2Tantara 29:16 - Baiboly Katolika

¹⁶ Niditra tao anatin’ny tranon’i Iaveh ny mpisorona hanadio azy, navoakany avokoa ny loto hitany tao an-tempolin’i Iaveh ho amin’ny kianjan’ny tranon’i Iaveh, dia noraisin’ny Levita hoentiny any an-dohasahan’i Sedrôna.

Baiboly Protestanta Malagasy 2011

¹⁶ Ary niditra tao amin’ny efitra anatiny amin’ny tranon’NY TOMPO ny mpisorona mba hanadio azy, koa navoakany ho eo an-kianjan’ny tranon’NY TOMPO ny zava-maloto rehetra izay hitany tao an-tempolin’NY TOMPO. Nandray ireny kosa ny levita ka navoakany ho any amin’ny lohasahan-driaka Kidrona.

DIEM PROTESTANTA

¹⁶ Ny mpisorona no niditra tao amin’ny efitrano malalaka anatiny amin’ny tranon’ny Tompo mba hanadio izany ary namoaka ny fanaka maloto rehetra izay hitany tao amin’ny Toeramasin’ny TOMPO ho eo an-kianjan’ny tranon’ny TOMPO; ny levita kosa nandray ireny mba havoakany ho any amin’ny lohasahan-driaka Kidrôna.

Dikateny Iombonana Eto Madagasikara

¹⁶ Ny mpisorona no niditra tao amin’ny efitrano malalaka anatiny amin’ny tranon’ny Tompo mba hanadio izany ary namoaka ny fanaka maloto rehetra izay hitany tao amin’ny Toeramasin’ny TOMPO ho eo an-kianjan’ny tranon’ny TOMPO; ny levita kosa nandray ireny mba havoakany ho any amin’ny lohasahan-driaka Kidrôna.

Baiboly Protestanta Malagasy

¹⁶ Ary ny mpisorona niditra tao amin’ny efitra anatiny amin’ny tranon’i Jehovah mba hanadio azy, ka navoakany ny loto rehetra izay hitany tao an-tempolin’i Jehovah ho eo an-kianjan’ny tranon’i Jehovah. Ary ny Levita kosa nandray ireny havoakany ho any amin’ny lohasahan-driaka Kidrona.

Malagasy Bible

¹⁶ Ary ny mpisorona niditra tao amin'ny efitra anatiny amin'ny tranon'i Jehovah mba hanadio azy, ka navoakany ny loto rehetra izay hitany tao an-tempolin'i Jehovah ho eo an-kianjan'ny tranon'i Jehovah. Ary ny Levita kosa nandray ireny havoakany ho any amin'ny lohasahan-driaka Kidrona.

2Tantara 29:16 Rohy Ifampitohizana

2Samoela 15:23

Nitomany nikaikaika avokoa ny tany ama-monina tamin’ny nandalovan’ireo vahoaka rehetra ireo. Nony tafita ny ranon-driaka Sedrôna ny mpanjaka, dia nandroso tamin’ny tandrifin’ny lalana mankany an’efitra ny vahoaka.

2Tantara 15:16

Ka i Maakà reniny aza, dia naongan’i Asà mpanjaka, tamin’ny fiandrianany amin’ny maha-renin’Andriamanjaka azy, noho izy nanao sampy vetaveta ho an’i Astarte. Nazeran’i Asà ny sampiny rehetra dia notorotoroiny ho vovoka sy nodorany tao an-dranon-driaka Sedrôna.

2Tantara 3:8

Dia nataony ny efitrano masina indrindra: roapolo hakiho araka ny sakan’ny trano ny halavany, ary roapolo hakiho ny sakany. Nopetahany volamena madio io, nahalaniana talenta volamena enin-jato,

2Tantara 30:14

Nitsangana izy ireo, dia noravany avokoa ny ôtely tao Jerosalema, noravany koa ny ôtely fanaterana zava-manitra, ka nariany tany an-dohasahan’i Sedrôna.

2Tantara 5:7

Dia nentin’ny mpisorona ny fiaran’ny faneken’i Iaveh, ho ao amin’ny fitoerany, ao amin’ny fitoerana masin’ny trano, amin’ny fitoerana masina indrindra, teo ambanin’ny elatry ny kerobima.

Nehemia 13:9

Raha efa izany, nasaiko nodiovina ny efitrano, ary naveriko tao indray ny fanaky ny tranon’Andriamanitra, mbamin’ny fanatitra sy ny emboka.

Ezekiela 36:29

Hovonjeko ianareo ho afaka amin’ny lotonareo rehetra; hantsoiko ny vary, ary hataoko be dia be, ary tsy haniraka mosary aminareo intsony Aho.

Matio 23:27

Mila loza ianareo, ry mpanora-dalàna sy Farisianina mpihatsaravelatsihy, fa tahaka ny fasana voalalotra fotsy ianareo eto ivelany ka miseho ho tsara, fa ao anatiny feno taolam-paty sy olitra.

Jaona 18:1

Rehefa voalazan’i Jesoa izany, dia lasa Izy sy ny mpianany nankany an-dafin’ny riakan’i Sedrôna, izay nisy saha anankiray nidiran’Izy sy ny mpianany.