2Samoela 16:21 - Baiboly Katolika

²¹ Dia hoy i Akitôfela tamin’i Absalôma: «Mandehana amin’ny vaditsindrano navelan-drainao hiandry trano, dia ho hitan’i Israely rehetra amin’izany fa manao izay hahatafintohina an-drainao aminao ianao, ka dia hihamahery ny tanan’izay rehetra momba anao.»

Baiboly Protestanta Malagasy 2011

²¹ Dia hoy i Ahitofela tamin’i Absaloma: Midira ao amin’ny vady tsindranon’ny rainao, izay nampiandrasiny trano; dia ho ren’ny Israely rehetra fa efa nanamaimbo tena eo anatrehan-drainao ianao ka hahery ny tanan’izay rehetra momba anao.

DIEM PROTESTANTA

²¹ Dia hoy kosa i Ahitôfela tamin’i Absalôma: –Mandehana mandry amin’ny vadikelin-drainao izay nasainy niandry ny trano. Ho fantatry ny Israelita rehetra fa nanao izay nahafa-baràka an-drainao ianao, ka dia hahery ny tanan’izay rehetra mpomba anao.

Dikateny Iombonana Eto Madagasikara

²¹ Dia hoy kosa i Ahitôfela tamin’i Absalôma: –Mandehana mandry amin’ny vadikelin-drainao izay nasainy niandry ny trano. Ho fantatry ny Israelita rehetra fa nanao izay nahafa-baràka an-drainao ianao, ka dia hahery ny tanan’izay rehetra mpomba anao.

Baiboly Protestanta Malagasy

²¹ Dia hoy Ahitofela tamin’i Absaloma: Midira ao amin’ny vaditsindranon-drainao, izay nampiandrasiny trano; dia ho ren’ny Isiraely rehetra fa efa nanamaimbo tena eo anatrehan-drainao hianao, ka dia hahery ny tànan’izay rehetra momba anao.

Malagasy Bible

²¹ Dia hoy Ahitofela tamin'i Absaloma: Midira ao amin'ny vaditsindranon-drainao, izay nampiandrasiny trano; dia ho ren'ny Isiraely rehetra fa efa nanamaimbo tena eo anatrehan-drainao ianao, ka dia hahery ny tànan'izay rehetra momba anao.

La Bible en Malgache

²¹ Dia hoy i Ahitofela tamin’i Absaloma: Midira ao amin’ny vady tsindranon’ny rainao, izay nampiandrasiny trano; dia ho ren’ny Israely rehetra fa efa nanamaimbo tena eo anatrehan-drainao ianao ka hahery ny tanan’izay rehetra momba anao.

2Samoela 16:21 Rohy Ifampitohizana

Genesisy 34:30

Fa hoy kosa i Jakôba tamin’i Simeôna sy i Levỳ: «Nampanahirana ahy ianareo, fa nomaimboinareo amin’ny tany ama-monina aho, dia amin’ny Kananeanina sy amin’ny Ferezeanina. Izaho dia olom-bitsy ka hikambana izy hamely ahy, ka hovonoiny aho, dia ho fongotra aho sy ny ankohonako.»

Genesisy 35:22

Raha mbola nipetraka teo amin’izany tany izany i Israely dia avy i Robena ka nandry tamin’i Balà, vaditsindranon-drainy; ary nandre izany i Israely. Roa ambin’ny folo no isan’ny zanakalahin’i Jakôba.

Genesisy 38:16

ka nivily nanitsy azy teny amin’ny lalana izy, dia nanao hoe: «Aoka mba handeha aminao aho.» Fa tsy fantany hoe vinantony io. Dia hoy ravehivavy: «Omenao inona aho, raha mandeha amiko ianao?»

Genesisy 6:4

Ary tamin’izany andro izany dia nisy ny Rapeton’olona teto ambonin’ny tany, dia rehefa nankamin’ny zanaka vavin’ny olombelona ny zanak’Andriamanitra, sy efa nahary zaza taminy. Ary ireny no olo-mahery nalaza hatrizay ela izay.

2Samoela 10:6

Fantatry ny taranak’i Amôna, fa hankahalan’i Davida azy ny nataony ka ny taranak’i Amôna dia naniraka olona haka miaramila hokaramaina avy amin’ny Sirianina any Beta-Rohoba sy amin’ny Sirianina any Sobà, dia miaramila an-tongotra 20.000, ary any amin’ny mpanjakan’i Maakà koa 2.000 lahy, ary any olona ao Tôba 12.000 lahy.

2Samoela 12:11

Izao no lazain’i Iaveh: Indro fa ny ankohonanao, hananganako ny loza hihatra aminao; ny vadinao hotsoahako eo imasonao, ka homeko ny mifanolo-bodirindrina aminao, izay handry aminy eo anatrehan’izao masoandro izao;

2Samoela 13:5

Dia hoy i Jônadaba taminy: «Mandria eo am-parafara, ka modia marary. Ary rehefa tonga hamangy anao irainao, dia lazao aminy hoe: Avelao kely i Tamara anabaviko no ho avy hampihinan-kanina ahy, raha sitrakao; aoka hamboariny eo imasoko ny nahandro mba ho hitako, ary hihinana izany avy eny an-tanany aho.»

2Samoela 15:16

Dia niainga ny mpanjaka, narahin’ny fianakaviany rehetra, nandeha an-tongotra; fa vaditsindrano folo no najanony hiandry trano.

2Samoela 16:20

Ka hoy i Absalôma tamin’i Akitôfela: «Manaova fivoriana fakan-kevitra ianareo, ny amin’izay tokony hataontsika.»

2Samoela 17:7

Ary hoy ny navalin’i Kosaia nanao hoe: «Tsy mety ny hevitra nomen’i Akitôfela tamin’ity indray mitoraka ity.»

2Samoela 2:7

Ary amin’izao hankeherezina anie ny tananareo, ka ho lehilahy mahery ianareo! Fa maty izay i Saola tomponareo, ary izaho no natsangan’ny fokon’i Jodà ho mpanjakany.»

2Samoela 20:3

Nody tao an-tranony tao Jerosalema i Davida ary nalain’ny mpanjaka ny vaditsindranony folo, izay napetrany hiandry trano, ka nataony teo amin’ny trano anankiray nasiana fiambenana. Niantohany ny fiveloman’ireo, nefa tsy nandeha taminy intsony izy, ka voahiboka mandra-pahafaty izy ireo, dia nitoetra nanano-tena.

1Mpanjaka 11:25

Nandritra ny andro rehetra niainan’i Salômôna izy, dia nitsangan-ko fahavalon’i Israely, nanampy ny ratsy nafitsok’i Adada, ary nankahala an’i Israely. Nanjaka tamin’i Siria izy.

1Mpanjaka 2:17

Dia ho izy: «Miangavy anao aho hilaza amin’i Salômôna mpanjaka, fa tsy handà anao izy, mba hanomezany an’i Abisaga Sonamita ho vadiko.»

1Mpanjaka 2:22

Fa hoy ny navalin’i Salômôna mpanjaka tamin-dreniny: «Ahoana no angatahanao an’i Abisaga Sonamita ho an’i Adoniasa? Angataho ho azy koa ny fanjakana; fa izy rahateo no zokiko, dia ho azy sy ho an’i Abiatara mpisorona ary ho an’i Jôaba zanak’i Sarvià.»

Levitikosy 18:8

Aza manokatra ny fitanjahan-drenikelinao, fa fitanjahan-drainao izany.

Levitikosy 20:11

Raha misy lehilahy mandry amin’ny vadin-drainy, ka manokatra ny fitanjahan-drainy dia hoheloin-ko faty izy roaroa, ka dia amin’izy ireo ny rany.

Zakaria 8:13

Ary hisy toy izao: Toy ny naha-fanozonana anareo tany amin’ny firenena, ry taranak’i Jodà sy taranak’i Israely, no hanafahako anareo, ka hahatongavanareo ho fitsofan-drano. Aza matahotra fa aoka hatanjaka ny tananareo!»

1Korintiana 5:1

Re laza tsy leo dina fa misy fahalotoana atỳ aminareo, sady fahalotoana tsy fahita na dia any amin’ny Jentily aza, dia olona anankiray manambady ny vadin-drainy!

1Samoela 13:4

Dia ren’i Israely rehetra ny vaovao: Namely ny miaramilan’ny Filistinina i Saola, ary tonga mahadikidiky ny Filistinina aza i Israely. Ary nantsoina ho any amin’i Saola any Galgalà ny vahoaka.

1Samoela 27:12

ka natoky an’i Davida i Akisa, fa hoy izy: «Nanao izay hampangidy hoditra azy amin’i Israely vahoakany izy, ka ho mpanompoko mandrakizay».