2Tantara 5:11 - Baiboly Katolika

¹¹ Tamin’ny fotoana nivoahan’ny mpisorona avy tao amin’ny fitoerana masina, - fa ny mpisorona rehetra nanatrika teo dia samy nanamasina ny tenany avokoa fa tsy voatana ny filaharan’ny isan-tokony,

Baiboly Protestanta Malagasy 2011

¹¹ Dia nivoaka avy tao amin’ny fitoerana masina ny mpisorona, satria ny mpisorona rehetra izay teo dia samy efa nanamasina ny tenany fa tsy mba nifandimby isan-toko tamin’izay.

DIEM PROTESTANTA

¹¹ Dia nivoaka ny Toeramasina ny mpisorona (fa ny mpisorona rehetra teo moa dia samy efa nanokan-tena, satria tsy nisy fitandroana ny filaharan’ny antokony tamin’izay).

Dikateny Iombonana Eto Madagasikara

¹¹ Dia nivoaka ny Toeramasina ny mpisorona (fa ny mpisorona rehetra teo moa dia samy efa nanokan-tena, satria tsy nisy fitandroana ny filaharan’ny antokony tamin’izay).

Baiboly Protestanta Malagasy

¹¹ Ary nony nivoaka avy tao amin’ny fitoerana masina ny mpisorona (fa ny mpisorona rehetra izay teo dia samy efa nanamasina ny tenany, fa tsy mba nifandimby isan-toko tamin’izay),

Malagasy Bible

¹¹ Ary nony nivoaka avy tao amin'ny fitoerana masina ny mpisorona (fa ny mpisorona rehetra izay teo dia samy efa nanamasina ny tenany, fa tsy mba nifandimby isan-toko taminy izay),

La Bible en Malgache

¹¹ Dia nivoaka avy tao amin’ny fitoerana masina ny mpisorona, satria ny mpisorona rehetra izay teo dia samy efa nanamasina ny tenany fa tsy mba nifandimby isan-toko tamin’izay.

2Tantara 5:11 Rohy Ifampitohizana

1Tantara 15:14

Dia nanamasin-tena ny mpisorona sy ny Levita, mba hampiakatra ny fiaran’i Iaveh Andriamanitr’i Israely.

2Tantara 29:15

Novorin’izy ireo ny rahalahiny, ary samy nanamasina ny tenany izy, dia tonga hanadio ny tranon’i Iaveh, araka ny didin’ny mpanjaka, sy noho ny tenin’i Iaveh.

2Tantara 29:34

Tsy nahendaka ny sorona dorana rehetra ny mpisorona, fa vitsy, ka dia nampian’ny Levita rahalahiny izy, mandra-pahavitan’ny raharaha sy mandra-panamàsin’ny mpisorona sasany ny tenany, fa narisika kokoa ny Levita noho ny mpisorona tamin’ny fanamasinana ny tenany.

2Tantara 29:5

dia nilazany hoe: «Mihainoa ahy, ianareo Levita: hamasino ny tenanareo, hamasino ny tranon’i Iaveh Andriamanitry ny razanareo, ka esory amin’ny fitoerana masina ny loto rehetra.

2Tantara 30:15

Izay vao namono ny Paka izay ireo, tamin’ny andro faha-14n’ny volana faharoa. Menatra ny mpisorona sy ny Levita, ka nanamasina ny tenany, dia nanolotra sorona dorana, tao an-tranon’i Iaveh.

2Tantara 35:4

Samia ianareo miomana, araka ny fianakavianareo sy ny antokonareo avy araka ny fandaharan’i Davida mpanjakan’i Israely sy ny fandaminan’i Salômôna zanany.

2Tantara 35:6

Dia vonony ny Paka, hamasino ny tenanareo, ary amboary izy ho an’ny rahalahinareo, hanarahan’ny olona ny tenin’i Iaveh voalaza tamin’i Môizy.»

2Tantara 5:12

ny Levita mpihira rehetra, i Asafa, i Hemàna, i Iditona, mbamin’ny zanany aman-drahalahiny, samy nitafy rongony madinika, dia nitsangana teo atsinanan’ny ôtely, nitondra kipantsona sy valiha ary harpa, ary teo anilany ny mpisorona 120, samy nitsoka trômpetra;

Joba 1:5

Nony tapitra nitsingerina izany fanasana izany, nampanalain’i Jôba ireo zanany dia nodioviny. Nifoha vao maraina koa izy sy nanatitra sorona dorana araka ny isan-janany, fa hoy izy: «Fandrao nanota ny zanako, sy diso tamin’Andriamanitra tao am-pony». Toy izany no nataon’i Jôba hatrany hatrany.

Eksodosy 19:10

Ary hoy i Iaveh tamin’i Môizy: «Mandehana mankany amin’ny vahoaka, ka hamasino izy anio sy ampitso, ary asaovy sasàny ny fitafiany.