1Mpanjaka 14:9 - Baiboly Katolika

⁹ fa nanao ratsy mihoatra izay talohanao rehetra ianao, andriamani-kafa sy sarin-javatra anidina no lasa nataonao hampahatezitra Ahy, fa Izaho kosa nailikao any ivohonao!

Baiboly Protestanta Malagasy 2011

⁹ Fa nanao izay ratsy mihoatra noho izay rehetra talohanao ianao ka lasa nanao andriamanitra hafa sy sarin-javatra voarendrika ka nahatezitra Ahy, ary Izaho narianao teo ivohonao:

DIEM PROTESTANTA

⁹ Fa ratsy kokoa noho izay vitan’ireo rehetra talohanao no nataonao, satria namboatra andriamani-kafa sy sarivongana voarendrika hampahatezitra Ahy ianao ary efa nanilika Ahy any ivohonao.

Dikateny Iombonana Eto Madagasikara

⁹ Fa ratsy kokoa noho izay vitan’ireo rehetra talohanao no nataonao, satria namboatra andriamani-kafa sy sarivongana voarendrika hampahatezitra Ahy ianao ary efa nanilika Ahy any ivohonao.

Baiboly Protestanta Malagasy

⁹ fa nanao ratsy mihoatra noho izay rehetra teo alohanao hianao, fa lasa nanao andriamani-kafa sy sarin-javatra an-idina ka nampahatezitra Ahy, fa Izaho efa narianao teo ivohonao:

Malagasy Bible

⁹ fa nanao ratsy mihoatra noho izay rehetra teo alohanao ianao, fa lasa nanao andriamani-kafa sy sarin-javatra an-idina ka nampahatezitra Ahy, fa Izaho efa narianao teo ivohonao:

La Bible en Malgache

⁹ Fa nanao izay ratsy mihoatra noho izay rehetra talohanao ianao ka lasa nanao andriamanitra hafa sy sarin-javatra voarendrika ka nahatezitra Ahy, ary Izaho narianao teo ivohonao:

1Mpanjaka 14:9 Rohy Ifampitohizana

1Mpanjaka 12:28

Dia nandinidinika ny mpanjaka, ka nanao zanak’omby volamena roa ary nilaza tamin’ny vahoaka hoe: «Efa ela niakarana tany Jerosalema ianareo, ry Israely, ity no andriamanitrao, izay nitondra anao niakatra avy tany amin’ny tany Ejipta.»

1Mpanjaka 14:16

Hanolotra an’i Israely izy noho ny fahotan’i Jerôbôama, izay nataon’ny tenany sy izay nampanaoviny an’i Israely.»

1Mpanjaka 14:22

Nanao izay ratsy teo imason’i Iaveh i Jodà, ka nampahasaro-piaro Azy tamin’ny fahotana nataony, mihoatra noho izay nataon’ny razana.

1Mpanjaka 15:29

Nony tonga mpanjaka izy, dia novonoiny avokoa ny fianakavian’i Jerôbôama, ka tsy nasiany niangana rehefa mety ho olona velona koa tamin’ny fianakavian’i Jerôbôama, fa naringany daholo araka ny tenin’i Iaveh nolazainy tamin’ny alalan’i Ahiasa mpanompony, avy any Silao,

1Mpanjaka 15:30

noho ny fahotan’i Jerôbôama izay nataony sy izay nampanaoviny an’i Israely, ka nampahatezerany an’i Iaveh Andriamanitr’i Israely tamin’izany.

1Mpanjaka 15:34

Nanao izay ratsy eo imason’i Iaveh izy, ary nandeha tamin’ny lalan’i Jerôbôama sy tamin’ny fahotana nampanaoviny an’i Israely.

1Mpanjaka 16:25

Nanao izay ratsy eo imason’i Iaveh i Amrì, sady nanao ratsy mihoatra izay rehetra talohany izy.

1Mpanjaka 16:30

Nanao izay ratsy eo imason’ny Tompo mihoatra noho izay rehetra teo alohany, i Akaba zanak’i Amrì.

1Mpanjaka 16:31

Hoatra ny noheveriny fa zavatra kely foana ny mandeha amin’ny fahotan’i Jerôbôama zanak’i Nabata, ka dia nalainy ho vady i Jezabela, zanaka vavin’i Etbaala, mpanjakan’ny Sidonianina, ka lasa izy nanompo an’i Baala sy niankohoka teo anatrehany.

1Mpanjaka 16:33

sady nanao aserah koa i Akaba. Nanao izay nampahatezitra an’i Iaveh Andriamanitr’i Israely i Akaba mihoatra noho ny mpanjakan’i Israely rehetra talohany.

2Mpanjaka 21:3

Naorina indray ny fitoerana avo noraran’i Ezekiasa rainy, nanangana ôtely ho an’i Baala izy, nanao aseraha anankiray tahaka ny nataon’i Akaba mpanjakan’i Israely, ary niankohoka teo anatrehan’ny tafiky ny lanitra rehetra sy nanompo ireny.

2Mpanjaka 23:26

Kanefa tsy nionona i Iaveh tamin’ny firehetan’ny fahatezerany mafy, satria nirehitra tamin’i Jodà ny fahatezerany, noho ny fihatsiana nampahatezeran’i Manase Azy.

2Mpanjaka 3:3

Fa nikiry tamin’ny fahotan’i Jerôbôama zanak’i Nabata nampanota an’i Israely izy, ka tsy nialany izany.

2Tantara 11:15

fa nanangana mpisorona izy io ho amin’ny fitoerana avo sy ho an’ny osilahy, ary ho an’ny zanak’omby nataony.

2Tantara 33:6

Nampamakiny ny afo tao an-dohasahan’i Bena-Enôma ny zanany, Narahiny avokoa ny fomban’ny fanandroana, ny sikidy, ny fankatoavana, nanendry olona ho mpiantso ny fanahy sy ho mpanao ody izy.

Nehemia 9:25

Afany ny tanàna mimanda, azony ny tany lonaka, ary nahazo trano feno zava-tsoa isan-karazany izy, lavaka famorian-drano efa voahady, voaloboka sy ôliva mbamin’ny hazo fihinam-boa ankabetsahana. Ary nihinana izy ka voky, dia nihamatavy ary nanaram-po tamin’ny zavatra mahafaly, noho ny hatsaram-ponao lehibe.

Nehemia 9:26

«Kanefa nikomy izy ireo sy niodina taminao, natsipiny any ivohony ny lalànao, novonoiny ireo mpaminaninao, vavolombelona nanohitra azy mba hamerina azy ho aminao, ka rafitra naniratsira Anao izaitsizy izy.

Salamo 106:29

Nampahatezitra an’i Iaveh tamin’ny nataony izy ireo, dia nibosesehan’ny loza.

Salamo 50:17

izay ianao olona mankahala fifehezana, sy manifika ny teniko any ivohonao?

Salamo 78:40

Impiry akory moa izy ireo no niodina taminy tany an’efitra, nampahatezitra Azy tany amin’ny tany mangingina!

Salamo 78:56

Na dia izany aza, mbola naka fanahy sy nihantsy an’Andriamanitra Avo indrindra ihany izy ireo, ka tsy nitandrina ny didiny.

Salamo 78:58

Nampahatezitra Azy, tamin’ny fitoerana avony; nampahasaro-piaro Azy, tamin’ny sampiny.

Eksodosy 34:17

«Aza manao andriamanitra anidina ho anao.»

Jeremia 32:18

Ianao no mamindra fo amin’ny arivony sy mamaly ny heloky ny ray, eo an-kibon’ny zaza mandimby azy, ianao no Andriamanitra lehibe sy mahery, izay manana anarana hoe: Iavehn’ny tafika,

Jeremia 7:18

Ny zanaka manangon-kitay; ny ray mandrehitra afo; ny vehivavy mametafeta koba, hanaovana mofo ho an’ny mpanjaka vavin’ny lanitra, sy hanidina fanatitra araraka ho an’andriamani-kafa, mba haniratsirana Ahy.

Jeremia 7:26

kanefa izy ireo tsy nihaino Ahy, tsy nanongilan-tsofina; fa nanamafy ny hatony, nanao ratsy mihoatra noho ny razany aza.

Ezekiela 23:35

Koa izao no lazain’ny Tompo Iaveh: Noho ianao nanadino Ahy, sy nanifika Ahy ho any ivohonao: dia aoka ianao koa mba hizaka ny sazin’ny fahalotoanao, amam-pijangajanganao!

Ezekiela 8:17

Ka hoy izy tamiko: «Efa hitanao va, ry zanak’olona? Mbola tsy ampy ihany va ho an’ny taranak’i Jodà ny manao izao fahavetavetana ataony eto izao, no mbola fenoiny fampahoriana koa ny tany; ka niverenany hatao lalandava izay hampahatezitra Ahy? Indro izy ireo manainga ny rantsan-kazo ho eo amin’ny orony.

Ezekiela 8:3

Nisy tarehin-tanana natsotrany, dia noraisiny tamin’ny volondohako miolikolika aho, ka naingain’ny Fanahy ho eny anelanelan’ny tany aman-danitra, sy nentiny, tamin’ny fahitana avy amin’Andriamanitra, ho any Jerosalema, teo anoloan’ny vavahady anatiny, ilay nitodika mianavaratra, misy ny sampin’ny fialonana, mamelona fialonana.

Levitikosy 19:4

Aza mitodi-doha amin’ny sampy; ary aza manao andriamanitra anidina ho anareo. Izaho no Iaveh Andriamanitrareo.

1Korintiana 10:22

Te-hampahasaro-piaro ny Tompo angaha isika? Mahery noho Izy va isika?

Deoteronomia 32:21

Nampahasaro-piaro Ahy tamin’izay tsy andriamanitra izy ary nampahatezitra Ahy tamin’ny sampiny tsinontsinona, ka dia mba hampahasaro-piaro azy amin’izay tsy vahoaka kosa Aho, sy hampahatezitra azy amin’izay firenena adala.

Deoteronomia 9:24

Niodina tamin’i Iaveh ihany ianareo hatramin’izay andro nahalalako anareo izay.

Mpitsara 5:8

Fa nifidy andriamani-baovao ny olona, ka nitsidika eo am-bavahady ny ady, ary ny ampinga aman-defona tsy nisy hita, teo amin’ny olona efatra alina, amin’i Israely.