2Mpanjaka 17:12 - Baiboly Katolika

¹² Koa nanompo sampy izy ireo, nefa izany no nilazan’i Iaveh taminy hoe: «Aza manao izany ianareo.»

Baiboly Protestanta Malagasy 2011

¹² ary nanompo ny sampy izay nandraran’NY TOMPO azy hoe: Aza manao izany zavatra izany ianareo.

DIEM PROTESTANTA

¹² nanompo sampy izy na dia efa noraran’ny TOMPO tsy hanao izany aza.

Dikateny Iombonana Eto Madagasikara

¹² nanompo sampy izy na dia efa noraran’ny TOMPO tsy hanao izany aza.

Baiboly Protestanta Malagasy

¹² fa nanompo sampy, izay nandraran’i Jehovah azy hoe: Aza manao izany zavatra izany hianareo.

Malagasy Bible

¹² Fa nanompo sampy, izay nandraran'i Jehovah azy hoe: Aza manao izany zavatra izany ianareo.

La Bible en Malgache

¹² ary nanompo ny sampy izay nandraran’NY TOMPO azy hoe: Aza manao izany zavatra izany ianareo.

2Mpanjaka 17:12 Rohy Ifampitohizana

1Mpanjaka 21:26

Nanao toe-pitondran-tena vetaveta indrindra izy tamin’ny nandehanany amin’ny sampy, araka ny fomba rehetra fanaon’ny Amôreana, izay noroahin’i Iaveh teo anoloan’ny zanak’i Israely.

2Mpanjaka 17:11

dia teny izy no nandoro zava-manitra amin’ny fitoerana avo rehetra, toy ny firenena izay nataon’i Iaveh babo teo anoloan’izy ireo, ary nanao zava-dratsy nampahatezitra an’i Iaveh.

2Mpanjaka 17:40

Tsy nanaiky izany anefa izy ireo; fa ny fombany taloha ihany no narahiny;

Eksodosy 20:2

«Izaho no Iaveh Andriamanitrao, izay namoaka anao tany amin’ny tany Ejipta, tany amin’ny trano fanandevozana.

Eksodosy 34:14

Aza mivavaka amin’andriamani-kafa, fa i Iaveh dia saro-piaro no Anarany; satria Andriamanitra saro-piaro Izy.

Ezekiela 20:28

Nony efa tafiditra teo amin’ny tany nianianako sady nananganako tanana homena azy izy ireo, rehefa mety ho havoana milangalanga sy hazo mikirindro hitany koa, dia nanolorany ny sorony sy nanaterany ireo fanatiny, sady nararany teny ny fanatitra araraka.

Levitikosy 26:1

«Aza manao sampy; aza manangan-tsary voasikotra, na tsangam-baton-tsampy, na manorona vato voaravaka sarin-javatra eo amin’ny taninareo, hiankohofanareo eo anatrehany; fa Izaho no Iaveh Andriamanitrareo.

Deoteronomia 12:4

Aza manao toy izany amin’i Iaveh Andriamanitrareo;

Josoa 23:7

aza miharo amin’ireo firenena izay mbola tavela eo aminareo, aza miantso ny anaran’izay andriamanitr’ireo na mianiana na miankohoka eo anoloan’ireny ianareo,