2Mpanjaka 17:35 - Baiboly Katolika

³⁵ Sady nanaovan’i Iaveh fanekem-pihavanana izy ireo, nomeny didy hoe: «Aza matahotra andriamani-kafa na miankohoka eo anatrehany, na manompo ireny, na manatitra sorona amin’ireny.

Baiboly Protestanta Malagasy 2011

³⁵ sady nanaovany fanekena sy nomeny didy hoe: Aza matahotra izay andriamanitra hafa, na miankohoka eo anatrehany, na manompo azy, na mamono zavatra ho fanatitra ho azy;

DIEM PROTESTANTA

³⁵ Rehefa nanao fanekempihavanana taminy manko ny TOMPO, dia nanome azy izao didy izao hoe: Aza manaja ny andriamani-kafa; aza miankohoka aminy ary aza manompo azy na manao sorona aminy.

Dikateny Iombonana Eto Madagasikara

³⁵ Rehefa nanao fanekempihavanana taminy manko ny TOMPO, dia nanome azy izao didy izao hoe: Aza manaja ny andriamani-kafa; aza miankohoka aminy ary aza manompo azy na manao sorona aminy.

Baiboly Protestanta Malagasy

³⁵ sady nanaovany fanekena sy nodidiany hoe: Aza matahotra izay andriamani-kafa, na miankohoka eo anatrehany, na manompo azy, na mamono zavatra hatao fanatitra ho azy;

Malagasy Bible

³⁵ Sady nanaovany fanekena sy nodidiany hoe: Aza matahotra izay andriamani-kafa, na miankohoka eo anatrehany, na manompo azy, na namono zavatra hatao fanaritra ho azy;

La Bible en Malgache

³⁵ sady nanaovany fanekena sy nomeny didy hoe: Aza matahotra izay andriamanitra hafa, na miankohoka eo anatrehany, na manompo azy, na mamono zavatra ho fanatitra ho azy;

2Mpanjaka 17:35 Rohy Ifampitohizana

2Mpanjaka 17:15

Nolaviny ny lalàny amam-panekempihavanana nataony tamin’ireo razany mbamin’ny teny vavolombelona niampangany azy ireo. Nandeha nanaraka zavatra tsinontsinona izy, ka niraiki-po tamin’ny zava-poana, tahaka ireo firenena manodidina azy, izay noraran’i Iaveh tsy halainy tahaka.

Eksodosy 20:3

Tsy hanana andriamani-kafa eo anatrehako ianao.

Jeremia 10:5

Sahala amin’ny andry voavaofy tamin’ny milina fandrafetana ireny andriamanitra ireny ka entin’olona, fa tsy afa-mandeha. Aza matahotra an’ireny, fa tsy mahay manisy ratsy izy; ary indrindra koa tsy mahay manisy soa.»

Jeremia 25:6

Aza mandeha manaraka andriamani-kafa, mba hanompo azy sy hivavaka aminy; ary aza mampahatezitra Ahy amin’ny asan-tananareo, dia tsy hampidi-doza aminareo akory Aho.

Deoteronomia 5:2

Nanao fanekena tamintsika i Iaveh Andriamanitsika tany Horeba.

Deoteronomia 5:9

Aza miankohoka eo anatrehany na manompo azy, fa Izaho Iaveh Andriamanitrao, dia Andriamanitra saro-piaro, ka mamaly ny heloky ny ray amin’ny zanaka, hatramin’ny taranaka fahatelo sy fahefatra, amin’izay mankahala Ahy;

Deoteronomia 6:14

«Aza manaraka andriamani-kafa, amin’izay andriamanitry ny firenena hanodidina anareo.

Josoa 23:16

Raha mandika ny faneken’i Iaveh Andriamanitrareo izay nandidiany anareo ianareo ka mandeha manompo andriamani-kafa sy miankohoka eo anoloan’ireny dia hirehitra aminareo ny fahatezeran’i Iaveh, ka vetivety dia ho lany ringana tsy ho eo amin’ny tany soa nomeny anareo ianareo.

Josoa 23:7

aza miharo amin’ireo firenena izay mbola tavela eo aminareo, aza miantso ny anaran’izay andriamanitr’ireo na mianiana na miankohoka eo anoloan’ireny ianareo,

Mpitsara 6:10

Hoy Aho taminareo: Izaho no Iaveh Andriamanitrareo; aza matahotra ny andriamanitry ny Amôreana, izay onenanareo ny taniny. Kanjo tsy nihaino ny feoko ianareo.»