2Samoela 7:10 - Baiboly Katolika

¹⁰ Nanokan-toerana ho an’ny vahoakako, ho an’i Israely Aho, dia nampiorina azy eo, ka efa monina ao aminy izy, ary handry tsy amin’ahiahy, fa tsy hampahorian’ny zanaky ny faharatsiana toy ny taloha intsony,

Baiboly Protestanta Malagasy 2011

¹⁰ Hifidy tany ho an’ny Israely oloko Aho sady hamponina azy ka handry fehizay ao amin’ny fonenany izy ary tsy hanana ahiahy intsony; ny ratsy fanahy dia tsy hampahory azy intsony tahaka ny taloha,

DIEM PROTESTANTA

¹⁰ Ary handraiketako toerana iray hampiorenako azy ny Israely vahoakako, ka dia honina tsy hanana ahiahy amin’izany izy. Fa tsy hisy firenen-dozabe hampahory azy intsony taloha,

Dikateny Iombonana Eto Madagasikara

¹⁰ Ary handraiketako toerana iray hampiorenako azy ny Israely vahoakako, ka dia honina tsy hanana ahiahy amin’izany izy. Fa tsy hisy firenen-dozabe hampahory azy intsony taloha,

Baiboly Protestanta Malagasy

¹⁰ Ary hifidy tany ho an’ny Isiraely oloko Aho sady hamponina azy, ka dia handry fahizay amin’ny fonenany ary tsy hanana ahiahy intsony izy, ary ny zanaky ny faharatsiana tsy hampahory azy intsony tahaka ny taloha

Malagasy Bible

¹⁰ Ary hifidy tany ho an'ny Isiraely oloko Aho sady hamponina azy, ka dia handry fahizay amin'ny fonenany ary tsy hanana ahiahy intsony izy, ary ny zanaky ny faharatsiana tsy hampahory azy intsony tahaka ny taloha

La Bible en Malgache

¹⁰ Hifidy tany ho an’ny Israely oloko Aho sady hamponina azy ka handry fehizay ao amin’ny fonenany izy ary tsy hanana ahiahy intsony; ny ratsy fanahy dia tsy hampahory azy intsony tahaka ny taloha,

2Samoela 7:10 Rohy Ifampitohizana

2Mpanjaka 21:8

Tsy hampandehandeha ny tongotr’i Israely hiala amin’ity tany nomeko ny razany ity intsony Aho, raha tahiny mba mikely aina ihany izy hanaraka izay rehetra nandidiako azy, sy ny lalàna rehetra nandidian’i Môizy mpanompoko azy.»

1Tantara 17:9

Nanokan-toerana ho an’i Israely vahoakako Aho, dia nampiorina azy eo; ka efa monina eo aminy izy ary tsy hisy hanabataba azy, ary ny zanaky ny faharatsiana tsy hampahory azy toy ny taloha intsony,

2Tantara 33:8

Tsy havoakako hiala amin’ny tany notendreko ho an’ny razanareo ny tongotr’i Israely, raha mbola tandremany ihany koa ny manaraka izay rehetra nandidiako azy, dia araka ny didy aman-dalàna ary fitsipika nomena tamin’ny alalan’i Môizy.»

Salamo 44:2

Andriamanitra ô, ny sofinay mandre, ny razanay nitantara taminay, ny asa nataonao tamin’ny androny, tamin’ny andro fahataloha.

Salamo 44:4

Satria tsy ny sabatr’izy ireo no nahazoany ny tany, tsy ny sandrin’izy ireo no nahazoany fandresena, fa ny tananao ankavanana, ny sandrinao, ny fahazavan’ny Tavanao, satria tia azy Ianao.

Salamo 80:8

Ry Andriamanitry ny tafika ô ampodio amin’ny toetranay taloha izahay, ampamirapirato ny Tavanao, dia ho voavonjy izahay.

Salamo 80:9

Misy voaloboka nongotanao tany Ejipta; nandroaka ny firenena Ianao, hambolenao azy.

Eksodosy 1:22

Ary i Faraôna nandidy ny vahoaka rehetra, nanao hoe: «Atsipazo any anaty ony ny zazalahy teraka rehetra fa ny zazavavy avelao ho velona.»

Eksodosy 15:17

Hitondra sy hamponina azy Ianao Eo amin’ny tendrombohitry ny lovanao, Dia eo amin’ilay toerana nataonao ho fonenanao, ry Iaveh ô, eo amin’ny fitoerana masina namboarin’ny tananao, ry Tompo ô

Isaia 5:2

Ka nasainy ny tany, noesoriny ny vato taminy; ary namboly karazam-boaloboka teo izy. Nanorona tilikambo teo afovoany izy, ary nandavaka famiazam-boaloboka koa. Nampoiziny hamoa voaloboka tsara izy, kanjo divay marikivy no vokany.

Isaia 5:7

Fa ny taranak’i Israely, no tanimboalobok’i Iavehn’ny tafika, ary ny olona any Jodà, no voly nolalainy; hitsiny no nantenainy taminy, kanjo ra latsaka no niseho; ny fahamarinana no nantenainy, kanjo fitarainam-pahoriana no hita.

Isaia 60:18

Tsy ho re eo amin’ny taninao intsony izay hoe fampahoriana; na izay hoe fandravana amam-pandringanana, eo amin’ny faritaninao; ny mandanao antsoina hoe: i Famonjena, ary ny vavahadinao: i Fiderana.

Isaia 60:21

Tsy hisy afa-tsy olo-marina eo amin’ny vahoakanao, ary hanana ny tany mandrakizay izy ireo; dia izy ireo solofo namboleko, asan’ny tanako, noarîna ho voninahitro.

Jeremia 18:9

Matetika Aho miteny amin’ny firenena iray, na amin’ny fanjakana iray, hoe: haorina sy hambolena.

Jeremia 24:6

Hitsinjo azy ireo ny masoko hanasoa azy, ka hampodiko ho amin’ity tany ity; haoriko izy, ka tsy horavako intsony; hamboleko izy, ka tsy hongotako intsony.

Ezekiela 28:24

Amin’izay tsy hisy intsony, ho an’ny taranak’i Israely, izay tsilo mandoza, na roy mampangirifiry eo amin’izay rehetra mifanila aminy ka manao azy ho tsinontsinona; dia ho fantatry ny olona fa Tompo Iaveh Aho.

Hosea 2:18

Amin’izany andro izany - teny marin’i Iaveh, - ianao hiantso Ahy hoe: Vadiko: fa tsy hiantso Ahy intsony hoe: Baala-ko.

Amosa 9:15

Hamboleko eo amin’ny taniny izy, ka tsy hongotana intsony hiala amin’ny tany, izay efa nomeko azy», hoy i Iaveh Andriamanitrao.

Apokalipsy 21:4

Hofafan’Andriamanitra ny ranomaso rehetra amin’ny mason’izy ireo, ary ny fahafatesana dia tsy hisy intsony; ny alahelo amam-pitarainana sy fahoriana koa tsy hisy intsony, fa efa lasa ny toetra taloha.»

Mpitsara 4:3

Nitaraina tamin’i Iaveh ny zanak’i Israely fa nanan-kalesy vy sivin-jato i Jabìna, ary nampahory mafy ny zanak’i Israely hatramin’ny roapolo taona.

1Samoela 13:17

Ny tafi-pandringanana nivoaka avy teo an-tobin’ny Filistinina ka nizara telo toko: ny toko iray nihazo ny lalana mankany Efrà ho any amin’ny tany Soala,