2Tantara 20:25 - Baiboly Katolika

²⁵ Dia nandeha i Jôsafata sy ny vahoakany haka babo tamin’ireo, ka harem-be vava no hitany teo, dia faty sy fanaka sarobidy; ka be dia be no nalainy ho azy, ka tsy zakany nentina aza, ka hateloana izy nanangona ny babo teo ihany fa be tokoa.

Baiboly Protestanta Malagasy 2011

²⁵ Ary avy hamabo azy i Josafata sy ny vahoakany, dia nahita harena betsaka sy fitafiana ary fanaka sarobidy teo izy ka namabo mihoatra noho izay zakany hoentina; hateloana no nanangonany ny babo fa be dia be tokoa ireny.

DIEM PROTESTANTA

²⁵ Dia nandeha nandroba azy i Jôsafata sy ny vahoakany, ka betsaka tokoa ny biby fiompy sy harena ary fitafiana sy fanaka sarobidy hitany. Be loatra ny remby ka na dia nandany telo andro hanangonana aza izy ireo, dia tsy nahazaka azy rehetra.

Dikateny Iombonana Eto Madagasikara

²⁵ Dia nandeha nandroba azy i Jôsafata sy ny vahoakany, ka betsaka tokoa ny biby fiompy sy harena ary fitafiana sy fanaka sarobidy hitany. Be loatra ny remby ka na dia nandany telo andro hanangonana aza izy ireo, dia tsy nahazaka azy rehetra.

Baiboly Protestanta Malagasy

²⁵ Ary avy hamabo azy Josafata sy ny vahoakany, dia nahita harena betsaka sy faty ary fanaka sarobidy teo izy, ka dia namabo mihoatra noho izay zakany ho entina; ary hateloana no nanangonany ny babo, fa be dia be ireny.

Malagasy Bible

²⁵ Ary avy hamabo azy Josafata sy ny vahoakany, dia nahita harena betsaka sy faty ary fanaka sarobidy teo izy, ka dia namabo mihoatra noho izay zakany ho entina; ary hateloana no nanangonany ny babo, fa be dia be ireny.

La Bible en Malgache

²⁵ Ary avy hamabo azy i Josafata sy ny vahoakany, dia nahita harena betsaka sy fitafiana ary fanaka sarobidy teo izy ka namabo mihoatra noho izay zakany hoentina; hateloana no nanangonany ny babo fa be dia be tokoa ireny.

2Tantara 20:25 Rohy Ifampitohizana

2Tantara 20:24

Nony tonga teo amin’ny fitoeran’ny mpiambina mahatazana ny efitra i Jodà, dia nitodika irerỳ vahoaka be, dia faty niampatrampatra tamin’ny tany no hany hitany, fa tsy nisy afa-nandositra.

2Tantara 20:26

Nony tamin’ny andro fahefatra, nivory teo amin’ny lohasaha Berakà izy, fa nisaotra an’i Iaveh teo; izany no nanaovany an’io lohasaha io hoe i Berakà mandrak’androany.

Salamo 68:12

Nampandre ny teniny ny Tompo; antokom-behivavy maro no milaza ny fandresena.

Eksodosy 3:22

Samy hangataka fanaka volafotsy sy fanaka volamena ary fitafiana, amin’izay mifanolo-bodirindrina aminy sy amin’izay miray trano aminy avy, ny vehivavy, hataonareo amin’ny zanakareo lahy aman-janakareo vavy; ka dia hambabo an’i Ejipta ianareo.»

Ohabolana 3:15

Sarobidy noho ny voahangy izy, ary tsy misy mitovy aminy izay firavakao rehetra.

Zakaria 14:14

I Jodà koa hiady amin’i Jerosalema. Ary ho voaangona ny harena amin’ny firenena rehetra manodidina, dia volamena sy volafotsy, ary fitafiana be dia be.

Nomery 31:15

Hoy izy tamin’ireo: «Navelanareo ho velona ve ny vehivavy rehetra e?

Nomery 31:53

Ny mpanafika tamin’ny foloalindahy dia samy nahazo ny babony ho azy ihany.

Romana 8:37

Amin’izany rehetra izany anefa, dia mihoatra noho ny mpandresy isika, amin’ny alalan’Ilay tia antsika.

Josoa 11:14

Ary ny zavatra rehetra mety ho babo tamin’ireny, sy ny biby fiompiny dia norobain’ny zanak’i Israely ho azy; fa ny lehilahy rehetra kosa dia nasiany tamin’ny lelan-tsabatra mandra-paharingany, tsy nisy niangana rehefa manana aina.