2Mpanjaka 2:16 - Baiboly Katolika

¹⁶ ary nanao taminy hoe: «Indro dimampolo lahy mahery fo eto amin’ny mpanomponao, ka aoka handeha hitady ny tomponao izy ireo, fa angamba nofaohin’ny fanahin’i Iaveh izy ka natsipiny any amin’ny tendrombohitra anankiray.» Fa hoy ny navaliny: «Aza maniraka ianareo.»

Baiboly Protestanta Malagasy 2011

¹⁶ Ary hoy ireo taminy: Indro, misy dimampolo lahy matanjaka ato amin’ny mpanomponao. Miangavy anao izahay, aoka handeha hitady ny tomponao ireo, sao noentin’ny Fanahin’NY TOMPO izy ka nazerany any an-tendrombohitra any, na any an-dohasaha any. Fa hoy i Elisa: Aza maniraka azy ianareo!

DIEM PROTESTANTA

¹⁶ ary nanao taminy hoe: –Manana lehilahy maherifo dimampolo izahay mpanomponao; koa aoka ireo handeha hitady ity mpampianatrao, fandrao naingain’ny Fanahin’ny TOMPO izy, ka nazerany any an-tendrombohitra na any an-dohasaha any. Fa notenenin’i Elisà ny andia-mpaminany mba tsy haniraka.

Dikateny Iombonana Eto Madagasikara

¹⁶ ary nanao taminy hoe: –Manana lehilahy maherifo dimampolo izahay mpanomponao; koa aoka ireo handeha hitady ity mpampianatrao, fandrao naingain’ny Fanahin’ny TOMPO izy, ka nazerany any an-tendrombohitra na any an-dohasaha any. Fa notenenin’i Elisà ny andia-mpaminany mba tsy haniraka.

Baiboly Protestanta Malagasy

¹⁶ Dia hoy ireo taminy: Indro, misy dimam-polo lahy matanjaka ato amin’ny mpanomponao; masìna hianao, aoka handeha hitady ny tomponao ireo, fandrao naingain’ny Fanahin’i Jehovah izy ka nazerany any an-tendrombohitra anankiray, na any an-dohasaha anankiray. Fa hoy izy: Aza maniraka hianareo.

Malagasy Bible

¹⁶ Dia hoy ireo taminy: Indro, misy dimam-polo lahy matanjaka ato amin'ny mpanomponao; masìna ianao, aoka handeha hitady ny tomponao ireo, fandrao naingain'ny Fanahin'i Jehovah izy ka nazerany any an-tendrombohitra anankiray, na any an-dohasaha anankiray. Fa hoy izy: Aza maniraka ianareo.

La Bible en Malgache

¹⁶ Ary hoy ireo taminy: Indro, misy dimampolo lahy matanjaka ato amin’ny mpanomponao. Miangavy anao izahay, aoka handeha hitady ny tomponao ireo, sao noentin’ny Fanahin’NY TOMPO izy ka nazerany any an-tendrombohitra any, na any an-dohasaha any. Fa hoy i Elisa: Aza maniraka azy ianareo!

2Mpanjaka 2:16 Rohy Ifampitohizana

1Mpanjaka 18:12

Ary rehefa handao anao aho izao, dia hoentin’ny Fanahin’i Iaveh ianao any amin’izay tsy fantatro, dia izaho hampandre an’i Akaba, nefa ianao tsy ho hitany, ka hovonoiny ho faty aho. Hatry ny fony kely anefa ny mpanomponao no efa natahotra an’i Iaveh.

2Mpanjaka 2:7

Nisy dimampolo lahy tamin’ny zanaky ny mpaminany nanaraka azy, ary nipetraka eny lavitra eny tandrify azy, ary izy roa lahy dia nijanona teo amoron’i Jordany.

Ezekiela 11:24

Ary naingain’ny Fanahy aho, ka nentiny ho any amin’ireo babo any Kaldea, tamin’ny fahitana, tamin’ny Fanahin’Andriamanitra. Dia lasa niala teo anatrehako ny fahitana efa hitako;

Ezekiela 3:14

Nofaohin’ny Fanahy sy nentiny aho, ka lasa; fangidiana amam-pisafoahana no tao amin’ny fanahiko; ary ny tanan’i Iaveh nihazona ahy mafy.

Ezekiela 40:2

Tamin’ny fahitana avy amin’Andriamanitra no itondrany ahy, ho any amin’ny tanin’i Israely, dia napetrany teo amin’ny tendrombohitra anankiray avo dia avo; ary nisy hoatra ny tanàna naorina eo amin’ny ilany atsimo amin’izany tendrombohitra izany.

Ezekiela 8:3

Nisy tarehin-tanana natsotrany, dia noraisiny tamin’ny volondohako miolikolika aho, ka naingain’ny Fanahy ho eny anelanelan’ny tany aman-danitra, sy nentiny, tamin’ny fahitana avy amin’Andriamanitra, ho any Jerosalema, teo anoloan’ny vavahady anatiny, ilay nitodika mianavaratra, misy ny sampin’ny fialonana, mamelona fialonana.

Asan’ny Apostoly 8:39

Nony niakatra avy teo amin’ny rano izy ireo, nentin’ny Fanahin’ny Tompo i Filipo, ka tsy hitany intsony, fa nizotra ny lalany an-kafaliana izy.