1Korintiana 14:15 - Baiboly Katolika

¹⁵ Hatao ahoana àry? Izao: sady hivavaka amin’ny fanahy aho no hivavaka amin’ny saina koa; sady hihira amin’ny fanahy aho no hihira amin’ny saina koa.

Baiboly Protestanta Malagasy 2011

¹⁵ Ahoana ary no izy? Sady hivavaka miaraka amin’ny fanahiko aho no hivavaka miaraka koa amin’ny saina; sady hihira miaraka amin’ny fanahy aho no hihira miaraka amin’ny saina koa.

DIEM PROTESTANTA

¹⁵ Ahoana àry no hataoko? Hivavaka amin’ny fanahiko aho no sady hivavaka amin’ny saiko ihany koa; hihira amin’ny fanahiko aho no sady hihira amin’ny saiko ihany koa.

Dikateny Iombonana Eto Madagasikara

¹⁵ Ahoana àry no hataoko? Hivavaka amin’ny fanahiko aho no sady hivavaka amin’ny saiko ihany koa; hihira amin’ny fanahiko aho no sady hihira amin’ny saiko ihany koa.

Baiboly Protestanta Malagasy

¹⁵ Ahoana ary no izy? Sady hivavaka am-panahy no hivavaka an-tsaina koa aho; sady hihira am-panahy no hihira an-tsaina koa aho.

Malagasy Bible

¹⁵ Ahoana ary no izy? Sady hivavaka am-panahy no hivavaka an-tsaina koa aho; sady hihira am-panahy no hihira an-tsaina koa aho.

La Bible en Malgache

¹⁵ Ahoana ary no izy? Sady hivavaka miaraka amin’ny fanahiko aho no hivavaka miaraka koa amin’ny saina; sady hihira miaraka amin’ny fanahy aho no hihira miaraka amin’ny saina koa.

1Korintiana 14:15 Rohy Ifampitohizana

Salamo 47:7

Mihirà ho an’Andriamanitra, mihirà! Mihirà ho an’ny Mpanjakantsika, mihirà!

Asan’ny Apostoly 21:22

Ka ahoana àry no hatao? Fa handre anao tonga izao ny olona, ka tsy maintsy hivory daholo.

Romana 1:9

Andriamanitra izay tompoiko amin’ny foko tokoa, amin’ny fitoriana ny Evanjelin-Janany, no vavolombeloko fa mahatsiaro anareo lalandava aho,

Romana 3:5

Fa raha ny tsy fahamarinantsika no mampiseho ny fahamarinan’Andriamanitra, ahoana àry no holazaintsika? Tsy marina angaha Andriamanitra raha manampatra ny fahatezerany amintsika? (miteny araka ny fanaon’ny olona aho).

Romana 8:31

Inona àry no holazaintsika ny amin’izany? Raha Andriamanitra no momba antsika, iza no hahatohitra antsika?

1Korintiana 10:19

Inona àry no lazaiko? Moa mba zavatra ihany va ny hena naterina tamin’ny sampy; na moa mba zavatra koa va ny sampy?

1Korintiana 14:14

Fa raha mivavaka amin’ny fiteny tsy fantatra aho, dia mivavaka ihany ny fanahiko, fa ny saiko no tsy mahazo vokatra.

1Korintiana 14:19

nefa ao am-piangonana, dia aleoko manao teny dimy hampianarako ny hafa amin’ny saiko, toy izay hanao teny iray alina amin’ny teny tsy fantatra.

1Korintiana 14:26

Hatao ahoana àry, ry kristianina havana? Raha miangona ianareo, ka samy manana ny azy: ny sasany, hira; ny sasany, fampianarana; ao ny manana fanambaràna, ao ny manana fiteny tsy fantatra, ary misy manana fandikàn-teny: dia aoka hatao fampandrosoana ny namana ny zavatra rehetra.

Efesiana 6:18

Ataovy lalandava ao amin’ny Fanahy ny fangatahana amam-pifonana rehetra, amin’izany dia miambena amin’ny faharetana rehetra, sy amin’ny fivavahana ho an’ny olona masina rehetra;

Filipiana 1:18

Nefa mampaninona moa izany e? Rehefa i Kristy no torina, na amim-pihatsarambelatsihy izany, na amin-kitsim-po, dia mahafaly ahy izany, ary mbola hahafaly ahy koa aza.

Kolosiana 3:16

Hitoetra be dia be ao anatinareo anie ny tenin’i Kristy, ka hifampianatra sy hifananatra amin’ny fahendrena rehetra ianareo; ary hoentin’ny fahasoavana hihira ho an’Andriamanitra ao am-ponareo, amin’ny Salamo aman-kira fiderana, mbamin’ny tononkira masina.

Jakoba 5:13

Misy azom-pahoriana va ao aminareo? Aoka izy hivavaka. Misy mifaly va? Aoka izy hihira fiderana.

Joda 1:20

Aoka ianareo, ry malala, hiorina mafy amin’ny fototry ny finoanareo masina indrindra, hivavaka amin’ny alalan’ny Fanahy Masina,