2Tantara 2:3 - Baiboly Katolika

³ Fa indro aho manangana trano ho an’ny Anaran’i Iaveh Andriamanitrao, izay hohamasiniko ho Azy, mba handoroana zava-manitra tsara fofona eo anatrehany, hasiana ny mofo apetraka tsy tapaka, hanolorana ny sorona dorana ny maraina sy ny hariva, sy amin’ny sabata, ny voalohan’ny volana, ny fetin’i Iaveh Andriamanitray, araka ny lalàna voadidy harahin’i Israely mandrakizay.

Baiboly Protestanta Malagasy 2011

³ indro, hanorina trano ho an’ny anaran’NY TOMPO Andriamanitro izay hohamasinina ho Azy aho, handoroana ditin-kazo manitra eo anatrehany sy hasiana ny mofo atao fanatitra ary handoroana ny fanatitra isa-maraina sy isan-kariva ary amin’ny Sabata sy ny voaloham-bolana ary amin’ny fotoam-pivavahana voatendrin’NY TOMPO Andriamanitray; ho adidy maharitra ho an’ny Israely izany.

DIEM PROTESTANTA

³ Fa indro aho efa hanao trano ho voninahitry ny TOMPO Andriamanitro, dia trano izay hatokako ho Azy; ao no handoroana vovo-javamanitra eo anatrehan’ny Tompo sy hasiana ny mofo apetraka tsy tapaka ary hanolorana sorona dorana manontolo, dia ny sorona dorana manontolo isa-maraina sy isan-kariva ary koa izay fanao amin’ny sabata sy amin’ny voaloham-bolana ary amin’ny fetin’ny TOMPO Andriamanitray; ho fepetra raikitra ho an’ny Israelita izany.

Dikateny Iombonana Eto Madagasikara

³ Fa indro aho efa hanao trano ho voninahitry ny TOMPO Andriamanitro, dia trano izay hatokako ho Azy; ao no handoroana vovo-javamanitra eo anatrehan’ny Tompo sy hasiana ny mofo apetraka tsy tapaka ary hanolorana sorona dorana manontolo, dia ny sorona dorana manontolo isa-maraina sy isan-kariva ary koa izay fanao amin’ny sabata sy amin’ny voaloham-bolana ary amin’ny fetin’ny TOMPO Andriamanitray; ho fepetra raikitra ho an’ny Israelita izany.

Baiboly Protestanta Malagasy

³ indro, izaho efa hanao trano ho an’ny anaran’i Jehovah Andriamanitro izay hohamasinina ho Azy ka handoroana ditin-kazo mani-pofona eo anatrehany sy hasiana ny mofo aseho mandrakariva ary handoroana ny fanatitra isa-maraina sy isan-kariva ary amin’ny Sabata sy ny voaloham-bolana ary amin’ny fotoam-pivavahana voatendrin’i Jehovah Andriamanitray; ho adidin’ny Isiraely mandrakizay izany.

Malagasy Bible

³ indro, izaho efa efa hanao trano ho an'ny anaran'i Jehovah Andriamanitro izay hohamasinina ho Azy ka handoroana ditin-kazo mani-pofona eo anatrehany sy hasiana ny mofo aseho mandrakariva ary handoroana ny fanatitra isa-maraina sy Isan-kariva ary amin'ny Sabata sy ny voaloham-bolana ary amin'ny fotoam-pivavahina voatendrin'i Jehovah Andriamanitray; ho adidin'ny Isiraely mandrakizay izany.

La Bible en Malgache

³ indro, hanorina trano ho an’ny anaran’NY TOMPO Andriamanitro izay hohamasinina ho Azy aho, handoroana ditin-kazo manitra eo anatrehany sy hasiana ny mofo atao fanatitra ary handoroana ny fanatitra isa-maraina sy isan-kariva ary amin’ny Sabata sy ny voaloham-bolana ary amin’ny fotoam-pivavahana voatendrin’NY TOMPO Andriamanitray; ho adidy maharitra ho an’ny Israely izany.

2Tantara 2:3 Rohy Ifampitohizana

2Samoela 5:11

Nandefa iraka nankany amin’i Davida i Hirama mpanjakan’i Tira, sy nampitondra hazo sedera, ary naniraka mpandrafitra sy tambato hanao trano ho an’i Davida.

1Tantara 14:1

Ary i Hirama mpanjakan’i Tira, nandefa iraka tany amin’i Davida nitondra hazo sedera sy tambato ary mpandrafitra, hanao trano ho azy.

2Tantara 13:11

Ka izy ireo, dia mandoro sorona dorana hanetona amin’i Iaveh isan’andro marain-tsy hariva ary zava-manitra tsara fofona koa: ataony eo ambonin’ny latabatra madio ny mofo alahatra; ary ny fanaovan-jiro volamena mbamin’ny lalampiny dia ampirehetiny isan-kariva; satria tandremanay ny didin’i Iaveh Andriamanitray, fa ianareo kosa nandao Azy.

2Tantara 24:14

Nony vita ny asa dia nentiny teo anatrehan’ny mpanjaka sy i Jôiadà ny vola sisa ka nanaovana fanaka ho an’ny tranon’i Iaveh, dia fanaka hoenti-manao ny fanompoana sy ny sorona dorana, kôpy mbamin’ny fanaka volamena amana volafotsy sasany, ka tsy tapaka fanateran-tsorona dorana tao an-tranon’i Iaveh tamin’ny andro rehetra niainan’i Jôiadà.

2Tantara 4:19

Ary nataon’i Salômôna ny fanaka rehetra ho an’ny tranon’Andriamanitra, dia ny ôtely volamena, ny latabatra fametrahana ny mofo alahatra.

2Tantara 8:13

Ka izay voadidin’ny lalàn’i Môizy dia nateriny isan’andro sy isan-tsabata; ary amin’ny voalohan’ny volana, sy amin’ny fety intelo isan-taona: dia ny fetin’ny azima, ny fetin’ny herinandro, ary ny fetin’ny tabernakla.

Ezra 6:3

Tamin’ny taona voalohany nanjakan’i Sirosa mpanjaka, dia izao no didy navoakan’i Sirosa mpanjaka: Ny tranon’Andriamanitra any Jerosalema, dia aoka haorina indray io trano io ho fitoerana fanaterana sorona, ary aoka hatao mafy ny fandatsaham-pototra. Ho enimpolo hakiho ny haavony, ary enimpolo hakiho koa ny sakany,

Nehemia 10:34

ny mofo alahatra, ny fanatitra tsy tapaka, ny sorona dorana tsy tapaka, ny sorona amin’ny sabata, ny voaloham-bolana ary ny fety, ny zavatra masina, ny sorona noho ny ota, hanaovana ny fanonerana ho an’ny zanak’i Israely, mbamin’izay rehetra fanao ao an-tranon’ny Andriamanitsika.

Eksodosy 25:30

Hasianao ny mofo alahatra, izay ho eo anatrehako mandrakariva eo ambony latabatra.»

Eksodosy 29:38

«Izao no hatolotrao eo ambonin’ny ôtely: zanak’ondry efa iray taona, roa isan’andro tsy tapaka.

Eksodosy 29:39

Ny iray amin’ireo zanak’ondry ireo hatolotrao ny maraina, ny iray kosa hatolotrao amin’ny aty takariva.

Eksodosy 29:41

Ny zanak’ondry faharoa hatolotrao amin’ny aty takariva dia hampombainao fanatitra sy divay hatao fanatitra araraka toraky ny tamin’ny maraina, ankasitrahina ny fofony, sorona atao amin’ny afo ho an’i Iaveh.

Eksodosy 30:7

Eo no handoroan’i Aarôna ny emboka; isa-maraina no handoroany azy, rehefa mamboatra ny lalampy izy;

Levitikosy 23:2

«Mitenena amin’ny zanak’i Israely ka lazao aminy hoe: Ireto no fety lehibe ho an’i Iaveh izay hantsoinareo mba ho fivoriana masina; fetiko lehibe izany.»

Levitikosy 9:17

Ary natolony ny fanatitra; nakany eran-tanana ila, nodorany ambonin’ny ôtely fanampin’ny sorona dorana masina.

Nomery 28:11

«Amin’ny voaloham-bolanareo, ny haterinareo ho sorona dorana ho an’i Iaveh dia vantotr’ombalahy roa, ondralahy iray, zanak’ondry fito, efa iray taona, tsy misy kilema;

Nomery 28:9

«Amin’ny andro sabata kosa, dia zanak’ondry roa, efa iray taona, tsy misy kilema, no haterinao, ary lafarina tsara indrindra roa ampahafolony, voadity tamin’ny diloilo, hatao fanatitra, mbamin’ny fanatitra araraka momba azy.