1Korintiana 4:10 - Baiboly Katolika

¹⁰ Izahay moa, adala noho ny amin’i Kristy, ianareo kosa hendry ao amin’i Kristy! Izahay osa, fa ianareo no matanjaka; izahay faneso, ianareo kosa fanaja.

Baiboly Protestanta Malagasy 2011

¹⁰ Izahay dia adala noho ny amin’i Kristy fa ianareo no hendry ao amin’i Kristy! Izahay dia malemy fa ianareo no mahery! Ianareo dia manan-daza fa izahay no mavomavo!

DIEM PROTESTANTA

¹⁰ Izahay moa adala noho ny amin’i Kristy, fa ianareo kosa hendry satria tafaray amin’i Kristy; izahay osa, fa ianareo kosa matanjaka; izahay tsy misy hajany, fa ianareo kosa heni-boninahitra.

Dikateny Iombonana Eto Madagasikara

¹⁰ Izahay moa adala noho ny amin’i Kristy, fa ianareo kosa hendry satria tafaray amin’i Kristy; izahay osa, fa ianareo kosa matanjaka; izahay tsy misy hajany, fa ianareo kosa heni-boninahitra.

Baiboly Protestanta Malagasy

¹⁰ Izahay dia adala noho ny amin’i Kristy, fa hianareo no hendry ao amin’i Kristy! izahay malemy, fa hianareo no mahery! hianareo manan-daza, fa izahay mavomavo!

Malagasy Bible

¹⁰ Izahay dia adala noho ny amin'i Kristy, fa ianareo no hendry ao amin'i Kristy! izahay malemy, fa ianareo no mahery! ianareo manandaza, fa izahay mavomavo!

La Bible en Malgache

¹⁰ Izahay dia adala noho ny amin’i Kristy* fa ianareo no hendry ao amin’i Kristy! Izahay dia malemy fa ianareo no mahery! Ianareo dia manan-daza fa izahay no mavomavo!

1Korintiana 4:10 Rohy Ifampitohizana

2Mpanjaka 9:11

Fa i Jehò nivoaka nankao amin’ny mpanompon’ny tompony, ka hoy ireo taminy hoe: «Tsara ihany daholo va? Fa ahoana no nalehan’ilay adala iny tao aminao?» Dia hoy ny navalin’izy ireo: «Samy fantatrareo ihany, na ralehilahy na ny teniny.»

Ohabolana 11:12

Tsy ampy saina izay manamavo ny namany, fa ny manan-tsaina mangina.

Isaia 53:3

Noesorina sy nilaozan’ny olona Izy, olona ory sady zatra ny fijaliana; hoatra ny zavatra hisaronan’ny olona tava; natao faneso sy tsy nahoantsika velively.

Hosea 9:7

Tonga ny andro famaizana! Tonga ny andro fanodiavana; vetivety ho fantatr’i Israely izany. Adala ny mpaminany, ny olona tsindriam-panahy mirediredy foana, noho ny haben’ny helokao sy ny fanoheranao mafy.

Matio 24:9

Amin’izany, dia hatolony hampijaliana sy hovonoina ianareo, ary ho halan’ny firenena rehetra noho ny Anarako.

Matio 5:11

Sambatra ianareo raha tevatevaina sy enjehina ary ampangaina lainga amin’ny ratsy rehetra noho ny Amiko;

Lioka 10:16

«Izay mihaino anareo mihaino Ahy, ary izay manamavo anareo manamavo Ahy; izay manamavo Ahy anefa dia manamavo Izay naniraka Ahy.»

Lioka 18:9

Dia nanao ity fanoharana ity koa Izy, mankamin’ny sasany natoky tena ho marina sy nanebaka ny namany:

Lioka 6:22

Ho sambatra ianareo raha hankahalain’ny olona, horoahiny amin’ny fikambanany, hotevatevainy ary holaviny toy ny zava-dratsy ny anaranareo, noho ny amin’ny Zanak’olona.

Asan’ny Apostoly 17:18

Nisy filôzôfy sasany tamin’ny Epikorianina sy ny Stôisianina niady hevitra taminy koa. Hoy ny sasany: «Inona re no tadiavin’io mpibedibedy io e?» Ary hoy kosa ny sasany nandre azy nitory an’i Jesoa sy ny fitsanganan’ny maty: «Toa mitory andriamani-baovao izy izany.»

Asan’ny Apostoly 17:32

Nony nandre izany hoe fitsanganan’ny maty izy ireo, dia nihomehy ny sasany, fa ny sasany kosa nanao hoe: «Mbola hihaino anao indray izahay ny amin’izany.»

Asan’ny Apostoly 26:24

Mbola niteny izany hanala tsiny ny tenany teo i Paoly no niantso tamin’ny feo mahery i Festosy nanao hoe: «Very saina ianao, ry Paoly; ny fianaranao be loatra no nampivaona ny hevitrao.»

Asan’ny Apostoly 9:16

ary hasehoko azy ny mafy tsy maintsy hiaretany noho ny Anarako.»

1Korintiana 1:21

Fa noho ny fahendren’Andriamanitra, dia tsy nahalala an’Andriamanitra ny fahendren’izao tontolo izao, ka dia ny hadalan’ny fitorian-teny no sitrak’Andriamanitra hamonjena an’izay mino.

1Korintiana 1:23

ary izahay kosa mitory an’i Kristy voafantsika tamin’ny Hazofijaliana. Fanafintohinana amin’ny Jody izany, ary fahadalana amin’ny Jentily;

1Korintiana 1:25

Fa izay toa fahadalàn’Andriamanitra dia hendry noho ny fahendren’ny olombelona, ary izay toa fahalemen’Andriamanitra dia mahery noho ny herin’ny olombelona.

1Korintiana 10:12

Koa aoka àry izay manao ny tenany ho mijoro tsara, hitandrina sao lavo.

1Korintiana 2:14

Tsy azon’ny olona ara-batana anefa ny zavatra avy amin’ny Fanahin’Andriamanitra; ataony ho fahadalana izany, fa tsy hainy fantarina velively, satria amin’ny Fanahy no hany amantarana izany.

1Korintiana 2:3

Ary tamim-pahalemena sy tahotra ary hovitra be no nanatonako anareo;

1Korintiana 3:18

Aza misy mamita-tena; fa raha misy aminareo manao ny tenany ho hendry amin’izao tontolo izao, dia aoka ho adala izy mba ho hendry.

1Korintiana 3:2

Ronono no nomeko hosotroinareo, fa tsy ventin-kanina mahery, satria tsy mbola nahazaka izany ianareo, sady tsy mbola mahazaka ankehitriny aza, noho ianareo mbola ara-batana.

1Korintiana 4:8

Efa voky sahady mantsy ianareo izany e! Efa manan-karena sahady à! Efa manjaka lavitra anay! Enga anie ka ho izany tokoa ianareo, mba hiarahanay manjaka aminareo.

2Korintiana 10:10

fa ny taratasiny, hoy ny olona, no mavesatra sy mahery; kanjo nony tonga tokoa izy, ny tenany malemy foana; ny teniny tsinontsinona;

2Korintiana 11:19

sady hendry koa ianareo, ka mandefitra an-tsitrapo amin’ny adala.

2Korintiana 11:29

Iza no malemy ka tsy malemy koa aho? zovy no tafintohina ka tsy mirehitra koa aho?

2Korintiana 13:9

Hafaliana ho anay, raha izahay no malemy, fa ianareo kosa no mahery; ary izao indrindra aza no angatahinay amin’ny fivavahanay, dia ny hahatongavanareo amin’ny fara fahalavorariana.

2Korintiana 4:12

Koa ny fahafatesana no miasa ao aminay, fa ny fiainana kosa ao aminareo.

2Korintiana 6:8

na omem-boninahitra na alàm-baraka, na ratsy laza na tsara laza; honoina ho mpamitaka nefa mpilaza ny marina; ho olon-tsy fantatra, nefa fantatra tsara;

1Tesaloniana 4:8

Koa izay manamavo izany didy izany, dia tsy manamavo olombelona, fa manamavo an’Andriamanitra, Izay nanome ny Fanahiny Masina ho ao aminareo.

1Petera 4:14

Sambatra ianareo raha tevatevaina noho ny Anaran’i Kristy, fa mitoetra ao aminareo ny Fanahin’ny voninahitra sy ny fahefana, dia ny Fanahin’Andriamanitra.