2Samoela 19:12 - Baiboly Katolika

¹² Naniraka hilaza amin’i Sadôka sy i Abiatara mpisorona i Davida nanao hoe: «Mitenena ianareo amin’ny loholon’i Jodà, ka lazao aminy hoe: Nahoana no dia ianareo indray no ho farany amin’ny fampodiana ny mpanjaka ho any an-tranony? Fa efa tonga hatrany amin’ny mpanjaka, any aminy, ny teny voabitsibitsika eran’i Israely rehetra.

Baiboly Protestanta Malagasy 2011

¹² Ary nandefa iraka tany amin’i Zadoka sy i Abiatara mpisorona i Davida mpanjaka hiteny hoe: Lazao amin’ny loholon’ny Joda hoe: Nahoana no dia ianareo indray no ho farany amin’ny fampodiana ny mpanjaka ho any an-tranony? Satria ny tenin’ny Israely rehetra dia efa tonga tao amin’ny mpanjaka tao an-tranony.

DIEM PROTESTANTA

¹² Fa i Davida kosa naniraka olona hilaza amin’i Tsadôka sy i Abiatara mpisorona hoe: «Mitenena amin’ny loholon’i Joda ianareo ka manontania azy hoe: ‹Nahoana no ianareo indray no ho farany amin’ny fampodiana ny mpanjaka any an-tranony, nefa izay nolazain’ireo Israelita hafa rehetra dia efa tonga any amin’ny mpanjaka!

Dikateny Iombonana Eto Madagasikara

¹² Fa i Davida kosa naniraka olona hilaza amin’i Tsadôka sy i Abiatara mpisorona hoe: «Mitenena amin’ny loholon’i Joda ianareo ka manontania azy hoe: ‹Nahoana no ianareo indray no ho farany amin’ny fampodiana ny mpanjaka any an-tranony, nefa izay nolazain’ireo Israelita hafa rehetra dia efa tonga any amin’ny mpanjaka!

Baiboly Protestanta Malagasy

¹² Ary Davida mpanjaka naniraka tany amin’i Zadoka sy Abiatara mpisorona ka nanao hoe: Ataovy amin’ny loholon’ny Joda hoe: Nahoana no dia hianareo indray no ho farany amin’ny fampodiana ny mpanjaka ho any an-tranony? –fa ny tenin’ny Isiraely rehetra efa tonga tao amin’ny mpanjaka tao an-tranony–

Malagasy Bible

¹² Ary Davida mpanjaka naniraka tany amin'i Zadoka sy Abiatara mpisorona ka nanao hoe: Ataovy amin'ny loholon'ny Joda hoe: Nahoana no dia ianareo indray no ho farany amin'ny fampodiana ny mpanjaka ho any an-tranony? fa ny tenin'ny Isiraely rehetra efa tonga tao amin'ny mpanjaka tao an-tranony

La Bible en Malgache

¹² Ary nandefa iraka tany amin’i Zadoka sy i Abiatara mpisorona i Davida mpanjaka hiteny hoe: Lazao amin’ny loholon’ny Joda* hoe: Nahoana no dia ianareo indray no ho farany amin’ny fampodiana ny mpanjaka ho any an-tranony? Satria ny tenin’ny Israely rehetra dia efa tonga tao amin’ny mpanjaka tao an-tranony.

2Samoela 19:12 Rohy Ifampitohizana

Genesisy 2:23

Ary hoy ralehilahy: «Amin’izao, ity no taolana avy amin’ny taolako, sy nofo avy amin’ny nofoko. Hantsoina hoe vehivavy izy, satria nalaina avy tamin’ny lehilahy.»

Genesisy 29:14

ka hoy i Labàna taminy: «Eny taolako sy nofoko ianao.» Ary nitoetra teo aminy iray volana maninjitra i Jakôba.

2Samoela 19:41

Nandroso nankany Galgalà ny mpanjaka dia niaraka taminy i Kamaama, ary ny lehilahy rehetra amin’i Jodà, sy ny antsasaky ny lehilahy amin’i Israely samy nanotrona ny mpanjaka.

2Samoela 19:42

Fa indreto tonga teo amin’ny mpanjaka ny lehilahy rehetra amin’i Israely, ka nanao taminy hoe: «Ahoana no nangalaran’ny lehilahy amin’i Jodà, rahalahinay, anao; ka nitondrany ny mpanjaka sy ny ankohonany mbamin’ny olona rehetra nomba an’i Davida nita an’i Jordany?»

2Samoela 5:1

Ary tonga amin’i Davida tany Hebrôna ny fokon’i Israely rehetra ka nanao hoe: «Indreto izahay, fa taolanao sy nofonao ihany izahay.

2Samoela 8:17

I Sadôka zanak’i Akitoba sy i Akimeleka, zanak’i Abiatara, no mpisorona; i Saraiasa no mpanoratra;

Romana 11:14

mba hahavelom-pialonana an’ireo tapako, ka hamonjy ny sasany amin’izy ireo, raha azo atao.

Efesiana 5:30

satria rantsam-batany, avy amin’ny nofo aman-taolany, isika.

Mpitsara 9:2

«Raha sitrakareo mba lazao kely ho ren’ny mponina rehetra ao Sikema izao: Inona no tsara ho anareo ny hanjakan’izy fitopolo lahy, samy zanak’i Jerobaala, aminareo va, sa ny hanjakan’ny lehilahy iray aminareo? Ary tsarovy fa taolana sy fonareo ihany aho».