2Korintiana 2:9 - Baiboly Katolika

⁹ Izaho no manoratra aminareo koa anie, dia ny mba hitsapako anareo, na hanaiky ahy amin’ny zavatra rehetra ianareo na tsia e.

Baiboly Protestanta Malagasy 2011

⁹ Fa izany koa no nanoratako mba ho fantatro izay toetranareo, na mankatò amin’ny zavatra rehetra ianareo, na tsia.

DIEM PROTESTANTA

⁹ Satria izao koa no anton’ny nanoratako taminareo: tiako ho fantatra raha voazaha toetra tokoa ianareo, ka hahitako na olona vonon-kanoa ahy amin’ny zavatra rehetra na tsia.

Dikateny Iombonana Eto Madagasikara

⁹ Satria izao koa no anton’ny nanoratako taminareo: tiako ho fantatra raha voazaha toetra tokoa ianareo, ka hahitako na olona vonon-kanoa ahy amin’ny zavatra rehetra na tsia.

Baiboly Protestanta Malagasy

⁹ Fa izany koa no nanoratako, mba ho fantatro izay toetrareo, na manaiky amin’ny zavatra rehetra hianareo, na tsia.

Malagasy Bible

⁹ Fa izany koa no nanoratako, mba ho fantatro izay toetrareo, na manaiky amin'ny zavatra rehetra ianareo,na tsia.

La Bible en Malgache

⁹ Fa izany koa no nanoratako mba ho fantatro izay toetranareo, na mankatò amin’ny zavatra rehetra ianareo, na tsia.

2Korintiana 2:9 Rohy Ifampitohizana

Eksodosy 16:4

Dia hoy i Iaveh tamin’i Môizy: «Indro Aho handatsaka mofo avy any an-danitra ho anareo. Hivoaka ny olona ka isan’andro dia hanangona izay sahaza hohaniny amin’ny indray andro, mba hizahako toetra azy, na handeha araka ny lalàko izy ireo na tsia.

2Korintiana 10:6

Vonon-kamay ny tsy mpanaiky rehetra izahay, rehefa tontosa ny fanekenareo.

2Korintiana 2:3

Hany antony nanoratako toy izany taminareo, dia ny mba tsy hahazoako alahelo amin’ireo tokony hifaliako, rehefa tonga aho, satria matoky anareo rehetra aho fa raisinareo ho fifalianareo rehetra koa ny fifaliako.

2Korintiana 2:4

Eny, tamim-pahoriana lehibe, sy tamin’alahelo nahahontsa ny foko, ary tamin-dranomaso be no nanoratako taminareo, tsy ny mba hampalahelo anareo anefa, fa ny mba hahafantaranareo ny haben’ny fitiavako anareo.

2Korintiana 2:8

Koa mihanta aminareo aho mba ho amim-pitiavana lehibe no handraisanareo azy.

2Korintiana 8:2

Na dia lehibe aza ny fahoriana nizahan-toetra azy, dia feno hafaliana izy ireo; ary na dia lalina aza ny fahantrana nahazo azy, dia nahafoy harena be tamin-katsoram-po izy.

2Korintiana 8:24

Koa asehoy aminy eo anatrehan’ny Eglizy ny mariky ny fitiavanareo azy, ary aza manome tondro maso anay, fa voalazanay tamin’izy ireo ho reharehanay ianareo.

Deoteronomia 13:3

dia aza mihaino ny tenin’izany mpaminany na mpanonofy izany akory, fa mizaha toetra anareo i Iaveh Andriamanitrareo, hahalalany raha tia an’i Iaveh Andriamanitrareo amin’ny fonareo rehetra sy amin’ny fanahinareo rehetra ianareo.

Deoteronomia 8:16

izay nanome mana hohaninao tany an’efitra, dia zavatra tsy fantatry ny razanao akory, mba hampanetry tena anao sy hizaha toetra anao, ary hanisy soa anao any aoriana,

Deoteronomia 8:2

Tsarovy ny lalàna rehetra izay nasain’i Iaveh Andriamanitrareo nandehananareo, tany an’efitra, nandritra ny efapolo taona izao, mba hampanetry tena anao, sy hitsapa ny tenanao, dia hahalalàna ny hevitrao ao am-ponao, na hitandrina ny didiny ianao, na tsia.

Filipiana 2:12

Noho izany, ry malalako, efa nanaiky mandrakariva koa ianareo, ka miasà amin-tahotra sy hovitra hanapitra ny famonjenareo tena, tsy tahaka ny fony aho tany aminareo fotsiny, fa mihoatra noho izany aza amin’izao aho tsy any aminareo izao,

Filipiana 2:22

izy kosa dia fantatrareo fa lehilahy voazaha toetra tokoa; niara-niasa tamiko tamin’ny Evanjely izy, toy ny zanaka miaraka amin-drainy.

2Tesaloniana 3:14

Raha misy tsy manaiky ny teninay amin’ity taratasy ity, dia mariho izy, ka aza mikambakambana aminy intsony mba hahamenatra azy.

Filemona 1:21

Izaho no nanoratra ity taminao, dia matoky marina fa hoekenao ary hanao mihoatra noho izay angatahiko aza ianao.