2Tantara 17:5 - Baiboly Katolika

⁵ Koa nohamafisin’i Iaveh teo an-tanany ny fanjakana ary nitondran’i Jodà rehetra fanatitra i Jôsafata, ka nanan-karena amam-boninahitra be.

Baiboly Protestanta Malagasy 2011

⁵ Koa nampitoerin’NY TOMPO teo an-tanany ny fanjakana; ary nitondra fanomezana ho an’i Josafata ny Joda rehetra ka nanana harena sy voninahitra be izy.

DIEM PROTESTANTA

⁵ Koa nohamafisin’ny TOMPO ny fahefàm-panjakana teo an-tanany; ary dia nitondra fanomezana ho an’i Jôsafata ny Jodeanina rehetra, hany ka nanan-karena sy voninahitra be izy.

Dikateny Iombonana Eto Madagasikara

⁵ Koa nohamafisin’ny TOMPO ny fahefàm-panjakana teo an-tanany; ary dia nitondra fanomezana ho an’i Jôsafata ny Jodeanina rehetra, hany ka nanan-karena sy voninahitra be izy.

Baiboly Protestanta Malagasy

⁵ Koa dia nampitoerin’i Jehovah teo an-tànany ny fanjakana; ary ny Joda rehetra nitondra fanomezana ho an’i Josafata, ka dia nanana harena sy voninahitra be izy.

Malagasy Bible

⁵ Koa dia nampitoerin'i Jehovah teo an-tànany ny fanjakana; ary ny Joda rehetra nitondra fanomezana ho an'i Josafata, ka dia nanana harena sy voninahitra be izy.

La Bible en Malgache

⁵ Koa nampitoerin’NY TOMPO teo an-tanany ny fanjakana; ary nitondra fanomezana ho an’i Josafata ny Joda rehetra ka nanana harena sy voninahitra be izy.

2Tantara 17:5 Rohy Ifampitohizana

Genesisy 13:2

Nanana harena be tokoa i Abrama, dia volafotsy ary volamena.

1Mpanjaka 10:25

Sady samy nitondra ny fanatiny avy, dia fanaka volafotsy, fanaka volamena, fitafiana, fiadiana, zava-manitra, soavaly, mole, isan-taona.

1Mpanjaka 10:27

Tao Jerosalema ny volafotsy nataon’ny mpanjaka ho ankabetsahana toy ny vato, ary ny hazo sedera nataony maro toy ny amontana maniry any an-tany lemaka.

2Tantara 1:15

Ny volafotsy amam-bolamena tany Jerosalema, nataon’ny mpanjaka ankabetsahana tahaka ny vato; ny sedera nataony maro toy ny amontana maniry eny an-tany lemaka.

2Tantara 18:1

Nanan-karena amam-boninahitra be i Jôsafata ary nanao fanambadiana izy nihavanany tamin’i Akaba.

2Tantara 32:23

Maro ny olona nitondra fanatitra ho an’i Iaveh tany Jerosalema ary fanomezana sarobidy ho an’i Ezekiasa mpanjakan’i Jodà, izay tonga voasandratra teo imason’ny firenena rehetra hatramin’izay.

2Tantara 9:27

Ny volafotsy, tany Jerosalema, nataon’ny mpanjaka ho ankabetsahana toy ny vato, ary ny sedera nataony maro toy ny amontana maniry eny an-tany lemaka.

Joba 42:12

Nambinin’i Iaveh mihoatra noho ny tamin’ny taloha ny andro niainan’i Jôba tatỳ aoriana, ka nanana ondry 14.000, rameva 6.000, omby 1.000 tsiroaroa, ary ampondra vavy 1.000.

Salamo 127:1

Fihirana fiakarana. Nataon’i Salômôna. Raha tsy i Iaveh no manorina ny trano, miasa foana izay manorina azy. Raha tsy i Iaveh no miambina ny tanàna, miari-tory foana eo am-bavahadiny ny mpiambina.

Salamo 132:12

Raha tandreman’ny zanakao ny fanekeko, mbamin’ny didy hampianariko azy, dia hipetraka mandrakizay, eo amin’ny seza fiandriananao koa ny zanany.

Salamo 68:29

Mandidia ny fahefanao, ry Andriamanitra, hamafiso izay nataonao ho anay, ry Andriamanitra!

Salamo 72:10

Handoa hetra ny mpanjakan’i Tarsisa sy ny nosy; hanolotra fanatitra ny mpanjakan’i Sabà sy Merôe;

Salamo 76:11

Ka dia hody voninahitra ny fisafoaky ny olombelona, sy ny sisam-pahatezerany.

Ohabolana 16:12

Fahavetavetana amin’ny mpanjaka ny manao ratsy; fa ny rariny no iorenan’ny seza fiandrianana mafy.

Matio 2:11

ary rehefa tafiditra tao an-trano izy, dia nahita ny Zazakely sy i Maria reniny, ka niankohoka nitsaoka Azy; ary nony efa nosokafany ny fitoeran-drakiny, dia nanolotra fanatitra ho Azy izy, dia volamena sy emboka manitra ary mira. Ary indro ilay kintana hitany tany atsinanana, dia nialoha azy ambara-pijanony teo ambonin’izay nitoeran’ny Zaza.

Matio 6:33

Koa katsaho àry aloha ny fanjakan’Andriamanitra sy ny fahamarinany, dia homena izany rehetra izany ianareo ho fanampiny.

1Petera 5:10

Ary Andriamanitry ny fahasoavana rehetra, izay niantso anareo ho amin’ny voninahiny mandrakizay, no handavorary sy hampiorina ary hanamafy anareo, rehefa miaritra kelikely ianareo.