2Samoela 5:9 - Baiboly Katolika

⁹ Dia niorim-ponenana teo amin’ny toerana mimanda i Davida, ka nataony hoe: Tanànan’i Davida izany. Ary nanorina trano tamin’ny manodidina i Davida hatrany Melaô, mbamin’ny ao anatiny koa.

Baiboly Protestanta Malagasy 2011

⁹ Dia nitoetra tao anatin’ny manda fiarovana i Davida ka ny anarany nataony hoe Tanànan’i Davida. Ary narafitr’i Davida ny manodidina, hatrany Milo, mbamin’ny ao anatiny.

DIEM PROTESTANTA

⁹ Nipetraka tao an-tanàna mimanda i Davida, ary niantso azy hoe «Tanànan’i Davida». Dia narafitr’i Davida ny manodidina, nanomboka hatreo Milao ka mifarana amin’ny trano fonenany.

Dikateny Iombonana Eto Madagasikara

⁹ Nipetraka tao an-tanàna mimanda i Davida, ary niantso azy hoe «Tanànan’i Davida». Dia narafitr’i Davida ny manodidina, nanomboka hatreo Milao ka mifarana amin’ny trano fonenany.

Baiboly Protestanta Malagasy

⁹ Dia nitoetra tao anatin’ny batery fiarovana Davida, ary ny anarany nataony hoe ,Tanànan’i Davida.’ Ary narafitr’i Davida ny manodidina hatrany Milo mbamin’ny ao anatiny.

Malagasy Bible

⁹ Dia nitoetra tao anatin'ny batery fiarovana Davida, ary ny anarany nataony hoe: Tanànan'i Davida. Ary narafitr'i Davida ny manodidina hatrany Milo mbamin'ny ao anatiny.

La Bible en Malgache

⁹ Dia nitoetra tao anatin’ny manda fiarovana i Davida ka ny anarany nataony hoe Tanànan’i Davida. Ary narafitr’i Davida ny manodidina, hatrany Milo, mbamin’ny ao anatiny.

2Samoela 5:9 Rohy Ifampitohizana

2Samoela 5:7

Kanjo afak’i Davida ny toerana mimanda tao Siôna: ny tanànan’i Davida izany.

2Samoela 5:8

Ary hoy i Davida tamin’izany andro izany: «Na iza na iza hamely ny Jeboseanina, ka hihazo amin’ny lalan-drano...Fa ny mandringa sy ny jamba koa dia mankahala ny ain’i Davida.» Izany no niavian’ilay fitenenana hoe: tsy ho tafiditra an-trano ny jamba sy ny mandringa.

2Samoela 6:10

Koa i Davida tsy nety nandray ny Fiaran’i Iaveh ho any aminy, any an-tanànan’i Davida, fa nasain’i Davida nentina nankany an-tranon’i Obededôma, any Geta, ny Fiara.

1Mpanjaka 11:27

Izao no nahatonga azy hikomy amin’ny mpanjaka: Nanorina an’i Melao sy nanampina ny banga tamin’ny tanànan’i Davida rainy i Salômôna.

1Mpanjaka 2:10

Dia nandry any amin’ny razany i Davida, ka nalevina tao an-tanànan’i Davida.

1Mpanjaka 9:15

Izao kosa no momba ny olona mpanao fanompoana nalain’i Salômôna, hanaovana ny tranon’i Iaveh sy ny tranony, i Melao sy ny mandan’i Jerosalema, i Hasera, i Megedaô, ary i Gazera.

1Mpanjaka 9:24

Ary niakatra ny zanaka vavin’i Faraôna avy any an-tanànan’i Davida, ho ao amin’ny tranony, izay nataon’i Salômôna ho azy, ka tamin’izay izy no nanorina an’i Melaô.

2Mpanjaka 12:20

Ny sisa tamin’ny asan’i Jôasa mbamin’izay rehetra nataony, moa tsy dia efa voasoratra ao amin’ny bokin’ny Tantaran’ny mpanjakan’i Jodà va izany?

2Mpanjaka 12:21

Nikomy taminy ny mpanompony ary nanao teti-dratsy, dia nasiany tao an-tranon’i Melô amin’ny fidinan’i Selà Jôasa.

1Tantara 11:8

Nanorina ny tanàna tamin’ny manodidina hatrany i Melao sy ny eny akaiky eny izy, ary i Jôaba namboatra ny sisa tamin’ny tanàna.

2Tantara 32:5

Nahazo hery i Ezekiasa, ka namboariny avokoa ny manda rava, nohavaoziny ny tilikambo, naoriny ny manda hafa teo ivelany, nohamafisiny i Melô tao an-tanànan’i Davida, ary nampanao fiadiana aman’ampinga betsaka izy.

Nehemia 3:15

I Seloma zanak’i Kôlkôzà, lehiben’ny faritanin’i Masfà, no namboatra ny vavahadin’ny Loharano; narafiny sy notafoany izy, dia nalatsany ny lela vavahady, mbamin’ny karetsaka sy ny barany; fanampin’izany koa nanao ny mandan’ny farihin’i Siloe, anilan’ny zaridainan’ny Mpanjaka izy, hatreo amin’ny ambaratonga midina avy any an-tanànan’i Davida.

Salamo 122:3

Ry Jerosalema, ianao voaorina toy ny tanàna, izay iraisan’ny zavatra rehetra.

Isaia 29:1

Loza ho an’i Ariela, dia i Ariela, ilay tanàna nilasian’i Davida! Ampio taona ny taona, aoka ho tafatsingerina ireo fety lehibe,

Mpitsara 9:20

Fa raha tsy izany, dia aoka i Abimeleka hivoaka afo ka handevona ny mponina ao Sikema mbamin’ny ankohonan’i Melao ary ny mponina ao Sikema mbamin’ny ankohonan’i Melao koa hivoaka afo ka handevona an’i Abimeleka.

Mpitsara 9:6

Tamin’izay dia nivory ny mponina rehetra ao Sikema mbamin’ny ankohonan’i Melao rehetra, ka tonga izy ary nampanjaka an’i Abimeleka, teo anilan’ny terebintan’ny tsangam-bato any Sikema.