2Tantara 32:9 - Baiboly Katolika

⁹ Raha efa izany, naniraka ny mpanompony ho any Jerosalema i Senakeriba mpanjakan’i Asiria, - fa izy mbamin’ny miaramilany rehetra izany dia mbola teo anoloan’i Lakisa, ho any amin’i Ezekiasa, mpanjakan’i Jodà, mbamin’ireo avy amin’i Jodà rehetra tao Jerosalema hilaza aminy hoe:

Baiboly Protestanta Malagasy 2011

⁹ Rehefa afaka izany dia nirahin’i Sankeriba, mpanjakan’i Asiria, ny mpanompony hankany Jerosalema ho any amin’i Hezekia, mpanjakan’i Joda, sy ho any amin’i Joda rehetra izay tany Jerosalema, fa izy sy ny miaramilany rehetra kosa tamin’izay dia nanao fahirano an’i Lakisy, koa hoy izy:

DIEM PROTESTANTA

⁹ Taorian’izay dia nanao fahirano an’i Lakisy i Saneheriba mpanjakan’i Asiria ary koa ny tafiny manontolo. Avy ao i Saneheriba no naniraka manamboninahitra hankany Jerosalema ho any amin’i Hezekià mpanjakan’i Joda sy ho any amin’ny Jodeanina rehetra nonina tao an-drenivohitra. Ka hoy ny hafatra nampitain’ireto iraka hoe:

Dikateny Iombonana Eto Madagasikara

⁹ Taorian’izay dia nanao fahirano an’i Lakisy i Saneheriba mpanjakan’i Asiria ary koa ny tafiny manontolo. Avy ao i Saneheriba no naniraka manamboninahitra hankany Jerosalema ho any amin’i Hezekià mpanjakan’i Joda sy ho any amin’ny Jodeanina rehetra nonina tao an-drenivohitra. Ka hoy ny hafatra nampitain’ireto iraka hoe:

Baiboly Protestanta Malagasy

⁹ Rehefa afaka izany, dia nirahin’i Sankeriba, mpanjakan’i Asyria, ny mpanompony hankany Jerosalema (fa izy sy ny miaramilany rehetra kosa nanao fahirano an’i Lakisy tamin’izay) ho any amin’i Hezekia, mpanjakan’ny Joda, sy ho any amin’ny Joda rehetra izay tany Jerosalema ka nanao hoe:

Malagasy Bible

⁹ Rehefa afaka izany, dia nirahin'i Sankeriba, mpanjakan'i Asyria, ny mpanompony hankany Jerosalema (fa izy sy ny miaramilany rehetra kosa nanao fahirano an'i Lakisy tamin'izay) ho any amin'i Hezekia, mpanjakan'ny Joda, sy ho any amin'ny Joda rehetra izay tany Jerosalema ka nanao hoe:

La Bible en Malgache

⁹ Rehefa afaka izany dia nirahin’i Sankeriba, mpanjakan’i Asiria, ny mpanompony hankany Jerosalema ho any amin’i Hezekia, mpanjakan’i Joda, sy ho any amin’i Joda rehetra izay tany Jerosalema, fa izy sy ny miaramilany rehetra kosa tamin’izay dia nanao fahirano an’i Lakisy, koa hoy izy:

2Tantara 32:9 Rohy Ifampitohizana

2Mpanjaka 18:17

Ary ny mpanjakan’i Asiria naniraka ny jeneraliny ambony indrindra sy ny lehiben’ny eonoka, ny komandy mpandroso divay, mbamin’ny miaramila maro koa, avy any Lakisa, ho any amin’i Ezekiasa mpanjaka, any Jerosalema. Nony tonga tao izy, dia nijanona teo anilan’ny lakan-dranon’ny farihy ambony, amin’ny lalana mankamin’ny sahan’ny mpamotsy lamba,

2Tantara 11:9

i Adôrama, i Lakisa, i Azekà,

2Tantara 32:10

«Izao no lazain’i Senakeriba mpanjakan’i Asiria: Inona izato itokianareo, no dia mihiboka atao fahirano ato Jerosalema ka tra-pahoriana ianareo?

Isaia 36:2

Ary nirahin’ny mpanjakan’i Asiria ny lehiben’ny mpandroso divay aminy nitondra miaramila maro, avy ao Lakisa ho any Jerosalema, amin’i Ezekiasa mpanjaka; nijanona teo amin’ny lakan-drano amin’ny kamory ambony, eo amin’ny lalana mamkamin’ny sahan’ny Mpamotsy lamba, ny lehiben’ny mpandroso divay.

Isaia 37:8

Dia niverina ny lehiben’ny mpandroso divay ka nahita ny mpanjakan’i Asiria, nanao fahirano an’i Lobnà; efa reny ny nialan’ny tompony tany Lakisa.

Mika 1:13

Afehezo amin’ny kalesy ny soavaly, ry kala mponina ao Lakisa; fiandohan’ny fahotana ho an’ny zanaka vavin’i Siôna, no nahitana ny helok’i Israely ao aminao.

Josoa 10:31

Niala teo Lebnà i Jôsoe sy i Israely rehetra niaraka taminy, dia nankany Lakisa, ka nanorina ny tobiny teo anoloany sy namely azy.

Josoa 12:11

ny mpanjakan’i Jerimota, iray; ny mpanjakan’i Lakisa, iray;

Josoa 15:39

i Lakisa, i Baskata, i Eglôna,