’i Davida rainy fa tsy mba nivily na ho amin’ny ankavanana na ho amin’ny ankavia.

2Mpanjaka 22:2 Rohy Ifampitohizana

1Mpanjaka 11:38

Raha manaraka izay rehetra andidiako anao ianao, ka mandeha amin’ny lalako, sy manao izay mahitsy eo imasoko, mitandrina ny lalàna aman-didiko, tahaka ny nataon’i Davida mpanompoko, dia homba anao Aho, hanao trano maharitra ho anao, tahaka ny nataoko tamin’i Davida Mpanompoko ary homeko anao i Israely.

1Mpanjaka 15:11

Nanao izay mahitsy eo imason’i Iaveh tahaka an’i Davida rainy i Asà.

1Mpanjaka 15:5

Satria i Davida nanao izay mahitsy teo imason’i Iaveh fa tsy mba nivily tamin’ny didy rehetra azony taminy, nandritra ny andro rehetra niainany, afa-tsy tamin’ny raharahan’i Oria, Heteanina, ihany.

1Mpanjaka 3:6

Dia hoy ny navalin’i Salômôna: «Efa naneho fitiavana lehibe tamin’i Davida mpanomponao raiko Ianao, araka ny nandehanany teo anatrehanao, tamin’ny tsy fivadihana, sy fahamarinana, ary fahitsiam-po taminao; notohizinao izany fitiavana lehibe izany, ka nomenao zanaka lahy izay mipetraka eo amin’ny seza fiandrianany izy, araka izao hita izao.

2Mpanjaka 12:3

Nanao izay mahitsy eo imason’i Iaveh i Jôasa tamin’ny andro rehetra nanoloran’i Joiadà mpisorona fampianarana azy.

2Mpanjaka 14:3

Nanao izay mahitsy eo imason’i Iaveh izy, nefa tsy dia tahaka an’i Davida rainy, fa tahaka izay rehetra nataon’i Jôasa rainy ihany no nataony.

2Mpanjaka 16:2

Roapolo taona i Akaza fony vao nanjaka, ary 16 taona no nanjakany tao Jerosalema. Tsy mba nanao izay mahitsy eo imason’i Iaveh Andriamaniny tahaka an’i Davida rainy izy;

2Mpanjaka 18:3

Nanao izay mahitsy eo imason’i Iaveh izy, araka izay rehetra nataon’i Davida rainy.

2Tantara 17:3

Nomban’i Iaveh i Jôsafata fa nandeha tamin’ny lalana voalohany nalehan’i Davida rainy; tsy nikatsaka an’ireo Baala izy

2Tantara 29:2

Nanao izay mahitsy eo imason’i Iaveh toy izay rehetra nataon’i Davida rainy izy.

2Tantara 31:20

Toy izany no nataon’i Ezekiasa, eran’i Jodà rehetra; nanao izay tsara sy mahitsy ary marina eo anatrehan’i Iaveh Andriamaniny izy.

2Tantara 34:1

Valo taona i Josiasa fony vao nanjaka, ary 31 taona no nanjakany tao Jerosalema.

Ohabolana 20:11

Ny zaza dia efa maneho amin’ny fanaony sahady, na ho madio sy mahitsy ny asany, na hanao ahoana.

Ohabolana 4:27

Aza mivily miankavanana na miankavia; ary esory amin’ny ratsy ny tongotrao.

Zefania 1:1

Ny tenin’i Iaveh izay natao tamin’i Sôfônia, zanak’i Kozì, zanak’i Godoliasa, zanak’i Amariaza, zanak’i Ezekiasa, tamin’ny andron’i Josiasa, zanak’i Amôna, mpanjakan’i Jodà.

Josoa 1:7

Fa matanjaha kosa ary mahereza fo tokoa, sady mitandrema tsara mba hanao araka ny lalàna rehetra nandidian’i Môizy mpanompoko anao. Aza mivily amin’izay na ho amin’ny ankavanana na ho amin’ny ankavia, mba hahomby ianao amin’izay rehetra hataonao.