2Timoty 4:21 - Baiboly Katolika

²¹ Aza ela, fa tongava atỳ alohan’ny ririnina. Manao veloma anao i Eobôlo, sy i Pôdensy, sy i Lino, ary i Klaodià, mbamin’ny havana rehetra iray finoana.

Baiboly Protestanta Malagasy 2011

²¹ Ataovy izay hahatongavana atỳ alohan’ny ririnina. Manao veloma anao i Eobolo, i Poda, i Lino ary i Klaodia mbamin’ny rahalahy rehetra.

DIEM PROTESTANTA

²¹ Ataovy mihitsy izay hahatongavanao atỳ alohan’ny ririnina. Manao veloma anao i Eobola sy i Podensa, i Lino sy i Klaôdia ary ny havana rehetra iray finoana.

Dikateny Iombonana Eto Madagasikara

²¹ Ataovy mihitsy izay hahatongavanao atỳ alohan’ny ririnina. Manao veloma anao i Eobola sy i Podensa, i Lino sy i Klaôdia ary ny havana rehetra iray finoana.

Baiboly Protestanta Malagasy

²¹ Mazotoa hankatỳ alohan’ny ririnina. Manao veloma anao Eobolo sy Poda sy Lino sy Klaodia mbamin’ny rahalahy rehetra.

Malagasy Bible

²¹ Mazotoa hankatỳ alohan'ny ririnina. Manao veloma anao Eobolo sy Poda sy Lino sy Klaodia mbamin'ny rahalahy rehetra.

La Bible en Malgache

²¹ Ataovy izay hahatongavana atỳ alohan’ny ririnina. Manao veloma anao i Eobolo, i Poda, i Lino ary i Klaodia mbamin’ny rahalahy rehetra.

2Timoty 4:21 Rohy Ifampitohizana

Lioka 12:58

Fa raha miara-mandeha amin’izay manana ady aminao ianao hanatrika ny mpitsara, dia ataovy izay hahafahanao aminy raha mbola eny an-dalana ianareo, fandrao tongany any amin’ny mpitsara ianao ka atolotry ny mpitsara amin’ny mpamatotra an-tranomaizina.

1Korintiana 16:20

Manao veloma anareo ny havana rehetra iray finoana. Mifanaova veloma amin’ny fanorohana masina.

2Korintiana 13:13

Ho ao aminareo rehetra anie ny fahasoavan’i Jesoa Kristy Tompo, sy ny fitiavan’Andriamanitra, ary ny firaisana amin’ny Fanahy Masina!

Filipiana 4:22

Manao veloma anareo ny havana iray finoana izay ato amiko; manao veloma anareo ny olona masina rehetra, indrindra fa ry zareo ao an-dapan’i Sezara.

2Timoty 1:4

Tsaroako izany ranomasonao, ka maniry hahita anao aho mba ho feno fifaliana.

2Timoty 4:13

Ento kely ilay kapaoty navelako tany Trôasy ao amin’i Karposy rehefa mankatỳ ianao, ary ny boky koa, fa indrindra ny taratasy hoditra.

2Timoty 4:9

Tongava faingana atỳ amiko ianao; fa nilaozan’i Demasy aho, noho ny fitiavany an’izao tontolo izao, ka lasa nankany Tesalonika izy.

Titosy 3:12

Rehefa maniraka an’i Artemasy na i Tisìko atỳ aminao aho, dia tongava faingana atỳ amiko atỳ Nikôpôlisy, fa mikasa handany ny ririnina any aho.

2Jaona 1:13

Manao veloma anao ny zanaky ny rahavavinao voafidy.

3Jaona 1:14

Fa manantena hahita anao faingana aho, ka dia hiresaka mifanatrika isika. Ho ao aminao anie ny fiadanana. Manao veloma anao ny sakaizantsika. Veloma any amin’ny sakaizantsika tsirairay avy.