2Petera 2:5 - Baiboly Katolika

⁵ matoa tsy namindra fo tamin’izao tontolo izao fahiny Izy, afa-tsy tamin’i Nôe valo mianaka, mpitory ny fahamarinana, fony Izy nahatonga safodrano tamin’izao tontolo ratsy fanahy izao;

Baiboly Protestanta Malagasy 2011

⁵ ary raha tsy namela ny tontolo taloha Izy fa namonjy an’i Noa, mpitory ny fahamarinana, mbamin’izy fito mianaka, fony tonga tamin’ny tontolon’ny ratsy fanahy ny safodrano,

DIEM PROTESTANTA

⁵ Izao tontolo izao koa fahiny dia tsy namindran’Andriamanitra fo, satria henika olona ratsy fanahy, ka nataony tonga teo amin’izao tontolo izao ny safodrano; i Noà valo mianaka ihany no narovan’Andriamanitra, noho i Noà mpitory ny fahamarinana soritan’Andriamanitra.

Dikateny Iombonana Eto Madagasikara

⁵ Izao tontolo izao koa fahiny dia tsy namindran’Andriamanitra fo, satria henika olona ratsy fanahy, ka nataony tonga teo amin’izao tontolo izao ny safodrano; i Noà valo mianaka ihany no narovan’Andriamanitra, noho i Noà mpitory ny fahamarinana soritan’Andriamanitra.

Baiboly Protestanta Malagasy

⁵ ary raha tsy namela izao rehetra izao taloha Izy, fa namonjy an’i Noa, mpitory ny fahamarinana, sy ireo fito, fony nahatonga ny Safodrano tamin’ny ratsy fanahy teo amin’izao tontolo izao,–

Malagasy Bible

⁵ ary raha tsy namela izao rehetra izao taloha Izy, fa namonjy an'i Noa, mpitory ny fahamarinana, sy ireo fito, fony nahatonga ny safo-drano tamin'ny ratsy fanahy teo amin'izao tontolo izao,-

La Bible en Malgache

⁵ ary raha tsy namela ny tontolo taloha Izy fa namonjy an’i Noa, mpitory ny fahamarinana, mbamin’izy fito mianaka, fony tonga tamin’ny tontolon’ny ratsy fanahy ny safodrano,

2Petera 2:5 Rohy Ifampitohizana

Genesisy 6:17

Ary Izaho hahatonga ny safodrano hanafotra ny tany, mba handringana ny nofo rehetra manam-pofon’aina eo ambanin’ny lanitra; ho levona izay rehetra ety ambonin’ny tany.

Genesisy 6:9

Izao no tantaran’i Nôe: Lehilahy marina i Nôe, nanao ny rariny teo amin’ny olona niara-belona taminy, nizotra nifanaraka tamin’Andriamanitra i Nôe.

Ezekiela 26:20

dia hampidiniko hiaraka amin’ireo nivarina any an-davaka, ianao, ho any amin’ireo vahoaka fahagola; ka hamponeniko any ambanin’ny tany, any amin’ny fanginginana mandrakizay, miaraka amin’ireo nivarina any an-davaka, mba tsy honenana intsony ianao; ary hanisy ravaka amin’ny tanin’ny velona Aho.

Hebreo 11:7

Ny finoana no nandrafetan’i Nôe ny sambo fiara hamonjena ny fianakaviany, fa natahotra izy nony efa nilazan’Andriamanitra ny zavatra mbola tsy hita; ary izany no nanamelohany an’izao tontolo izao sy nahatongavany ho mpandova ny fahamarinana izay azo amin’ny finoana.

2Petera 3:6

ary rano ihany koa no efa nandravana an’izao tontolo izao fahizany, tamin’ny nanasaforany azy.