1Mpanjaka 12:16 - Baiboly Katolika

¹⁶ Nony hitan’i Israely rehetra fa tsy nohenoin’ny mpanjaka izy, dia hoy ny navalin’ny vahoaka ny mpanjaka: «Manana anjara amin’i Davida moa izahay? Tsy manan-dova amin’ny zanak’i Isay akory izahay! Koa samia ho any an-dainao, ry Israely! fa ianao kosa, ry Davida, ahio ny tranonao.» Dia lasa i Israely nankany an-dainy.

Baiboly Protestanta Malagasy 2011

¹⁶ Nony hitan’ny Israely rehetra fa tsy nihaino azy ny mpanjaka dia hoy ny vahoaka tamin’ny mpanjaka: Inona moa no anjaranay amin’i Davida? Tsy manana lova amin’ny zanak’i Jese izahay! Samia mody any an-dainy avy, ry Israely e! Ankehitriny, jereo ny tranonao, ry Davida ô! Dia samy nody ho any an-dainy avy ny Israely.

DIEM PROTESTANTA

¹⁶ Rehefa tsapan’ny Israelita tavaratra rehetra fa tsy nankatoavin’ny mpanjaka ny fitakiany, dia hoy ny navalin’ireo hoe: –Tsy manana anjara amin’i Davida isika na manana anjara lova amin’ny zanakalahin’i Jisay. Samia mody any an-tranony avy isika, ry Israelita tavaratra; ary ianao kosa, ry zafikelin’i Davida, karakarao ny fanjakanao! Dia samy nody ho any an-tranony avy ny Israelita tavaratra rehetra.

Dikateny Iombonana Eto Madagasikara

¹⁶ Rehefa tsapan’ny Israelita tavaratra rehetra fa tsy nankatoavin’ny mpanjaka ny fitakiany, dia hoy ny navalin’ireo hoe: –Tsy manana anjara amin’i Davida isika na manana anjara lova amin’ny zanakalahin’i Jisay. Samia mody any an-tranony avy isika, ry Israelita tavaratra; ary ianao kosa, ry zafikelin’i Davida, karakarao ny fanjakanao! Dia samy nody ho any an-tranony avy ny Israelita tavaratra rehetra.

Baiboly Protestanta Malagasy

¹⁶ Ary nony hitan’ny Isiraely rehetra fa tsy nihaino azy ny mpanjaka, dia namaly ny mpanjaka ny vahoaka ka nanao hoe: Inona moa no anjaranay amin’i Davida? Tsy manana lova amin’ny zanak’i Jese izahay; samia mody any an-dainy avy, ry Isiraely e; ankehitriny tandremo ny taranakao, ry Davida ô. Dia samy nody ho any an-dainy avy ny Isiraely.

Malagasy Bible

¹⁶ Ary nony hitan'ny Isiraely rehetra fa tsy nihaino azy ny mpanjaka, dia namaly ny mpanjaka ny vahoaka ka nanao hoe: Inona moa no anjaranay amin'i Davida? Tsy manana lova amin'ny zanak'i Jese izahay; samia mody any an-dainy avy, ry Isiraely e; ankehitriny tandremo ny taranakao, ry Davida ô. Dia samy nody ho any an-dainy avy ny Isiraely.

La Bible en Malgache

¹⁶ Nony hitan’ny Israely rehetra fa tsy nihaino azy ny mpanjaka dia hoy ny vahoaka tamin’ny mpanjaka: Inona moa no anjaranay amin’i Davida? Tsy manana lova amin’ny zanak’i Jese izahay! Samia mody any an-dainy avy, ry Israely e! Ankehitriny, jereo ny tranonao, ry Davida ô! Dia samy nody ho any an-dainy avy ny Israely.

1Mpanjaka 12:16 Rohy Ifampitohizana

2Samoela 15:13

Dia nisy olona tonga nilaza tamin’i Davida, nanao hoe: «Tafaraikitra amin’ny fanarahana an’i Absalôma ny fon’ny lehilahy amin’i Israely.»

2Samoela 16:11

Ary hoy i Davida tamin’i Abisaia sy ny mpanompony rehetra: «He, ny zanako naloaky ny kiboko aza ity mitady ny aiko; ka mainka fa io zana-Benjamina io! Avelao izy hanozona, fa didin’i Iaveh taminy izany.

2Samoela 20:1

Nisy olon’i Beliala anankiray kosa teo, atao hoe Sebà zanak’i Bokrì, Benjaminita, ka nitsoka anjomara io dia nanao hoe: «Tsy manana anjara amin’i Davida isika, tsy manana lova miaraka amin’ny zanak’i Jese, ka samia mody any an-dainy avy, ry Israely ô!»

1Mpanjaka 11:11

Ka hoy i Iaveh tamin’i Salômôna: «Noho izao fitondran-tenanao izao, ka tsy mba nitandrina ny fanekeko sy ny lalàko izay nandidiako anao ianao, dia hotsoahako marina tokoa eo an-tananao ny fanjakana, ka homeko ny mpanomponao.

1Mpanjaka 11:13

Ary tsy dia ny fanjakana manontolo koa aza no hoendahako, fa hamelako foko iray ihany ny zanakao, noho ny amin’i Davida mpanompoko, sy noho ny amin’i Jerosalema izay voafidiko.»

1Mpanjaka 11:34

Amin’ny andro rehetra hiainany anefa, tsy hanatsoahako eo am-pelatanany akory ny fanjakana na tapany aza, fa hampaharetiko ho Andriana izy noho ny amin’i Davida mpanompoko, izay nofidiko, sy nitandrina ny didy aman-dalàko.

1Mpanjaka 11:35

Fa rehefa mby an-tanan’ny zanany vao hesoriko ny fanjakana, ka homeko anao ny foko folo.

1Mpanjaka 11:36

Homeko foko iray ny zanany mba hananan’i Davida mpanompoko, fanilo eo anatrehako mandrakariva, any Jerosalema izay tanàna voafidiko hametrahako ny Anarako.

1Mpanjaka 11:39

Fa ny taranak’i Davida kosa haetriko noho ny fivadihany; tsy ho mandrakizay anefa izany.»

1Mpanjaka 22:17

Dia hoy ny navalin’i Mikea: «Indreny i Israely rehetra hitako miely eny an-tendrombohitra toy ny ondry tsy misy mpiandry, ka hoy i Iaveh: Tsy manan-tompo ireo olona ireo, ka aoka samy hody soa aman-tsara any an-tranony avy.»

1Mpanjaka 22:36

Nony efa ho faty ny masoandro, niely eran’ny toby izao antsoantso izao; «Samia mody any an-tanànany avy, samia mody any amin’ny taniny avy!»

2Tantara 10:16

Rehefa hitan’i Israely rehetra fa tsy nihaino azy ny mpanjaka, dia hoy ny navalin’ny vahoaka ny mpanjaka: «Manana anjara inona amin’i Davida moa izahay? Tsy manan-dova amin’ny zanak’i Isaia izahay! Koa samia ho any an-dainy, ry Israely, fa ianao kosa, ry Davida, ahio ny tranonao!» Dia samy nody ho any an-dainy avy i Israely rehetra.

Salamo 132:17

Hohalehibeaziko ao ny fahefan’i Davida; hamboatra fanilo ho an’ny Voahosotro aho.

Salamo 76:10

nony nitsangana hitsara Andriamanitra; sy hamonjy ny olo-mahantra rehetra amin’ny tany. - Selà

Ohabolana 15:1

Ny valin-teny mora, mampitony havinirana; fa ny teny henjana, mampirehi-katezerana.

Isaia 7:17

I Iaveh hahatonga aminao sy ny vahoakanao ary amin’ny fianakavian-drainao, andro tsy mbola nisy tonga toa azy, hatramin’ny andro nisarahan’i Efraima tamin’i Jodà, - dia ny mpanjakan’i Asiria.

Isaia 7:2

Nambara tamin’ny taranak’i Davida izany vaovao izany, fa hoe: «Mitoby any amin’i Efraima i Siria.» Tamin’izany nipararetra hoatra ny fanetsiky ny rivotra ny hazo an’ala, ny fon’ny mpanjaka sy ny fon’ny vahoaka.

Jeremia 33:21

amin’izany, dia ho foana ny fanekeko tamin’i Davida mpanompoko, ka tsy hanan-janaka lahy hanjaka eo amin’ny seza fiandrianany izy, sy ny fanekeko amin’ireo Levita mpisorona, manao fanompoana Ahy.

Ezekiela 37:16

Ary ianao, ry zanak’olona, makà hazo iray, asio soratra hoe: «Ho an’i Jodà sy ho an’ny zanak’i Israely tafakambana aminy.» Dia makà hazo iray hafa koa, asio soratra hoe: «Ho an’i Josefa; ka ho hazon’i Efraima sy ny taranak’i Israely rehetra tafakambana aminy izany.»

Marka 3:24

Raha misy fanjakana miady an-trano, dia tsy haharitra izany fanjakana izany;

Lioka 19:14

Fa nankahala azy kosa ny vahoaka iray tanindrazana aminy ka nampitondra teny nanaraka azy nanao hoe: Tsy tianay hanjaka aminay iny lehilahy iny.

Lioka 19:27

Ary ireo fahavaloko tsy nety hanjakako ireo kosa dia ento atỳ, ka vonoy eto anatrehako.

Jaona 13:8

Fa hoy i Piera taminy: «Sanatria, tsy hanasa ny tongotro na oviana na oviana Ianao.» Ka hoy i Jesoa namaly azy: «Raha tsy sasako ianao, dia tsy hanana anjara amiko.»

Mpitsara 8:35

ary tsy nampiseho firaiketam-po tamin’ny taranak’i Jerobaala-Jedeôna araka ny soa rehetra nataony tamin’i Israely.

Mpitsara 9:28

Dia hoy i Gaala zanak’i Obeda hoe: «Iza moa i Abimeleka, ary zovy moa i Sikema, no hotompointsika? Tsy zanak’i Jerobaala va izy, ary tsy i Zebola va no lefiny? Ianareo no manompoa ny taranak’i Emôra, rain’i Sikema. Fa raha izahay, ahoana ange no hanompoanay an’i Abimeleka?