2Tantara 31:21 - Baiboly Katolika

²¹ Nataony tamin’ny fony tokoa ny raharaha rehetra nampanaoviny momba ny fanompoana ao an-tranon’i Iaveh, sy momba ny didy aman-dalàna nitadiavany an’Andriamaniny, ka nambinina izy.

Baiboly Protestanta Malagasy 2011

²¹ Ary ny raharaha rehetra izay natombony ny amin’ny fanompoana ao amin’ny tranon’Andriamanitra sy ny lalàna ary ny didy hitadiavana an’Andriamaniny dia nataony tamin’ny fony manontolo ka nanambinana azy.

DIEM PROTESTANTA

²¹ Fony nirotsaka tamin’ny asa rehetra momba ny fanompoana ny tranon’Andriamanitra ary momba ny lalànany sy ny didiny izy, dia nitady an’Andriamanitra tamin’ny fony manontolo; ka izany no nahazoany fanambinana.

Dikateny Iombonana Eto Madagasikara

²¹ Fony nirotsaka tamin’ny asa rehetra momba ny fanompoana ny tranon’Andriamanitra ary momba ny lalànany sy ny didiny izy, dia nitady an’Andriamanitra tamin’ny fony manontolo; ka izany no nahazoany fanambinana.

Baiboly Protestanta Malagasy

²¹ Ary ny raharaha rehetra izay natombony ny amin’ny fanompoana ao an-tranon’Andriamanitra sy ny lalàna ary ny didy hitadiavana an’Andriamaniny dia nataony tamin’ny fony rehetra, ka nambinina izy.

Malagasy Bible

²¹ Ary ny raharaha rehetra izay natombony ny amin'ny fanompoana ao an-tranon'Andriamanitra sy ny lalàna ary ny didy hitadiavana an'Andriamaniny dia nataony tamin'ny fony rehetra, fa nambinina izy

La Bible en Malgache

²¹ Ary ny raharaha rehetra izay natombony ny amin’ny fanompoana ao amin’ny tranon’Andriamanitra sy ny lalàna ary ny didy hitadiavana an’Andriamaniny dia nataony tamin’ny fony manontolo ka nanambinana azy.

2Tantara 31:21 Rohy Ifampitohizana

1Mpanjaka 2:4

ka dia hotanterahin’i Iaveh ilay teny nilazany ny amiko hoe: Raha mitandrina ny diany ny zanako, ka mandeha eo anatrehako amim-pahamarinana amin’ny fony rehetra sy amin’ny fanahiny rehetra, dia tsy ho lany taranaka ho eo amin’ny seza fiandrianan’i Israely ianao.

2Mpanjaka 18:7

Dia nomban’i Iaveh izy, ka nahomby tamin’izay rehetra nataony. Niodina tamin’ny mpanjakan’i Asiria izy, dia afaka tsy nanompo an’io intsony.

1Tantara 22:13

Hoambinina ianao amin’izay, raha manampò tokoa ny hanaraka ny lalàna amam-pitsipika nandidian’i Iaveh an’i Môizy ho an’i Israely. Mahereza ary matokia fa aza matahotra na manam-badi-po.

1Tantara 22:19

Koa ankehitriny araiketo amin’ny fitadiavana an’i Iaveh Andriamanitrareo ny fo amam-panahinareo, mitsangàna hanao ny fitoerana masina ho an’i Iaveh Andriamanitra, mba hitondra hankatỳ ny fiaran’ny faneken’i Iaveh mbamin’ny fanaka masin’Andriamanitra, ho ao amin’ny trano izay hatao ho an’ny Anaran’i Iaveh.»

2Tantara 14:6

Izao no nolazainy tamin’i Jodà: «Andeha haorintsika ireo tanàna ireo, hasiantsika manda manodidina, tilikambo, vavahady ary hidiny, fa mbola tsy voahidy ny tany anatrehantsika, fa efa nitady an’i Iaveh Andriamanitsika isika; nitady Azy isika, ka nomeny fiadanana isika amin’ny manodidina rehetra.» Dia nanorina izy ireo ka nahefa.

2Tantara 14:7

Izao no tafika nananan’i Asà: 300.000 miaramila an-defona sy ampinga, tamin’i Jodà; 280.000, miaramila mpitana ampinga mpandefa tsipìka, tamin’i Benjamina. Lehilahy mahery avokoa ireo.

2Tantara 20:26

Nony tamin’ny andro fahefatra, nivory teo amin’ny lohasaha Berakà izy, fa nisaotra an’i Iaveh teo; izany no nanaovany an’io lohasaha io hoe i Berakà mandrak’androany.

2Tantara 26:5

Nanaja an’Andriamanitra izy, tamin’ny andro niainan’i Zakaria, izay nampianatra azy ny fahatahorana an’Andriamanitra ary nambinin’Andriamanitra izy, tamin’ny andro nanajany an’i Iaveh.

Salamo 119:2

Sambatra izay mitana ny fampianarany; izay mitady azy amin’ny fony rehetra,

Ohabolana 3:10

Dia ho feno hipokipoka ny fitoeram-bokatrao, ary hihoatra ny fandomana azy ny divainao vaovao.

Ohabolana 3:9

Manomeza voninahitra an’Andriamanitra amin’ny fanananao, sy amin’izay voaloham-bokatrao rehetra.

Mpitoriteny 9:10

Izay rehetra azon’ny tananao atao, dia ataovy amin-kerim-po; fa tsy misy asa na fahalalana na fahaizana, na fahendrena any amin’ny Seoly izay halehanao.

Jeremia 29:13

Hitady Ahy ianareo, dia hahita Ahy, satria hitady Ahy amin’ny fonareo tokoa ianareo;

Matio 6:33

Koa katsaho àry aloha ny fanjakan’Andriamanitra sy ny fahamarinany, dia homena izany rehetra izany ianareo ho fanampiny.

Deoteronomia 10:12

Ary ankehitriny, ry Israely, inona moa no angatahin’i Iaveh Andriamanitrao aminao, afa-tsy ny mba hatahoranao an’i Iaveh Andriamanitrao, amin’ny fizoranao eo amin’ny lalany rehetra, sy amin’ny fitiavanao ary fanompoanao an’i Iaveh Andriamanitrao amin’ny fonao rehetra sy amin’ny fanahinao rehetra;

Deoteronomia 29:9

Miseho eto anatrehan’i Iaveh Andriamanitrareo ianareo rehetra anio, dia ny lehibenareo, ny fokonareo, ny loholonareo, ny mpifehy anareo, ny lehilahy rehetra amin’i Israely,

Deoteronomia 6:5

Tiava an’i Iaveh Andriamanitrao, amin’ny fonao rehetra sy amin’ny fanahinao rehetra.