1Mpanjaka 8:3 - Baiboly Katolika

³ Nony tonga ny loholona rehetra amin’i Israely, dia nentin’ny mpisorona ny Fiara.

Baiboly Protestanta Malagasy 2011

³ Ary tonga ny loholon’ny Israely rehetra ka ny mpisorona no nitondra ny vata misy ny Fanekena.

DIEM PROTESTANTA

³ Rehefa tonga avokoa ny loholon’i Israely, dia noraisin’ireo mpisorona ny Vatamasina.

Dikateny Iombonana Eto Madagasikara

³ Rehefa tonga avokoa ny loholon’i Israely, dia noraisin’ireo mpisorona ny Vatamasina.

Baiboly Protestanta Malagasy

³ Ary tonga ny loholon’ny Isiraely rehetra, ary ny mpisorona no nitondra ny fiara;

Malagasy Bible

³ Ary tonga ny loholon'ny Isiraely rehetra, ary ny mpisorona no nitondra ny fiara;

La Bible en Malgache

³ Ary tonga ny loholon’ny Israely rehetra ka ny mpisorona no nitondra ny vata misy ny Fanekena*.

1Mpanjaka 8:3 Rohy Ifampitohizana

2Samoela 6:12

Nisy olona tonga nilaza tamin’i Davida mpanjaka nanao hoe: «Nambinin’i Iaveh ny ankohonan’i Obededôma sy ny ananany rehetra, noho ny amin’ny Fiaran’Andriamanitra.» Dia niainga nandeha i Davida, ka nampiakatra ny Fiaran’Andriamanitra avy any an-tranon’i Obededôma ho any an-tanànan’i Davida, nomba-mpanotrona maro niravoravo.

1Mpanjaka 8:6

Dia nentin’ny mpisorona teo amin’ny toerany ny Fiaran’ny faneken’i Iaveh, dia tao amin’ny Toerana Masin’ny trano, ao amin’ny Fitoerana Masina indrindra, teo ambonin’ny elatry ny kerobima.

1Tantara 15:2

Hoy i Davida tamin’izay: «Tsy misy afa-tsy ny Levita ihany no hitondra ny Fiaran’Andriamanitra satria ireo no voafidin’i Iaveh hitondra ny fiaran’Andriamanitra sy hanao ny fanompoana momba azy mandrakizay.»

Nomery 4:15

Rehefa vitan’i Aarôna sy ny zanany ny fanaronana ny fitoerana masina mbamin’ny fanaka rehetra momba azy, ka hifindra lasy, dia ho avy ny taranak’i Kaata hitondra azy; tsy hikasika ny zavatra masina anefa izy ireo, fandrao maty. Izany zavatra momba ny trano lay fihaonana izany, no ho anjara entan’ny taranak’i Kaata.

Nomery 7:9

Fa tsy nomeny kosa ny taranak’i Kaata, satria ny fanaka masina no anjara fanompoany, ka tsy maintsy lanjainy an-tsoroka.

Deoteronomia 31:9

Nosoratan’i Môizy izany lalàna izany, dia natolony tamin’ny mpisorona, taranak’i Levì mpitondra ny fiaran’ny faneken’i Iaveh, mbamin’ny loholon’i Israely rehetra.

Josoa 3:3

ka nandidy ny vahoaka hoe: «Rehefa hitanareo ny fiaran’ny faneken’i Iaveh Andriamanitrareo, entin’ny mpisorona Levita, dia mialà eo amin’ity toerana ity, ka miaingà manaraka azy.

Josoa 3:6

Dia niteny tamin’ny mpisorona i Jôsoe ka nanao hoe: «Ento ny fiaran’ny fanekena ka mità eo alohan’ny vahoaka.» Dia nentin’izy ireo ny fiaran’ny fanekena, ka nandroso teo alohan’ny vahoaka izy.

Josoa 4:9

Nanangana vato roa ambin’ny folo i Jôsoe, teo afovoan’i Jordany, teo amin’ilay toerana nijanonan’ny tongotry ny mpisorona nitondra ny fiaran’ny fanekena; ka nipetraka tao mandrak’androany izany.

Josoa 6:6

Dia niantso ny mpisorona i Jôsoe, zanak’i Nona, ka nanao taminy hoe: «Ento ny fiaran’ny fanekena, ka aoka ny mpisorona fito hitondra trômpetra fito mafy faneno eo alohan’ny fiaran’i Iaveh.»